بۇل تۋرالى قر اقپارات جانە قوعامدىق دامۋ مينيسترلىگى مالىمدەدى.
گەرمانيا ۇكىمەتى قازاقستان حالقىنا رەسپۋبليكادا تۇراتىن ەتنيكالىق نەمىستەرگە كومەك كورسەتكەنى ءۇشىن العىسىن ءبىلدىردى.
ەسكە سالا كەتەيىك, استانادا مۇنداي ورتالىقتى قۇرۋ تۋرالى كەلىسىمگە قازاقستان پرەزيدەنتى قاسىم-جومارت توقاەۆتىڭ 2019 جىلعى جەلتوقسانداعى گەرمانياعا العاشقى رەسمي ساپارى كەزىندە بەرليندە قول قويىلعان بولاتىن.
ورتالىقتىڭ قىزمەتى قازاقستان نەمىستەرىنىڭ ەتنيكالىق بىرەگەيلىگىن, مادەنيەتى مەن انا ءتىلىن ساقتاۋعا باعىتتالادى, سونداي-اق ەكى ەلدىڭ ىسكەرلىك قوعامداستىعى ءۇشىن ديالوگ الاڭى بولادى.
تاسپانى كەسۋ راسىمىنە قحا توراعاسىنىڭ ورىنباسارى – حاتشىلىق مەڭگەرۋشىسى مارات ءازىلحانوۆ, گەرمانيانىڭ فەدەرالدىق ۇكىمەتىنىڭ قونىس اۋدارۋشىلار مەن از ۇلتتار ىستەرى جونىندەگى ۋاكىلى بەرند فابريتسيۋس, قر پارلامەنتى ءماجىلىسىنىڭ دەپۋتاتى, «ۆوزروجدەنيە» قازاقستاندىق نەمىستەر بىرلەستىگى قوعامدىق قورىنىڭ قامقورشىلىق كەڭەسىنىڭ توراعاسى البەرت راۋ, قر اقدم ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين جانە باسقالار قاتىستى. بەرند فابريتسيۋس استانادا نەمىس ورتالىعىن اشۋدىڭ ماڭىزدىلىعىن اتاپ ءوتىپ, گەرمانيا ۇكىمەتىنىڭ اتىنان قازاقستان حالقىنا رەسپۋبليكادا تۇراتىن ەتنيكالىق نەمىستەرگە كومەك كورسەتكەنى ءۇشىن العىسىن ءبىلدىردى.
ورتالىقتىڭ اشىلۋىنىڭ باستاماشىسى البەرت راۋ ءوز سوزىندە: «بۇل جاي ورتالىق نەمەسە كەڭسە عانا ەمەس – بۇل نەمىس مادەنيەتى مەن داستۇرلەرىنە قوسىلعىسى كەلەتىندەرگە تولى ءۇي بولادى», دەپ اتاپ ءوتتى.
ورتالىقتىڭ اشىلۋى مەن قىزمەتىن قارجىلاندىرۋدى گەرمانيا ۇكىمەتى مەن جەكە دەمەۋشىلەر جۇزەگە اسىرادى.
