جوو ءباسپاسوز قىزمەتىنىڭ مالىمەتىنشە, رەسپۋبليكالىق كونكۋرستىق كوميسسيانىڭ شەشىمىمەن ديرەكتورلار كەڭەسىنىڭ كەڭەسىمەن سادىقوۆ ەركىن توقمۇحامەد ۇلى «تورايعىروۆ ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ رەكتورى - باسقارما توراعاسى لاۋازىمىنا ۇسىنىلدى.
قر ءبىلىم جانە عىلىم ءمينيسترىنىڭ تامىزىنداعى بۇيرىعىمەن سادىقوۆ ەركىن توقمۇحامەد ۇلى «تورايعىروۆ ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ رەكتورى - باسقارما توراعاسى بولىپ تاعايىندالدى.
ەركىن توقمۇحامەد ۇلى - س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ تۇلەگى. ەكونوميكا عىلىمدارىنىڭ دوكتورى, پروفەسسور.
ەڭبەك جولىن 1981 جىلى قازمۋ ساياسي ەكونوميكا كافەدراسىنىڭ اسسيستەنتى بولۋدان باستادى جانە سول وقۋ ورنىنداعى پەداگوگيكالىق قىزمەتىن 1994 جىلعا دەيىن جالعاستىردى.
ەركىن توقمۇحامەد ۇلى مەملەكەتتىك قىزمەتتە ءتۇرلى لاۋازىمدا ەڭبەك ەتتى. ونىڭ ىشىندە شەت مەملەكەتتەردە جۇمىس ىستەدى. 2000 جىلداردان باستاپ «شاعىن كاسىپكەرلىكتى دامىتۋ قورى» اق باسقارما باسشىسىنىڭ ورىنباسارى قىزمەتىن اتقاردى. مەملەكەتتىك قىزمەتپەن قاتار عىلىمي قىزمەتىن «تۇران» ۋنيۆەرسيتەتى ۇلتتىق جانە الەم ەكونوميكا كافەدراسىندا قاتار الىپ ءجۇردى. 2014 جىلى اباي اتىنداعى قازۇپۋ باقىلاۋ كەڭەسىنىڭ مۇشەسى بولدى.
ەركىن توقمۇحامەد ۇلى 2016 جىلى قازاقستان رەسپۋبليكاسى پرەمەر-ءمينيسترىنىڭ كەڭەسشىسى بولىپ تاعايىندالدى.
2017 جىلدان بەرى قر ءبىلىم جانە عىلىم ءمينيسترى عىلىم كوميتەتى توراعاسىنىڭ ورىنباسارى قىزمەتىندە.
2020 جىلدىڭ مامىر ايىنان بەرى قر بجعم «بولون ءۇردىسى جانە اكادەميالىق موبيلدىلىك ورتالىعى» ديرەكتورى قىزمەتىن اتقاردى.
