«قىرعىز رەسپۋبليكاسىنىڭ پرەزيدەنتى سادىر جاپاروۆتىڭ جارلىعىنا سايكەس نيازوۆ ميروسلاۆ دجۋمابەكوۆيچ قىرعىز رەسپۋبليكاسىنىڭ اۋعانستان يسلام رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى», دەپ جازىلعان حابارلامادا.
پرەزيدەنت اكىمشىلىگىندەگىلەردىڭ ايتۋىنشا, م. نيازوۆ ەلشى قىزمەتىنەن ءوز ەركىمەن كەتتى. ول 2019 جىلدىڭ ناۋرىزىندا قىرعىزستاننىڭ اۋعانستانداعى ەلشىسى بولىپ تاعايىندالعان.
سونداي-اق م. نيازوۆ قىرعىزستاننىڭ تاجىكستانداعى ەلشىسى جانە قاۋىپسىزدىك كەڭەسىنىڭ حاتشىسى بولىپ قىزمەت اتقارعان.
Akipress-كە بەرگەن سۇحباتىندا ول ەلگە ورالۋىمەن قاتار دەنساۋلىعىنا بايلانىستى دا قىزمەتىنەن كەتۋگە شەشىم قابىلداعانىن ايتقان.
