پرەزيدەنت • 10 قىركۇيەك، 2021

قولجەتىمدى ءارى ساپالى ءبىلىم بەرۋ – باستى ماقسات

219 رەت كورسەتىلدى

مەملەكەت باسشىسى قاسىم-جومارت كەمەل ۇلى توقاەۆتىڭ 2021 جىلدىڭ 1 قىركۇيەگىندە قازاقستان حالقىنا «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نە­گىزى» جولداۋى ۇستازدار قاۋىمىنىڭ شەشى­مىن كوپتەن كۇتكەن ماسەلەلەرىنىڭ ءتۇيىنىن اشىپ كورسەتتى.

سوڭعى جىلدارى ەلدى جايلاعان ىندەتتىڭ ءبىلىم بەرۋ ساپاسىنا كەرى اسەرىن تيگىزگەنى بارشاعا ايان. قاشىقتان وقىتۋ ءۇردىسى وتاندىق ءبىلىم بەرۋ سالاسىنىڭ كەمشىن تۇستارىن ايقىنداپ بەردى: ىڭعايلانعان ونلاين-پلاتفورمانىڭ بولماۋى، اتا-انالاردىڭ وقۋشىلاردى قاشىقتان ءبىلىم الۋ قۇرىلعىلارىمەن قامتاماسىز ەتۋ مۇمكىندىگىنىڭ ماردىمسىزدىعى، عالام­تور جەلىسىنىڭ تۇراقسىزدىعى، سايىپ كەلگەندە، وقۋ ۇدەرىسىنىڭ تولىققاندى ۇيىم­داستىرىلۋىنا كەدەرگى كەلتىرىپ، ءبىلىم ساپاسىنىڭ تومەندەۋىنە اكەلىپ سوقتىردى.

2021-2022 وقۋ جىلى نۇر-سۇلتان قالا­سىنىڭ كاسىپتىك-تەحنيكالىق ءبىلىم بەرۋ مەكەمەلەرىندە ءبىلىم الۋدىڭ قالىپتاسقان ءداستۇرلى تاسىلىنە قايتا كوشۋ ارقىلى باستالعانى – ستۋدەنتتەر مەن وقىتۋشىلار، اتا-انالار قاۋىمى ءۇشىن ۇلكەن قۋانىش. ساپالى ءبىلىم الۋ ءۇشىن ادەتتەگىدەي ساباققا تىكەلەي قاتىسىپ، وقىتۋشىلارمەن جانە توپتاعى باسقا ستۋدەنتتەرمەن ارالاسۋدىڭ ماڭىزى زور ەكەنى ايتپاسا دا تۇسىنىكتى.

قازىرگى تاڭدا كاسىبي ءبىلىم بەرۋ جۇيەسى ەڭبەك نارىعىندا سۇرانىسقا يە بىلىكتى ماماندار قالىپتاستىرۋعا باعىتتالۋدا. 2021-2022 وقۋ جىلىنان باستاپ بارلىق كاسىبي ءبىلىم بەرۋ جۇيەسىندە ورىن الىپ وتىرعان تۇبەگەيلى وزگەرىستەردىڭ ءبىرى – وقىتۋدىڭ كرەديتتىك تەحنولو­گياسىن وقۋ پروتسەسىنە ەنگىزۋ. اتالعان تەحنولوگيانىڭ باستى مىندەتتەرى – وقۋ ۇدەرىسىنە قاتىسۋشىلاردىڭ اراسىندا ءوزارا ىنتىماقتاستىق قارىم-قاتىناسىنىڭ ورناۋى، ءار ستۋدەنتتىڭ وزىن­دىك جۇمىسىن جوعارى دەڭگەيگە كوتەرىپ، اقپاراتتاندىرۋدى كەڭ پايدالانىپ، ستۋدەنتتەردىڭ شىعارماشىلىق دەڭگەيىن كەڭىنەن قولدانۋىنا جاعداي تۋعىزۋ، قولجەتىمدى ءارى ساپالى ءبىلىم بەرۋ ارقىلى بولاشاق كاسىپكەرلەردىڭ جاڭا بۋىنىن قالىپتاستىرۋعا ۇمتىلۋ.  

ءبىز، قازاقستاندىق شۆەيتساريا-امەريكا كوللەدجىنىڭ پەداگوگيكالىق ۇجىمى مەملەكەت باسشىسى قاسىم-جومارت كەمەل ۇلى توقاەۆتىڭ ءوز جولداۋىندا كور­سەتكەن بارلىق باستامالاردى تولىق قول­دايمىز.

 

 گۇل جاناەۆا،

قازاقستاندىق شۆەيتساريا-امەريكا كوللەدجىنىڭ ديرەكتورى

 

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار