الماتى اكىمى باقىتجان ساعىنتاەۆ Instagram-داعى پاراقشاسىندا بالالاردىڭ دەنەشىنىقتىرۋ مەن بۇقارالىق سپورتقا بەلسەندى تۇردە قاتىساتىنىن حابارلادى.
«ول ءۇشىن جالپىقالالىق سپورت ينفراقۇرىلىمىنان بولەك مەكتەپ جانىنداعى سپورت ايماعىنىڭ الەۋەتىن دامىتامىز. وتكەن 2020-2021 وقۋ جىلىندا مەملەكەتتىك-جەكە ارىپتەستىك اياسىندا مەكتەپ جانىنداعى 4 سپورت الاڭى جاڭعىرتىلدى. بيىل جىل سوڭىنا دەيىن 61 مەكتەپتىڭ جانىنداعى سپورت نىسانىن جاڭعىرتۋدى اياقتايمىز. وندا 73 فۋتبول, 63 ۆولەيبول مەن باسكەتبول الاڭى, سونداي-اق ۆوركاۋت-ايماقتار مەن جۇگىرۋ جولدارى بار», دەپ جازدى اكىم.
سونىمەن قاتار, ول مەملەكەت باسشىسىنىڭ بۇقارالىق سپورتتى دامىتۋ تۋرالى تاپسىرماسىن ىسكە اسىرۋ جالعاسا بەرەتىنىن اتاپ ءوتتى.
