الماتىدا كەيىنگى بەس جىلدىڭ ىشىندە 25 بالاباقشا سالىنىپ, سامالاداي ءساندى عيماراتتار سابيلەردىڭ كۇلكىسىنە تولدى. تەك سوڭعى كۇندەرى وڭتۇستىك استانادا ءتورت بىردەي بالاباقشانىڭ تۇساۋى كەسىلىپ, كەزەكتە تۇرعان قالا تۇرعىندارى بۇلدىرشىندەرىن جاڭا ورتاعا جەتەكتەپ اپاراتىن كەز كەلدى.
الماتىدا كەيىنگى بەس جىلدىڭ ىشىندە 25 بالاباقشا سالىنىپ, سامالاداي ءساندى عيماراتتار سابيلەردىڭ كۇلكىسىنە تولدى. تەك سوڭعى كۇندەرى وڭتۇستىك استانادا ءتورت بىردەي بالاباقشانىڭ تۇساۋى كەسىلىپ, كەزەكتە تۇرعان قالا تۇرعىندارى بۇلدىرشىندەرىن جاڭا ورتاعا جەتەكتەپ اپاراتىن كەز كەلدى.
سونداي زاماناۋي جاڭا بالاباقشانىڭ ءبىرى – تۇرعىندارى تىعىز ورنالاسقان اينابۇلاق شاعىن اۋدانىنداعى № 179 بالاباقشا. اينابۇلاق جاقتاعى مەكتەپ جاسىنا دەيىنگى جاڭا مەكەمەنىڭ اشىلۋ سالتاناتىنا قالا اكىمى احمەتجان ەسىموۆ قاتىسىپ, ەلەۋلى وقيعامەن بالدىرعانداردى, ولاردىڭ اتا-انالارىن قۇتتىقتادى, «بالاپان» باعدارلاماسىنىڭ ماڭىزدىلىعىن اتاپ ءوتتى.
– الدىمىزدا تۇرعان ماڭىزدى مىندەتتەردىڭ ءبىرى – بولاشاق جاس ۇرپاقتى تاربيەلەۋ. بۇل ءۇشىن الماتىدا بارلىق جاعدايلار جاسالۋدا – بالاباقشالارى مەن مەكتەپتەر سالىنۋدا. ءبىز بالا تاربيەسىنىڭ ەڭ الدىمەن بالاباقشادان باستالاتىندىعىن ەسكەرۋىمىز كەرەك, – دەدى شاھار باسشىسى.
اكىم قالادا 424 مەكتەپ جاسىنا دەيىنگى بالالار مەكەمەسى بار ەكەندىگىن جەتكىزدى. بۇلاردا 51 500 بالا تاربيەلەنۋدە. جوعارىدا اتاپ ءوتكەندەي, تەك سوڭعى بەس جىلدىڭ ىشىندە عانا مەگاپوليستە 4090 ورىندى 25 بالاباقشا سالىندى. وسى جىلدار ىشىندە 1740 ورىندىق 7 عيمارات قالا مەنشىگىنە قايتارىلدى. ناتيجەسىندە الماتىدا بالاباقشا سانى 8,1 پايىزعا (5 830 ورىندىق) ءوستى.
ال اينابۇلاق ىقشام اۋدانىنداعى №179 بالاباقشاعا 120 ءبۇلدىرشىن بارا الادى. ول قازىرگى زامانعى جابدىقتارمەن تولىق قامتىلعان. وقۋ-تاربيە جۇمىستارى مەملەكەتتىك تىلدە جۇزەگە اسۋدا.
تاياۋ ارادا مەگاپوليستەگى «سايالى», «العاباس», «اقبۇلاق» ىقشام اۋداندارى مەن شالياپين مەن ى.التىنسارين كوشەلەرىنىڭ قيىلىسىندا جاڭا بالاباقشالار بوي كوتەرەتىن بولادى.
ايناش ەسالي,
«ەگەمەن قازاقستان».
الماتى.
