استانادا ەكولوگيالىق پوليتسيا, تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ, سانيتارلىق-ەپيدەميولوگيالىق قىزمەتىنىڭ وكىلدەرىنەن قۇرىلعان كوميسسيا الماتى اۋدانى اۋماعىنداعى كاسىپورىنداردىڭ تازالىق ماسەلەسىنە بايلانىستى ارنايى رەيد وتكىزدى. شارا بارىسىندا كاسىپورىنداردا اباتتاندىرۋ ەرەجەلەرى, سانيتارلىق جاعدايى, قوقىس جيناۋدى ۇيىمداستىرۋ جانە قالا اۋماعىندا تازالىقتى قامتاماسىز ەتۋى تەكسەرىلدى.
استانادا ەكولوگيالىق پوليتسيا, تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ, سانيتارلىق-ەپيدەميولوگيالىق قىزمەتىنىڭ وكىلدەرىنەن قۇرىلعان كوميسسيا الماتى اۋدانى اۋماعىنداعى كاسىپورىنداردىڭ تازالىق ماسەلەسىنە بايلانىستى ارنايى رەيد وتكىزدى. شارا بارىسىندا كاسىپورىنداردا اباتتاندىرۋ ەرەجەلەرى, سانيتارلىق جاعدايى, قوقىس جيناۋدى ۇيىمداستىرۋ جانە قالا اۋماعىندا تازالىقتى قامتاماسىز ەتۋى تەكسەرىلدى.
«ەكولوگيالىق پوليتسيامەن بىرلەسكەن تەكسەرۋ بارىسىندا زاڭدى تۇلعالارمەن كوممۋنالدىق قالدىقتار مەن كۇل-قوقىستى شىعارۋ تۋرالى كەلىسىمدەر جاساۋ ماسەلەسى قارالدى. كەلىسىم بولماعان جاعدايدا اتالعان تۇلعالارعا قاتىستى اكىمشىلىك شارالار قولدانىلادى», دەدى قالالىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ قالدىقتاردى باسقارۋ ءبولىمىنىڭ باس مامانى شىڭعىس كارىموۆ.
شارا بارىسىندا قاتتى تۇرمىستىق قالدىقتار مەن كۇل-قوقىستاردى شىعارۋعا كەلىسىم جاساسۋدان باس تارتىپ وتىرعان 10 جەكە كاسىپكەرلىك نىسان تەكسەرىلدى. اتاپ ايتقاندا, ولاردىڭ قاتارىندا دۇكەندەر, تقس, ءدامحانالار, كولىك جۋ ورىندارى مەن مونشالار بار.
«ءبىزدىڭ ۇيىم جۇماباەۆ كوشەسى, ب.مومىش ۇلى جانە ابىلاي حان داڭعىلدارىنىڭ بويىندا قاتتى تۇرمىستىق قالدىقتاردى شىعارۋمەن اينالىسادى. قازىرگى كەزدە جەكە جانە زاڭدى تۇلعالارمەن كەلىسىمدەر جاساسۋ ماسەلەسىنە ءماجبۇر بولىپ وتىرمىز. ءوز كەزەگىندە, ءبىز قالدىقتاردى وندىرىسكە جىبەرىپ, تەحنيكانى جاڭارتۋعا تىرىسامىز. بىراق بورىشكەرلەرىمىز دە بار. باسقا كوممۋنالدىق كاسىپورىندار سەكىلدى سۋدى, ەلەكتر قۋاتىن ءوشىرىپ تاستاي المايمىز. قوقىس شىعارۋدى دا توقتاتىپ قويۋعا بولمايدى. بۇل قالانىڭ ەكولوگيالىق جاعدايىنا زيان كەلتىرەدى. سوندىقتان ەسكەرتۋ شارالارى عانا قولدانىلادى», دەدى «تازا الەم-استانا» جشس ديرەكتورىنىڭ ورىنباسارى دۋسلان احمەتوۆ وسى شاراعا بايلانىستى وتكەن ساپاردا.
تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ حابارلاۋىنشا, كاسىپورىندار مەن مەكەمەلەر (مەنشىك فورماسىنا جانە قىزمەت تۇرلەرىنە قاراماستان), سونداي-اق, قالا اۋماعىندا جۇمىس ىستەيتىن جەكە تۇلعالار مەردىگەرلىك قوقىس شىعارۋ كاسىپورىندارىمەن كوممۋنالدىق قالدىقتاردى شىعارۋعا كەلىسىمدەر جاساسۋى ءتيىس. ءىرى كولەمدەگى قوقىستاردى ولار وزدەرى شىعارادى نەمەسە ءتيىستى كەلىسىمنىڭ نەگىزىندە قوقىس شىعاراتىن كاسىپورىندارعا تاپسىرۋى قاجەت.
نياز جىلقىباەۆ.
