فوتو: CC0 / Steve Bidmead
ء«بىلىم ءمينيسترىنىڭ 2016 جىلعى بۇيرىعىنا سايكەس مەكتەپ فورماسىنا قويىلاتىن تالاپتار بار, ءبىلىم ستاندارتى بار, ءبىزدىڭ ەلدىڭ ازاماتتارى بۇل بۇيرىقتى جانە جالپى العاندا ءبىزدىڭ ەلدىڭ زاڭدارىن ورىنداۋى ءتيىس», دەدى ەرجان نۇكەجانوۆ.
بۇل رەتتە ول ەل كونستيتۋتسياسىندا قازاقستاننىڭ زايىرلى مەملەكەت ەكەنى ناقتى جازىلعانىن ەسكە سالدى.
«مەكتەپكە باراتىنداردىڭ بارلىعى ءبىلىم جانە عىلىم ءمينيسترىنىڭ بۇيرىعىن, «قر ءدىني قىزمەت جانە ءدىني بىرلەستىكتەر تۋرالى» زاڭىن جانە ەلىمىزدىڭ كونستيتۋتسياسىن ورىنداۋى ءتيىس. بۇل جەكە جانە مەملەكەتتىك مەكتەپتەرگە دە قاتىستى. ەگەر ءسىز زاڭ بۇزۋشىلىق فاكتىلەرىن كورسەڭىز, ايماقتارداعى ءبىلىم دەپارتامەنتىنە, بىزگە, كوميتەتكە نەمەسە ءبىلىم جانە عىلىم مينيسترلىگىنە حابارلاسا الاسىز. ءبىز زاڭ نورمالارىنىڭ ساقتالۋىن قاراستىرۋعا جانە قامتاماسىز ەتۋگە دايىنبىز», دەدى ءدىن ىستەرى كوميتەتىنىڭ باسشىسى.
