الەم • 06 قىركۇيەك، 2021

وقۋشى قىزدارعا مەكتەپتە ورامال تاعۋعا رۇقسات بەرىلدى

273 رەت كورسەتىلدى

وزبەكستاندا وقۋشى قىزدارعا اق نە اشىق ءتۇستى ورامال تاعۋعا جانە تاقيا كيۋگە رۇقسات بەرىلدى، دەپ جازادى Egemen.kz.

ورتالىق ازيا جاڭالىقتار قىزمەتىنىڭ جازۋىنشا، بۇل تۋرالى وزبەك ءبىلىم ءمينيسترى شەرزود شەرماتوۆ 4 قىركۇيەك كۇنى بولعان اشىق ديالوگ كەزىندە ايتقان.

«كوپتەگەن اتا-انانىڭ ءوتىنىشىن ەسكەرە وتىرىپ، قىزدارىمىزعا وسى وقۋ جىلىنان باستاپ مەكتەپتە اق نەمەسە اشىق ءتۇستى ۇلتتىق ورامال تاعىپ، تاقيا كيىپ جۇرۋگە رۇقسات ەتپەكپىز»،  دەدى وزبەكستان ءبىلىم ءمينيسترى.

ءمينيستردىڭ ايتۋىنشا، قىزدارعا جاعاسى ۇزىن كويلەك كيۋگە دە رۇقسات بەرىلمەك. 

وزبەكستان مينيسترلەر كابينەتىنىڭ 2018 جىلعى 15 تامىزداعى قاۋلىسىنىڭ («مەملەكەتتىك ورتا مەكتەپ وقۋشىلارىن زاماناۋي مەكتەپ فورماسىمەن قامتاماسىز ەتۋ تۋرالى») 7-تارماعىنا سايكەس، وقۋ ورنى ىشىندە وقۋشىلار باس كيىمىنسىز ءجۇرۋى ءتيىس.

كەزىندە بۇل قاۋلىنىڭ قابىلدانۋى ءدىن جولىن ۇستاناتىن اتا-انالاردىڭ نارازىلىعىن تۋدىرعان.

ايتا كەتەيىك، وزبەكستاندا جاڭا وقۋ جىلى 6 قىركۇيەكتە باستالادى.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار