پرەزيدەنت • 09 قىركۇيەك، 2021

ءىت-نارىقتىڭ اياق الىسى جاقسارادى

91 رەت كورسەتىلدى

بۇگىندە تسيفرلاندىرۋ سالاسىندا باسەكەلەستىك جوعارى. سوندىقتان قازاقستان ءۇشىن زاماناۋي تسيفرلى تەحنولوگيالاردى ەنگىزۋ ءارى قولدانۋ وتە ماڭىزدى. بۇل ءۇشىن وتاندىق ءىت-سەكتوردى دامىتۋ كەرەك. پرەزيدەنتتىڭ بيىلعى جولداۋدا بۇعان ەرەكشە ءمان بەرۋى دە تەگىن ەمەس.

دالىرەك ايتقاندا، مەملەكەت باسشىسى تسيفرلاندىرۋ تۋرالى ۇلتتىق جوبا اياسىندا كەم دەگەندە جوعارى ساناتتى 100 مىڭ IT-مامان ازىرلەۋدى تاپسىردى. بۇل رەتتە ەكسپورتتىق جانە تسيفرلى سالا بويىنشا تاۋار قىزمەتى 2025 جىلعا قاراي كەم دەگەندە 500 ملن دوللارعا جەتۋى ءتيىس. پرەزيدەنت مەملەكەتتىك سەكتوردى تسيفرلاندىرۋدا وسى جانە وزگە دە مىندەتتەردى قايتا قاراستىرۋى قاجەت ەكەنىن العا تارتتى.

100 مىڭ ءىت-ماماندى ازىرلەۋ قيىندىق تۋدىرمايدى. ارينە، كادرلاردى دايارلاۋ ءبىلىم جانە عىلىم مينيسترلىگىنىڭ قۇزى­رەتىنە جاتادى. دەگەنمەن تسيفر­لىق دامۋ، يننوۆاتسيالار جانە اەروعارىش ونەركاسىبى مينيستر­لىگى دە يگى ىسكە اتسالىساتىنى انىق. Astana Hub تەحنوپاركى دە قالىس قالماق ەمەس.

ماسەلەن، تسيفرلىق دامۋ ءمي­نيسترى باعدات ءمۋسيننىڭ تاپسىرماسىنا سايكەس ءبىزدىڭ تەحنوپارك­تە Tech Orda جوباسى جۇزەگە اسى­رى­لۋدا. بۇل – اقپاراتتىق-كوم­مۋ­نيكاتسيالىق تەحنولوگيالار سالا­سىنداعى ادامي كاپيتالدى دامى­تۋعا باعىتتالعان باعدار­لاما. باع­دارلاما ستۋدەنتتەردىڭ ءىت-سا­لادا ءبىلىم الۋىنا قارجى بولەدى.

ايتالىق، ءبىلىم جانە عىلىم مي­نيسترلىگى جوعارى وقۋ ورىن­دارىنا گرانت بولسە، ءبىز قىسقا مەر­زىمدى ۋاقىت ىشىندە جەكە­مەن­شىك مەكتەپتەردە ءىت-داعدى­لاردىڭ قالىپتاسۋىنا كۇش سالامىز. وقۋ 6 ايدان 2 جىلعا دەيىن­گى مەرزىمدى قۇرايدى. اتال­عان باعدارلاما بويىنشا بەس جىلدىڭ ىشىندە 20 مىڭ زاماناۋي ءىت-ماماندى دايارلاۋ جوسپارلانىپ وتىر.

جالپى العاندا، قازاق­ستان­داعى ءىت-نارىقتىڭ ەكونوميكاداعى ۇلەسى اسا جوعارى ەمەس. دەگەنمەن سالا دۇرىس باعىتتا ءارى جەدەل تۇردە دامىپ كەلەدى. 2018 جى­لى Astana Hub تەحنوپاركى قۇرىل­دى. تەحنوپارك ءىت-سالاداعى كوم­پانيالارعا تولىققاندى قول­د­اۋ كورسەتەدى. ونىڭ ىشىندە سا­لىق­­تىق جەڭىلدىكتەر دە بار. بۇ­گىن­دە Astana Hub-قا 520 ءىت-كوم­­پا­­­نيا تىركەلگەن. ءۇش جىلدىڭ ىشىن­­دە ولاردىڭ تازا تابىسى 150 ملرد تەڭگەنى قۇرادى. ال 2020 جىل­­عى ەكسپورتتىق تابىسى 14 ملرد تەڭگەگە تەڭ.

بۇل كورسەتكىشتەردىڭ ءالى دە وزگەرەتىنى انىق. ويتكەنى ءبىزدىڭ تاراپىمىزدان ۇلكەن جۇمىس جۇرگىزىلىپ جاتىر. باعدارلامالىق وقۋ كۋرستارى، بيزنەس-ينكۋباتورلار، ستارتاپتاردى اكسەلەراتسيالاۋ ءوز جەمىسىن بەرەدى دەپ سەنەمىن. سونداي-اق تەحنوپاركتىڭ بازاسىندا Alem باعدارلامالاۋدىڭ يننو­ۆاتسيالىق مەكتەبى جۇمىس ىستەي­دى. ول الەمگە ايگىلى فرانتسۋز مەك­تەپتەرىنىڭ مودەلىنە نەگىزدەلگەن.

ءبىزدىڭ سالاداعى نەگىزگى پروبلەما – ادامي كاپيتالدىڭ ازدى­عى. پرەزيدەنتتىڭ بۇعان نازار اۋدارۋى وتە ورىندى. قازاقستان ءىت-سا­لادا ءىرى تابىستارعا قول جەت­كىزۋى ءۇشىن بىلىكتى كادرلاردىڭ سانىن كوبەيتۋى كەرەك. سوندىقتان پرە­زي­دەنتتىڭ بۇل باستاماسىن تولىق قولدايمىز جانە ونىڭ جۇزەگە اسىرىلۋىنا بارىن­شا ۇلەس قوسامىز. ول ءۇشىن وتان­دىق ما­مان­داردى دايارلاۋعا باسىم­دىق بەرمەكپىز. ونىڭ ىشىندە وڭىر­­­­لەردەگى جۇمىستى بارىنشا جان­­داندىرۋعا ءتيىسپىز. بۇل – ءبىر. ەكىن­­شىدەن، شەتەلدىك ءىت-مامان­دار­دى تارتقان ابزال. ولار ءۇشىن بىز­دە جەڭىلدەتىلگەن ۆيزالىق رە­جىم قا­راس­تىرىلعان. ونىڭ ۇستىنە شەت­ەل­­دىك ستارتاپتار 20 ملن تەڭ­گە كولە­مىندەگى قارجىنى الا الادى. ولار­عا ءبىر عانا شارت قويى­لىپ وتىر – قازاقستانعا قونىس اۋدا­­رۋى كەرەك. قازىردىڭ وزىندە Astana Hub-قا 50-گە جۋىق شەتەل­دىك كو­م­پانيا تىركەلدى. دەمەك، ءبىز­دىڭ نارىق شەتەلدىكتەر ءۇشىن تارتىمدى.

 

ماعجان ماديەۆ،

Astana Hub تەحنوپاركىنىڭ باس ديرەكتورى

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار