تاريحى عاسىرلار قويناۋىندا تەرەڭدەپ جاتقان حالقىمىز ءۇشىن كيەلى دە قاستەرلى ۇعىم – تاۋەلسىزدىك باستى قۇندىلىعىمىز, كوك بايراعىمىزداي جەلبىرەتە وتىرىپ, ماقتان تۇتار بايلىعىمىز. وسى وتىز جىلدا ەڭسەسىن تىكتەپ, جەكە-دارا مەملەكەت رەتىندە الەم تانىعان ەلگە اينالدىق. قويناۋى ەن بايلىققا تولى ۇلانعايىر اتامەكەنىمىزدىڭ اسقاق ەكەنىن سەزىنگەندە جۇرەگىمىز ەلەگىزيدى. بىراق ىشكى سەزىم مەن ناقتى ءىس ۇيلەسپەسە ناتيجەسى بولماسى انىق. وسى ورايدا پرەزيدەنت جولداۋى بارلىق سالانىڭ بىلىكتى ماماندارىنا اسقان جاۋاپكەرشىلىك جۇكتەي وتىرىپ, الداعى ۋاقىتتا جۇزەگە اساتىن ءاربىر ءىستى ەلىمىزدىڭ كەلەشەگىمەن بايلانىستىرىپ وتىر.
پرەزيدەنت پاندەميادان كەيىنگى كەزەڭدە ەكونوميكامىزدى, دەنساۋلىق, ءبىلىم سالاسى, وڭىرلىك ساياساتتى دامىتۋ ماسەلەلەرىن قامتي وتىرىپ, ادام قۇقىعىن قورعاۋ, ۇلتتىڭ ۇيىسۋىن جاڭا داۋىردەگى جارقىن ومىرىمىزبەن بايلانىستىرادى. كەز كەلگەن مەملەكەتتىڭ باستى بايلىعى – ادام كاپيتالى. ال ادام كاپيتالىنىڭ قاينار كوزى الەۋمەتتىك الەۋەتىمىزدىڭ جوعارىلىعى, ساپالى ءبىلىم مەن دەنساۋلىقتا جاتىر. دەنى ساۋ, ويى وزىق ۇلت قانا زاماناۋي قوعاممەن باسەكەگە تۇسە الادى. تامىرىن تانىپ, ۇلتتىڭ ۋىزىنا قانىپ وسكەن ۇرپاق, شەكارا اسىپ جايىن كۇيتتەپ كەتپەي, ەلىنە قىزمەت ەتەدى. رۋحى بيىك ۇلت قانا الەممەن تەرەزەسىن تەڭ ۇستاي الادى. ءبىلىمى ساپالى, ەڭبەگىنىڭ وتەۋى باعالانىپ تۇرسا, كانەكي. پاندەميا كەزىندە مەديتسينا, عىلىم سالاسىن دامىتۋدىڭ ماڭىزدىلىعىنا كوزىمىز جەتتى. وسى ورايدا دارىگەر مەن مۇعالىمنىڭ مەرەيىن ۇستەم ەتىپ, ەڭبەگىن باعالاۋ قاجەتتىلىگى تۋىندادى. سول سياقتى الداعى ۋاقىتتا ەلىمىزدىڭ دامۋىنا بارىنشا ۇلەس قوساتىن قاي سالادا بولسىن كاسىبي مامانداردىڭ سانىن ارتتىرۋ, ولاردىڭ ەڭبەگىن باعالاۋ, بىلىكتىلىگىنە كوڭىل ءبولۋ, ءبىلىمىن دامىتۋعا, تۇرمىس جاعدايىن جاقسارتۋعا قولداۋ جاساۋ سياقتى ماڭىزدى ماسەلەلەر بوي كورسەتەدى.
باستى ۇلتتىق قۇندىلىعىمىز – انا ءتىلىمىزدىڭ مەرەيىن ۇستەم ەتۋدە, تاريحىمىزدى دارىپتەۋدە وسى تۋعان جەردىڭ ءبىر ۋىس توپىراعىنان ءنار العان ءاربىر جاننىڭ ەل الدىنداعى بورىشى مەن پارىزى ۇستەم. بۇگىندە بىرلىكتى, تاتۋلىقتى باعدار ەتكەن قازاقستانداي ەل ءۇشىن ءبىر شاڭىراق استىندا تۇرىپ جاتقان ەتنوس وكىلدەرىنىڭ ء«بىر جاعادان باس, ءبىر جەڭنەن قول شىعارىپ» ەڭبەك ەتپەگى كەرەك. سوندا عانا تىرلىگى مەن بىرلىگى مىعىم ەلدىڭ بولاشاعى بەرەكەمەن عانا ورىلەتىن بولادى.
ءاسانالى ءاشىموۆ,
قازاقستاننىڭ ەڭبەك ەرى
