سونىڭ ءبىرىنشىسى, ەڭ تومەنگى جالاقى جاڭا جىلدان باستاپ كوتەرىلەدى. ەكىنشىسى, كوپ ۇزاماي اۋدان اكىمدەرىن دە حالىقتىڭ ءوزى سايلايدى. ءۇشىنشىسى, شاپشاڭ دامۋىمىز ءۇشىن 100 مىڭ ءىت-ماماندارى دايىندالادى. ءتورتىنشىسى, قازاقستاننىڭ قورعانىس دوكتريناسى جەتىلدىرىلەدى. سونداي-اق اۋىل شارۋاشىلىعىنىڭ تۇرالاۋ سەبەپتەرىنەن بىرنەشە ءىس-شارا قابىلدانادى. ودان كەيىن وڭتۇستىكتەن سولتۇستىككە كوشۋشى كاسىپكەرلەرگە جەر ءبولۋ ماسەلەسىنىڭ دە باسى اشىلدى. ال ءبىلىم سالاسىندا 2025 جىلعا دەيىن 1000 مەكتەپ سالىنادى. مۇنىڭ ءبارى قوعامنىڭ ءھام حالىق الەۋمەتتىك احۋالىنىڭ العا جىلجۋىنا ءسوزسىز اسەر ەتەتىنى انىق.
ەل دامۋىنىڭ بىردەن-ءبىر كەپىلى – ىشكى بىرلىگىمىز. ەل پرەزيدەنتى وسى ىشكى بىرلىگىمىزدى ساقتاۋدا زيالى قاۋىم وكىلدەرىنىڭ ءرولىن ەرەكشە اتاپ ءوتتى. سونىمەن قاتار قازاق ءتىلى قوعامدىق ءومىرىمىزدىڭ ءار سالاسىندا قولدانىلىپ جۇرگەنىنە دە توقتالدى. ال اتا زاڭىمىزدا رەسمي ءتىل دەپ تاڭبالانعان ورىس ءتىلىن پايدالانۋشىلارعا كەدەرگى كەلتىرمەۋ كەرەك دەدى.
جولداۋدا, تۇتاستاي العاندا, بۇگىنگى قازاقستاننىڭ الدىندا تۇرعان شەشىلۋگە ءتيىس ءورىستى دە وزەكتى ماسەلەلەر كوتەرىلدى. كوڭىلگە قوناتىن ۋاجدەر ايتىلدى. ەڭ باستىسى, جولداۋدىڭ ءون بويىنان حالىققا دەگەن قامقورلىق لەبى ەسىپ تۇردى.
سماعۇل ەلۋباي,
جازۋشى, كينودراماتۋرگ
