فوتو: iStock
«مەملەكەت باسشىسىنىڭ ينفلياتسيانى 2022 جىلى 4-6% نىسانالى دالىزگە قايتارۋ جونىندەگى تاپسىرماسىن ورىنداۋ ماقساتىندا ۇلتتىق بانك, ءبىرىنشى كەزەكتە, ينفلياتسياعا قارسى دەن قويۋ شارالارىنىڭ كەشەنى شەڭبەرىندە مونەتارلىق ەمەس فاكتورلاردى تۇراقتاندىرۋعا باعىتتالعان شارالاردى قابىلداۋدى قولدايدى», دەدى دوساەۆ.
ۇلتتىق بانك توراعاسىنىڭ ايتۋىنشا, بيىلعى جىلعى 8 ايدىڭ قورىتىندىسى بويىنشا 11,4% دەڭگەيىنە جەتكەن ازىق-ت ۇلىك باعاسىنىڭ ءوسۋى ينفلياتسيانى جەدەلدەتۋگە نەگىز بولعان. «ونى وسى جىلدىڭ سوڭىنا قاراي 8%-عا دەيىن تومەندەتۋ ءۇشىن شارالار كەشەنىنە سايكەس ۇكىمەت پەن اكىمدەر رەتتەۋشىلىك سيپاتتاعى جانە مونوپولياعا قارسى ىقپال ەتۋدىڭ ءتيىمدى ۋاقىتشا شارالارىن نەگىزگە الا وتىرىپ, جەكەلەگەن نارىقتارداعى ماۋسىمدىق كۇتپەگەن وزگەرىستەر مەن تەڭگەرىمسىزدىكتەردى جويۋ بويىنشا جەدەل شارالار قابىلدايتىن بولادى», دەيدى توراعا.
ۇكىمەت وسى ماقساتتا تاۋار ءوندىرىسى, ەكسپورتى مەن يمپورتى بالانسىن قاتاڭ ساقتاي وتىرىپ, ىشكى نارىقتى جان-جاقتى تولىقتىرۋ, اگروونەركاسىپتىك كەشەننىڭ ونىمدىلىگىن ارتتىرۋ جانە ءتيىمدى تاۋار وتكىزۋ جۇيەسىن دامىتۋ جونىندەگى بىرقاتار شارا قابىلدايدى. بۇل, جوسپارعا سايكەس, ازىق-ت ۇلىك ينفلياتسياسىن 2022 جىلى
6%-عا دەيىن جانە 2023-2024 جىلدارى 5%-عا دەيىن تومەندەتۋى كەرەك. ال ازىق-ت ۇلىككە جاتپايتىن ينفلياتسيا 2022 جىلى 5%-عا دەيىن جانە 2023-2024 جىلدارى 4%-عا دەيىن تومەندەۋگە ءتيىس.
«رەتتەلەتىن قىزمەتتەر ءۇشىن ورتا مەرزىمدى نەگىزدە بولجامدى جانە تەڭگەرىمدى تاريفتىك ساياساتتى ەنگىزۋ ايرىقشا ماڭىزدى. 2023 جىلدان باستاپ باعانى اكىمشىلىك رەتتەۋدەن حالىقتىڭ الەۋمەتتىك وسال توپتارىنا اتاۋلى كومەك كورسەتۋگە اۋىسۋدى باستاۋ ورىندى دەپ ەسەپتەيمىز. بۇل سەرۆيستىك ينفلياتسيانى 2022-2024 جىلدارى 4% دەڭگەيىندە تۇراقتاندىرۋعا مۇمكىندىك بەرەدى», دەدى دوساەۆ.
