28 قاڭتار، 2014

نيكولاي ازاروۆ وتستاۆكاعا كەتتى

129 رەت كورسەتىلدى

28 01 - Azarov

ۋكراينا پرەمەر-ءمينيسترى نيكولاي ازاروۆ وتستاۆكاعا كەتتى. بۇل تۋرالى يتار-تاسس حابارلادى.

«ەلدەگى جانجالدىڭ بەيبىت شەشىلۋىنە ىقپال ەتۋ ماقساتىندا پرەزيدەنتكە قىزمەتىمنەن كەتۋ جونىندە ءوتىنىش جازدىم»، – دەپ مالىمدەدى نيكولاي ازاروۆ. 

ايماقتار پارتياسى باسشىسىنىڭ ورىنباسارى ميحايل چەچەتوۆ ەندى پرەمەردىڭ ماسەلەسىن شەشۋ پرەزيدەنتتىڭ قۇزىرەتىندە ەكەنىن مالىمدەدى. «جوعارعى رادا قازىر بۇل پروتسەسسكە ىقپال ەتە المايدى، – دەيدى ول. – پرەمەردىڭ وتستاۆكاعا قاشان كەتەتىنى جانە ونىڭ ورنىنا قانداي كانديداتۋرا ۇسىنىلاتى جونىندەگى ماسەلەنى تەك پرەزيدەنت شەشەدى».

ميحايل چەچەتوۆتىڭ ايتۋىنشا، ەلدەگى احۋالدى رەتتەۋ ءۇشىن وپپوزيتسيا راديكالداردان بولىنگەندىگىن ناقتى كورسەتۋى كەرەك. «نارازى توپتىڭ الدىندا راديكالدى باعىت ۇستانعان ءبىر نە ەكى ءجۇز ادام جۇرەدى. ال ولاردىڭ ارتىندا مىڭداعان وپپوزيتسيا جاقتاستارى بار. ءبىز وپپوزيتسيانى ءوز جاقتاستارىن ءبولىپ الىپ، راديكالداردى قولدامايتىندىعى تۋرالى مالىمدەۋگە شاقىرىپ وتىرمىز. جالپى، ەلدەگى احۋالدى رەتتەۋگە بولاتىنىنا سەنەمىن»، – دەيدى دەپۋتات.   

سونداي-اق ايماقتار پارتياسى جەتەكشىلەرىنىڭ ءبىرى اننا گەرمان نيكولاي ازاروۆتىڭ قىزمەتىنەن كەتۋىن «كورەگەن مەملەكەت قايراتكەرىنىڭ شەشىمى» دەپ باعالادى. ونىڭ ويىنشا، جاڭا ۇكىمەت جاستاردان قۇرىلۋى كەرەك.

ايدار ورىسباەۆ.

دەرەككوز: Itar-tass.com

فوتو: Ria.ru

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار