ۋربانيزاتسيا – قوعامنىڭ دامۋىنداعى قالالاردىڭ, قالالىق مادەنيەتتىڭ جانە «قالالىق قاتىناستاردىڭ» ءرولىن ارتتىرۋ, شوعىرلانۋ تەك قالادا عانا ەمەس, سونداي-اق اۋىلدىق جەرلەرگە جۇمىس كۇشتەرىن قايتارۋ ماسەلەسى قاجەتتىلىگىنەن تۋىنداپ وتىر. اۋىلدى ساقتاپ قالۋ كەرەك. اۋىل اگلومەراتسياسىن كەشەندى تۇردە قايتا جوسپارلاۋ كوزدەلىپ وتىرعان ماسەلە. وتكەن عاسىرداعى نورماتيۆپەن سالىنعان قالاقۇرىلىسى مەن اۋىلدىق جەرلەردەگى شاشىراپ جاتقان كىشىگىرىم اۋىلداردىڭ ينفراقۇرىلىمىن قايتا قاراۋدى تالاپ ەتەدى. ءبىلىم سالاسىنداعى رەفورما اۋىلدىق جەرلەردە وزەكتى بولۋىنا بايلانىستى, قالا-اۋىل دەپ بولمەي, ءبىلىم ساپاسىنىڭ ەلىمىز بويىنشا بىرىڭعاي جۇيەدە بولعانى ماڭىزدى. سونداي-اق جاڭا IT-تەحنولوگياسىن ەلىمىزدە دامىتۋ قاجەتتىلىگى بويىنشا پرەزيدەنت ءوز جولداۋىندا مالىمدەپ ءوتتى.
اۋىلدىق جەرلەردى ىقشامداپ ءبىر جۇيەگە كەلتىرۋ, ەكونوميكالىق جاعىنان ءتيىمدى بولاتىنى انىق. قالا قۇرىلىسىندا جاڭا ارحيتەكتۋرا جۇيەسى الەۋمەتتىك سالت-ءداستۇردى ساقتاۋ, حالقىمىزعا ءتان بەيبىتشىلىك, تىنىشتىق, سابىرلىق, سىيلاستىق قوعامدى قالىپتاستىرۋعا اسەرىن بەرەدى. سونىمەن قاتار مۇسىنشىلەر تەك دەمەۋشىلەر تاراپىنان عانا ەمەس, مەملەكەت تاراپىنان دا قولداۋ كورۋى كەرەك دەگەن ءسوز جانعا جاعادى.
قىسقاسى, پرەزيدەنتىمىزدىڭ جولداۋىندا ايتىلعان بارلىق ماسەلە ەلىمىزدى جاڭا بەلەستەردى باعىندىرۋعا جەتەلەيدى دەپ سەنەمىن.
جانداربەك مالىبەك ۇلى,
ل.ن.گۋميلەۆ اتىنداعى ەۇۋ پروفەسسورى, مەملەكەتتىك ەلتاڭبانىڭ اۆتورى
