بۇگىن كەشكە استانانىڭ «بارىس» كومانداسى ءوز الاڭىندا رەسەيدىڭ حانتى-مانسي قالاسىنىڭ «يۋگرا» كلۋبىمەن كەزدەسىپ, 4:3 ەسەبىمەن جەڭىسكە جەتتى. بۇل تۋرالى egemen.kz ءتىلشىسى حابارلادى.
كەزدەسۋ وتە قىزىقتى جانە تارتىستى ءوتتى. استانالىق حوككەيشىلەر ويىن باستالا سالا العا ۇمتىلىپ, 1-مينۋتتا قارسىلاستار قاقپاسىنا العاشقى شايبانى سوقتى. بۇل شايبانىڭ اۆتورى رومان ستارچەنكو اتاندى. ءبىرىنشى كەزەڭدە الاڭ يەلەرى قانشاما تىرىسقانىمەن ەكىنشى شايبانى سوعا المادى. ونىڭ ورنىنا «يۋگرانىڭ» ويىنشىسى نيكيتا گۋسەۆ17-مينۋتتا ەسەپتى تەڭەستىردى.
ەكىنشى كەزەڭدە «بارىس» كوپ شابۋىلدىڭ بىرىندە قارسىلاستار قاقپاسىنىڭ كىلتىن تاۋىپ, ەسەپتى 2:1-گە جەتكىزدى. وندا قوناقتاردىڭ قاقپاسىن 23-مينۋتتا ميحايل راحمانوۆ ءدال كوزدەدى. وسىدان كەيىن اراعا ءبىر مينۋت سالماستان نيكولاي انتروپوۆ ءۇشىنشى شايبانى سوقتى. ەكىنشى كەزەڭدە «يۋگرا» ەسەپتى قىسقارتا الدى. ويىننىڭ. 32-مينۋتىندا ارتيوم بۋليانسكي شايبا سوقتى. الايدا, وسى كەزەڭدە برەندون بوچەنسكي «يۋگرانىڭ» قاقپاشىسىنان ايلاسىن اسىرىپ, ءتورتىنشى گولدىڭ اۆتورى اتاندى.
ءۇشىنشى كەزەڭدە «يۋگرا» ويىننىڭ اياقتالۋىنا 5 مينۋت قالعاندا ارتەم بۋليانسكيدىڭ شايباسىمەن ەسەپتى قىسقارتا الدى. ودان باسقاعا شاماسى كەلمەدى. ءسويتىپ, استانالىق حوككەيشىلەر «يۋگرا» كلۋبىن پلەي-وفف كەزەڭىنەن شىعارىپ تاستادى. ەندى «بارىس» كەلەسى كەزدەسۋىن 26 اقپان كۇنى رەسەيدىڭ مىتيششي قالاسىندا «اتلانت» كومانداسىمەن وتكىزەدى.
داستان كەنجالين.
دەرەككوز: http://hcbarys.kz/
