قوعام • 07 قىركۇيەك، 2021

كىمدەرگە راقىمشىلىق جاسالادى؟

835 رەت كورسەتىلدى

قاج كوميتەتى راقىمشىلىق جاساۋ اكتىسى قولدانىلاتىن ادامدار توبىن ءتۇسىندىردى، دەپ جازادى Egemen.kz

Polisia.kz جازۋىنشا، قر پارلامەنتى ءماجىلىسىنىڭ دەپۋتاتتارى «قر تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭ جوباسىن قاراۋعا كىرىستى.

قاراستىرىلىپ وتىرعان قۇجاتتا العاش رەت الەۋمەتتىك جاعىنان وسال ادامدار ۇعىمى ەنگىزىلدى. زاڭ جوباسىنىڭ 2-بابىنا سايكەس ولارعا ۇلى وتان سوعىسىنىڭ قاتىسۋشىلارى مەن مۇگەدەكتەرى، قارۋلى كۇشتەر، باسقا دا اسكەرلەر مەن اسكەري قۇرالىمدار، ونىڭ ىشىندە بۇرىنعى كسرو اسكەري قىزمەتشىلەرىنىڭ جەسىرلەرى جاتادى.

بۇل ساناتقا قىلمىستىق قۇقىق بۇزۋشىلىق جاسالعان كەزدە ون سەگىز جاسقا تولماعان ادامدار، ەلۋ جاسقا تولعان جانە ودان ۇلكەن ايەلدەر، سونداي-اق الپىس جاستان اسقان ەرلەر دە كىرەدى.

ءبىرىنشى جانە ەكىنشى توپتاعى مۇگەدەكتەردى، جۇكتى ايەلدەردى، سوتتالعان، اتا-انا قۇقىقتارىنان ايىرىلماعان جانە وسى زاڭ قولدانىسقا ەنگىزىلگەن كۇنى كامەلەتكە تولماعان بالالاردىڭ جالعىز اتا-اناسى دەپ تانىلعان جانە اتا-انا قۇقىعىنان ايىرىلماعان ايەلدەردى دە نازاردان تىس قالدىرمادى.

زاڭ جوباسىندا قىلمىستىق تەرىس قىلىق جاساعان جانە زالال كەلتىرۋگە اكەپ سوقپاعان، نە ونى تولىق وتەگەن ازاماتتار مەن مەملەكەت قاۋىپسىزدىگىنە قاتەر توندىرمەيتىن ونشا اۋىر ەمەس، سونداي-اق اۋىرلىعى ورتاشا قىلمىس جاساعان سوتتالۋشىلاردى جازادان بوساتۋ ۇسىنىلادى.

سونداي-اق زاڭ جوباسىندا قاراستىرىلعان ادامدار ءۇشىن نەگىزگى جازانىڭ مەرزىمى مەن مولشەرى قىسقارتىلادى.

اتالعان توپتاعى ادامدار توبىن قاراۋ كەزىندە قالعان زالالدى تولىق وتەۋى، سونداي-اق وسى زاڭ قولدانىسقا ەنگىزىلگەن كۇنى جازاسىن وتەۋگە ءبىر جىلدان اسپايتىن ۋاقىت تەرىس مىنەز-ق ۇلىق دارەجەسىنىڭ بولماۋى ەسكەرىلەدى.

ءوز كەزەگىندە، زاڭ جوباسى اسىندا جەرگىلىكتى اتقارۋشى ورگانداردىڭ ەڭبەككە قابىلەتتى ادامداردى جۇمىسقا ورنالاستىرۋىن قامتاماسىز ەتۋى، سونداي-اق باس بوستاندىعىنان ايىرۋ ورىندارىنان بوساپ شىققاندارعا الەۋمەتتىك جانە وزگە دە كومەك كورسەتۋ كوزدەلگەن.

راقىمشىلىق پەدوفيلدەرگە، جەمقورلارعا، ادام ولتىرگەندەر مەن ەكسترەميستەرگە، قىلمىستىق توپتاردىڭ بۇرىنعى قاتىسۋشىلارىنا قاتىستى قولدانىلمايدى.​

قاج كوميتەتىندە 30 جىل ىشىندە قازاقستاندا 8 راقىمشىلىق جاسالعانىن، سوڭعى ءتورت راقىمشىلىق قازاقستان رەسپۋبليكاسىنىڭ تاۋەلسىزدىك كۇنىنە ورايلاستىرىلعانىن اتاپ ءوتتى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار