ەسەپ كوميتەتىنىڭ ۇجىمى ەلباسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىنىڭ نەگىزگى قاعيدالارىن تالقىلادى, دەپ حابارلادى ەسەپ كوميتەتىنىڭ ءباسپاسوز قىزمەتى.
ەسەپ كوميتەتىنىڭ ۇجىمى ەلباسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىنىڭ نەگىزگى قاعيدالارىن تالقىلادى, دەپ حابارلادى ەسەپ كوميتەتىنىڭ ءباسپاسوز قىزمەتى.
ەسەپ كوميتەتىنىڭ توراعاسى ق.جاڭبىرشين ەلباسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىنىڭ نەگىزگى قاعيدالارىن تالقىلاۋ بارىسىندا اتالعان جولداۋدىڭ اسا ماڭىزدى ەكەنىن اتاپ ءوتتى.
«2014 جىلعى جولداۋ 2050 جىلعا دەيiنگى ۇزاق مەرزiمدi ستراتەگيانى ىسكە اسىرۋ بويىنشا ناقتى ءىس-شارالار باعدارلاماسى بولىپ تابىلادى. بەلگiلەنگەن باعىتتار قازاقستان ەكونوميكاسىنىڭ ودان ءارi تەرەڭ جاڭعىرتىلۋىن, ونىڭ باسەكەگە قابiلەتتiلiگiن جانە دامۋ سەرپىندەرىن ارتتىرۋدى كورسەتەدى», – دەدى ەسەپ كوميتەتىنىڭ توراعاسى.
ق.ءجاڭبىرشيننىڭ پiكiرiنشە, وسى ماڭىزدى مىندەتتەر ارقىلى ەلىمىزدىڭ قارجىلىق باقىلاۋ ورگاندارىنىڭ ءرولى مەن ماڭىزدىلىعى وبەكتيۆتi تۇردە ارتپاق.
ەسەپ كوميتەتىنىڭ باسشىسى: «قازاقستاننىڭ الەمنىڭ ەڭ دامىعان 30 ەلىنىڭ قاتارىنا كiرۋi ءۇشiن ەسەپ كوميتەتى تاۋەلسىز سىرتقى قارجىلىق باقىلاۋدىڭ كونستيتۋتسيالىق ورگانى رەتىندە ماڭىزدى ءرول اتقارۋى ءتيىس. ونىڭ جاۋاپكەرشiلىگىنە مەملەكەتتىڭ ۇلتتىق رەسۋرستاردى باسقارۋ قىزمەتى كىرەدى. اتاپ ايتقاندا, بيۋدجەت-قارجى ۇدەرىسىن, 2050 جىلعا دەيىنگى ستراتەگيانى ىسكە اسىرۋعا بولىنەتىن مەملەكەت قاراجاتىنىڭ ۇتىمدى پايدالانىلۋىن باقىلاۋ ماسەلەسىنە ەرەكشە نازار اۋدارىلادى. وسىعان بايلانىستى, مەملەكەتتىك قارجىلىق باقىلاۋ جۇيەسىنەن مەملەكەتتىك اۋديتكە كوشۋ ەسەپ كوميتەتىنە ءوز قىزمەتىن حالىقارالىق وزىق ستاندارتتارعا ءسايكەس اناعۇرلىم ءتيىمدى جانە ساپالى جۇزەگە اسىرۋعا مۇمكىندىك بەرەدى», – دەدى.
مەملەكەت باسشىسىنىڭ الەمنىڭ ەڭ وزىق تاجىريبەسىنىڭ نەگىزىندە مەملەكەتتىك ءاۋديتتىڭ كەشەندى جۇيەسىن قۇرۋ بويىنشا تاپسىرمالارىن ىسكە اسىرۋ ماقساتىندا, ەلىمىزدە قارجى-ەكونوميكالىق سالاداعى ۇلتتىق قاۋىپسىزدىكتى نىعايتۋعا قاتىستى مەملەكەتتىك ساياساتتى قالىپتاستىرۋدىڭ جانە ىسكە اسىرۋدىڭ بىرىڭعاي ءتاسىلدەرىن قامتاماسىز ەتەتىن مەملەكەتتىك ءاۋديتتى ەنگىزۋ تۇجىرىمداماسى قابىلداندى.
سونىمەن قاتار, قازىرگى كەزدە قازاقستان پارلامەنتىندە مەملەكەتتىك اۋديت جانە قارجىلىق باقىلاۋ ورگاندارىن ۇيىمداستىرۋعا, ولاردىڭ قىزمەتى مەن وكىلەتتىگىنىڭ بىرىڭعاي قاعيدالارىن ايقىنداۋعا باعىتتالعان «مەملەكەتتىك اۋديت جانە قارجىلىق باقىلاۋ تۋرالى» زاڭ جوباسى تالقىلانۋدا.
ەسەپ كوميتەتىنىڭ توراعاسى وتىرىس قورىتىندىسى بويىنشا «قازاقستان-2050» ستراتەگياسىن ىسكە اسىرۋ شەڭبەرىندە كوزدەلگەن ءىس-شارالاردى ساپالى جانە ۋاقتىلى ورىنداۋ بويىنشا ناقتى تاپسىرمالار بەردى.
