ۇكىمەت • 10 قىركۇيەك، 2021

اسقار مامين جاڭا ەكولوگيا ءمينيسترىن تانىستىردى

33 رەت كورسەتىلدى

قر پرەمەر-ءمينيسترى اسقار مامين ەكولوگيا، گەولوگيا جانە تابيعي رەسۋرستار مينيسترلىگىنىڭ ۇجىمىنا جاڭا باسشى سەرىكقالي برەكەشەۆتى تانىستىردى، دەپ حابارلايدى Egemen.kz.

ۇكىمەت باسشىسى ەكولوگيا، گەولوگيا جانە تابيعي رەسۋرستار مينيسترلىگىنىڭ الدىنا جاڭا ەكولوگيالىق كودەكستى ءتيىمدى ىسكە اسىرۋدى قامتاماسىز ەتۋ، تومەن كومىرتەكتى دامۋ تۇجىرىمداماسىن دايىنداۋ، ورمان قورىن ۇلعايتۋ، سۋ رەسۋرستارى مەن بالىق شارۋاشىلىعىن باسقارۋ جۇيەسىن ودان ءارى دامىتۋ بويىنشا ماڭىزدى مىندەتتەر قويىلعانىن اتاپ ءوتتى.

«مەملەكەت باسشىسى ۇلتتىق گەولوگيالىق قىزمەتتى قۇرۋدى تاپسىردى. گەولوگيالىق بارلاۋدى دامىتۋعا جانە جەر قويناۋىن كەشەندى زەرتتەۋگە، گەولوگيالىق اقپاراتتىڭ اشىق تسيفرلىق بازاسىن قۇرۋعا ەرەكشە نازار اۋدارۋ قاجەت»، دەدى ا. مامين.

سەرىكقالي برەكەشەۆ 1972 جىلى 14 قازاندا پاۆلودار قالاسىندا دۇنيەگە كەلگەن.

1995 جىلى اتىراۋ پوليتەحنيكالىق ينستيتۋتىن «مۇناي جانە گاز كەن ورىندارىن يگەرۋ» ماماندىعى بويىنشا بىتىرگەن.

ءتۇرلى جىلدارى ەنەرگەتيكا جانە مينەرالدىق رەسۋرستار، مۇناي جانە گاز مينيسترلىكتەرىندە، «قازترانسگاز» اق-دا باسشىلىق قىزمەتتەردە جۇمىس ىستەدى.

2020 جىلدىڭ ناۋرىز ايىنان باستاپ قر ەكولوگيا، گەولوگيا جانە تابيعي رەسۋرستار ۆيتسە-ءمينيسترى قىزمەتىن اتقاردى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار