«كوروناۆيرۋس پاندەمياسى شاعىن جانە ورتا بيزنەستىڭ جۇمىسىنا اسەر ەتتى. مەملەكەت شوب-قا جەدەل جانە اۋقىمدى قولداۋ كورسەتتى. بۇل ءۇشىن بىرقاتار باعدارلاما بار: «بيزنەستىڭ جول كارتاسى 2025», «قاراپايىم زاتتار ەكونوميكاسى», «جۇمىسپەن قامتۋدىڭ جول كارتاسى», «جەرگىلىكتى قامتۋ ۇلەسى», «ەڭبەك», جەڭىلدىكتى قارجىلاندىرۋ بويىنشا جانە ت.ب.
مەملەكەت باسشىسى حالىققا جولداۋىندا شوب-تى قولداۋ باعدارلامالارىنىڭ تيىمدىلىگىن, «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىنىڭ 2022 جىلعا دا ۇزارتىلعانىن اتاپ ءوتتى.
مىسالى, «بيزنەستىڭ جول كارتاسى-2025» بويىنشا وتكەن جىلدان باستاپ پايىزدىق مولشەرلەمە 6%-عا دەيىن تومەندەتىلدى, سوما 7 ملرد تەڭگەگە دەيىن ۇلعايدى, سالالىق شەكتەۋلەر الىنىپ تاستالدى, شاعىن بيزنەسكە ميكروكرەديت بەرۋ بويىنشا جاڭا باعىت ەنگىزىلدى. بيىل وڭدەۋ ونەركاسىبى, مەديتسينا, ءبىلىم بەرۋ, قۇرىلىس, كولىك جانە ت.ب. سالالاردا 1 مىڭ 100-دەن اسا جوبا سۋبسيديالاندى.
«قاراپايىم زاتتار ەكونوميكاسى» باعدارلاماسىن جۇزەگە اسىرۋ ءۇشىن كاسىپكەرلەر پالاتاسى جانىندا ايماقتىق جوبالىق كەڭسە جۇمىس ىستەيدى. ىسكە اسىرۋ ساتىنەن باستاپ 55 ملرد تەڭگە سوماسىنا 40 جوبا قولداۋ تاپتى. وسى جىلى, مىسالى, قۇرىلىس ماتەريالدارى, مەديتسينالىق ماسكالار ءوندىرىسى, مەكتەپتەر, مەديتسينالىق ورتالىقتار قۇرىلىسى جانە ت.ب. باعىتقا قولداۋ كورسەتىلدى.
«جۇمىسپەن قامتۋدىڭ جول كارتاسى» باعدارلاماسى بويىنشا جۇزدەگەن تۇراقتى جۇمىس ورنىن قۇرۋعا مۇمكىندىك بەرەتىن تاعى 14 جوبا قولداۋ تاپتى. جوعارىدا كورسەتىلگەن باعدارلامالار شوب وكىلدەرىنە ايتارلىقتاي قولداۋ كورسەتۋگە, جوبالاردىڭ قۋاتىن جانە وتاندىق ءوندىرىس ونىمدەرىن شىعارۋ ۇلەسىن ۇلعايتۋعا, جۇمىس ورىندارىن قۇرۋعا جانە ت.ب. مۇمكىندىك بەرەدى», دەپ جازدى ەلوردا اكىمى.
