پرەزيدەنت • 09 قىركۇيەك، 2021

الەۋمەتتىڭ ءال-اۋقاتى ارتادى

18 رەت كورسەتىلدى

مەملەكەت باسشىسى قاسىم-جومارت توقاەۆ «حالىق بىر­لىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا ەڭ الدىمەن وتان­داستارىمىزدىڭ ءال-اۋقاتىن ارتتىرۋ ماسەلەسىنە ءمان بەردى.

«ەڭ تومەنگى جالاقى دەڭگەيىن قايتا قارايتىن كەز كەلدى دەپ سانايمىن. بۇل – ءبىر جاعىنان اسا ماڭىزدى ماكروينديكاتور بول­سا، ەكىنشى جاعىنان – اركىم­گە تۇ­سىنىكتى كورسەتكىش. بىزدە ەڭ تو­مەن­گى جالاقى مولشەرى 2018 جىل­­­دان بەرى وسكەن جوق. كورو­نا­ۆي­رۋسقا بايلانىستى الەم­دىك داع­دارىس تۇرعىنداردىڭ تابى­سىنا كەرى اسەر ەتتى. ونىڭ ۇستىنە قازاقستان ەڭ تومەنگى جال­اقى دەڭگەيى بويىنشا تمد-نىڭ بىرقاتار ەلىنەن ارتتا قالىپ قويدى»، دەدى پرەزيدەنت.

وسىلايشا، مەملەكەت باس­شى­سى 2022 جىلدىڭ 1 قاڭ­­تارى­نان باستاپ ەڭ تومەنگى جال­اقى مول­­شەرىن 42 500 تەڭگە­دەن 60 مىڭ تەڭگەگە دەيىن كوتەرۋ تۋرالى تاپ­سىرما جۇك­تەدى. پرەزيدەنتتىڭ ايتۋىنشا، بۇل قادام 1 ملن-عا جۋىق وتانداسىمىزدى تىكەلەي قامتيتىن بولسا، ەڭبەك ەتىپ جۇر­گەن بارلىق ازا­ماتقا دا جاناما تۇردە اسەر ەتەدى. مەن بۇل شە­شىمدى تو­لىق قولدايمىن. سە­بە­بى پاندەميا جاعدايى ءتۇرلى سالا­عا زيا­نىن تيگىزىپ، كوپتەگەن ادام جۇمىسسىز قالعان بولاتىن. كەيبىر وتانداستارىمىزدىڭ جالاقى­سى قىسقاردى. جىعىل­عان­عا جۇدىرىق بولىپ، ازىق-ت ۇلىك باعاسى دا ءوسىپ جاتىر. سوندىقتان باعالاي، تۇسىنە بىل­گەن ادام ءۇشىن 60 مىڭ تەڭگە دە­گە­نىڭىز اجەپتاۋىر قاراجات. از دەپ تە، كوپ دەپ تە ايتۋعا بولمايدى.

ارينە، 60 مىڭ تەڭگەنىڭ ءوزىن ازسىناتىن ادامدار دا بولۋى مۇمكىن. ولاي ويلاۋ دۇرىس ەمەس دەر ەدىم. بۇل كۇن كورۋ ءۇشىن كوپ-كورىم قاراجات. مەملەكەت ءۇشىن ەڭ تومەنگى جالاقى مولشەرىن 42 500 تەڭگەدەن 60 مىڭ تەڭگەگە دەيىن كوبەيتۋدىڭ ءوزى جەتىستىك. COVID-19-دىڭ كەسىرىنەن جاھان­دىق ەكونوميكا جاقسارماي تۇر­عان كەزدە، ونىڭ قازاقستانعا دا اسەر ەتەتىنى انىق. سەبەبى ءبىز دە الەم­نىڭ ءبىر بولشەگىمىز. سوعان قارا­ماستان ەل پرەزيدەنتى وسىنداي نىق قادام جاساپ وتىر. وتان­داس­تارىمىزدىڭ ءال-اۋقاتىن جاق­سارتۋدىڭ جولىن ەل بولىپ ءتۇسى­نىپ، مەملەكەت باسشىسىنىڭ تاپسىر­ماسى جۇيەلى ورىندالۋى ءۇشىن قول­داۋ كورسەتۋىمىز كەرەك. سون­دا عانا ناقتى ناتيجەگە قول جەتكىزە الامىز.

تاعى ءبىر ايتا كەتەرلىگى، ەڭ تومەنگى جالاقى مولشەرى 60 مىڭ تەڭگەگە كوبەيگەن سوڭ، سونى نازارعا الا وتىرىپ، وزگە دە جالاقى­لار جوعارىلايدى دەپ سە­نە­مىن. سەبەبى ەلىمىزدە ەڭ تو­مەن­­گى جالاقى مولشەرىنەن بولەك، ورتاشا جالاقى، ەڭ جوعا­رى جال­­اقى تاعى بار. ياعني ەڭ تو­مەن­گى جا­لاقى مولشەرىنىڭ وس­كە­نى باس­قا دا ەڭبەكاقى مول­شەرى­نە وڭ اسەرىن تيگىزەدى دەگەن ءسوز.

ارينە، ەلىمىزدەگى ەڭ تومەنگى جالاقى دەڭگەيى دامىعان ەلدەر­دىڭ كورسەتكىشتەرىمەن تەرەزە تەڭەستىرە المايدى. الايدا ورتا­لىق ازيا ەلدەرىمەن ۇزەڭگى قاعىس­تىرا الاتىنى انىق. سون­دىقتان مەملەكەت باسشىسى بۇل شەشىمدى دۇرىس ءالى ۋاقتىلى قابىلدادى دەگەن پىكىردەمىن.

 

ەڭلىك نۇرعاليەۆا،

«ەۋرازيالىق قۇقىق قورعاۋ ورتالىعى» قوعامدىق بىرلەستىگىنىڭ پرەزيدەنتى، زاڭ عىلىمدارىنىڭ دوكتورى، پروفەسسور

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار