قايراتتىڭ ەسىمى دە جانكۇيەرلەرگە جاقسى تانىس. ەڭبەك جولىن قاتارداعى قاراپايىم باپكەرلىكتەن باستاعان. 2011 جىلى ەلىمىزدىڭ جاسوسپىرىمدەر قۇراماسىنىڭ اعا جاتتىقتىرۋشىسى بولىپ تاعايىندالىپ, بۇل قىزمەتتى ول تاپجىلماي سەگىز جىل اتقاردى. سول ارالىقتا بالعىن بىلعارى قولعاپ شەبەرلەرىمىز الەم بىرىنشىلىكتەرىنىڭ جالپى ەسەبىندە ەكى مارتە (2013, 2015 جىلدارى) ۇزدىك ۇشتىكتىڭ قاتارىنان كورىنىپ, تاعى ەكى رەت (2013, 2017 جىلدارى) ازيانىڭ تەڭدەسسىز كومانداسى اتاندى.
2019 جىلى قايرات ءساتجانوۆ قازاستاننىڭ جاستار قۇراماسىنىڭ تىزگىنىن ۇستادى. بۇل رەتتە دە ول ەلەۋلى تابىستارعا قول جەتكىزدى. ايتۋلى ماماننىڭ جەتەكشىلىگىمەن ءبىزدىڭ جىگىتتەر 2019 جانە 2021 جىلدارى سارى قۇرلىقتا الدىنا جان سالماسا, بيىلعى الەمدىك دودادا ەكىنشى ورىندى جەڭىپ الدى.
