«بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارى اياسىندا بۇگىنگە دەيىن شىمكەنتتە 1788 جوبا 57,4 ملرد تەڭگەگە قارجىلاندىرىلىپ, 7,2 مىڭ جۇمىس ورىندارى اشىلعان. ياعني ءاربىر ءۇشىنشى جوبا اتالعان باعدارلاما اياسىندا ىسكە اسقان. بيىل «بيزنەستىڭ جول كارتاسى» بويىنشا 8,4 ملرد تەڭگە قارجى قاراستىرىلىپ, 7 ايدا 5,7 ملرد تەڭگەگە 970 جوبا قارجىلاندىرىلدى. «قاراپايىم زاتتار ەكونوميكاسى» بويىنشا بيىلعا جوسپارلانعان 80 جوبانىڭ 61 جوباسى قارجىلاندىرىلدى.
شىمكەنتتە شيكىزات ەمەس سەكتوردا بەس جىلدا 608 ملرد تەڭگەگە جاڭادان 62 جوبا ىسكە اساتىن بولادى. ونىڭ ىشىندە جەڭىل ونەركاسىپ, فارماتسەۆتيكا, تاماق, حيميا, ماشينا جاساۋ سالالارىندا 30 جاڭا ءونىم تۇرلەرى ەكسپورتتالماق. ءونىم شىعارۋ گەوگرافياسى قازىرگى 15 ەلدەن 2025 جىلى 25 ەلگە جەتكىزىلمەك. قالانىڭ ەكسپورتتىق الەۋەتىن ارتتىرۋدا «جۇلدىز» يندۋستريالدى ايماعىندا 200 ملرد تەڭگەگە 60 جوبا, «ستاندارت» جەكە يندۋستريالدى ايماقتا 180 ملرد تەڭگەگە 30 جوبا ىسكە اسادى دەپ كوزدەلگەن.
قالا بويىنشا قازىر ينفلياتسيا دەڭگەيى 5,4 پايىزدى قۇرايدى. الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋدا وڭىرلىك تۇراقتاندىرۋ قورىنا جەرگىلىكتى بيۋدجەتتەن 4,7 ملرد تەڭگە باعىتتالدى. ازىق-ت ۇلىك تاۋارلارىنا باعا تۇراقتىلىعىن ساقتاۋدا الەۋمەتتىك دۇكەندەر جەلىسى اشىلعان. جىل سوڭىنا دەيىن قوسىمشا 7 دۇكەن اشىلىپ, بارلىعى 10 دۇكەن حالىققا قىزمەت كورسەتەتىن بولادى. جەرگىلىكتى تاۋار وندىرۋشىلەرىمەن ازىق-ت ۇلىك تاۋارلارىنىڭ باعاسىن نەگىزسىز وسىرمەۋ جونىندە 14 مەموراندۋم جاسالىپ, اۋىل شارۋاشىلىق ونىمدەرىنە فورۆاردتىق كەلىسىم-شارتتار جاساقتالادى.
پرەزيدەنت جولداۋىندا كورىنىس تاپقان وسى جانە وزگە دە ماسەلەلەر بويىنشا قالا اۋقىمىندا اتقارىلىپ جاتقان جۇمىستاردى بايانداعان شاھار باسشىسى, بەرىلگەن تاپسىرمالاردى ءوز دەڭگەيىندە اتقارۋعا قالانىڭ مۇمكىندىگى جەتەتىنىن اتاپ ءوتتى.
