جيىندا ءوڭىر اكىمى لاۋازىمىنا مەملەكەت باسشىسى قاسىم-جومارت توقاەۆ ۇسىنعان نۇرلان نوعاەۆتىڭ كانديداتۋراسىنا ءبىراۋىزدان قولداۋ ءبىلدىرىلدى.
ماڭعىستاۋ وبلىسىنىڭ اكتيۆىمەن وتكەن كەڭەستە ا. مامين سەرىكباي ترۇموۆتىڭ ءوڭىردى دامىتۋعا قوسقان ۇلەسىن اتاپ ءوتىپ, وبلىس باسشىسى لاۋازىمىندا اتقارعان جۇمىسى ءۇشىن العىس ايتتى.
جاڭا اكىمدى تانىستىرا وتىرىپ, ۇكىمەت باسشىسى ونىڭ وڭىرلىك جانە رەسپۋبليكالىق دەڭگەيدەگى باسشىلىق لاۋازىمداردا اتقارعان مول ەڭبەك تاجىريبەسىن اتاپ ءوتتى.
«جاڭا اكىمنىڭ الدىنا ءوڭىردىڭ كەشەندى الەۋمەتتىك-ەكونوميكالىق دامۋى بويىنشا ماڭىزدى مىندەتتەر قويىلدى. مەملەكەت باسشىسى قاسىم-جومارت توقاەۆ ماڭعىستاۋ وبلىسىنىڭ دامۋىنا ەرەكشە كوڭىل بولەدى. ءوڭىر ونەركاسىپ, ەنەرگەتيكا, كولىك-لوگيستيكا جانە تۋريستىك سالالاردا زور الەۋەتكە يە», دەدى ا. مامين.
پرەمەر-مينيستر ينۆەستيتسيالار تارتۋ, جاڭا جۇمىس ورىندارىن قۇرۋ, كاسىپكەرلىكتى قولداۋ, حالىقتىڭ تۇرمىس ساپاسىن جاقسارتۋ جانە تابىسىن ارتتىرۋ جونىندەگى مىندەتتەردى شەشۋدىڭ ماڭىزدىلىعىن اتاپ ءوتتى.
نۇرلان نوعاەۆ 1967 جىلى تۋعان. ي. گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن, قازاق مەملەكەتتىك باسقارۋ اكادەمياسىن, رەسەي ءسىم «حالىقارالىق قاتىناستار ۋنيۆەرسيتەتى» ماسكەۋ مەملەكەتتىك ينستيتۋتىن بىتىرگەن.
ءار جىلدارى «قازمۇنايگاز» ۇك» اق, قر ەنەرگەتيكا جانە مينەرالدى رەسۋرستار مينيسترلىگىندە باسشىلىق قىزمەتتەر اتقاردى, باتىس قازاقستان جانە اتىراۋ وبلىستارىنىڭ اكىمى بولدى.
2019 جىلعى 18 جەلتوقساننان باستاپ قر ەنەرگەتيكا ءمينيسترى قىزمەتىن اتقاردى.
