كەشە سوچيدە ححII وليمپيادا ويىندارىنىڭ باس ءباسپاسوز ورتالىعى تاۋلىكتىك جۇمىسىن باستادى. سونىمەن قاتار, ەندى وليمپيادانىڭ تاۋ كلاستەرىندە «گوركي» مەديا ورتالىعى اشىلاتىن بولادى.
كەشە سوچيدە ححII وليمپيادا ويىندارىنىڭ باس ءباسپاسوز ورتالىعى تاۋلىكتىك جۇمىسىن باستادى. سونىمەن قاتار, ەندى وليمپيادانىڭ تاۋ كلاستەرىندە «گوركي» مەديا ورتالىعى اشىلاتىن بولادى.
ءسوچيدىڭ وليمپيادالىق پاركىندەگى باس مەديا ورتالىق جۋرناليستەر ءۇشىن ەسىگىن 7 قاڭتاردا اشتى. بىراق وسى كەزگە دەيىن تاۋلىك بويى جۇمىس ىستەمەي كەلدى.
مۇندا جالپى كولەمى 158 مىڭ شارشى مەتردەن اساتىن نەگىزگى مەديا ورتالىقتان كەيىن اۋماعى 20 مىڭ شارشى مەتر بولاتىن باس ءباسپاسوز ورتالىعى مەن حالىقارالىق حابار تاراتۋ ورتالىعى قاتار قونىس تەپكەن. سوڭعىسىنىڭ كولەمى 60 مىڭ شارشى مەتر.
ويىندار وتەتىن قالادا اقپارات اگەنتتىكتەرىنىڭ وفيستەرى ءۇشىن 3,6 مىڭ شارشى مەتر جەر بەرىلگەن. وعان الەمنىڭ 43 جەتەكشى باق وكىلدەرى ورنالاستىرىلادى, دەپ اتاپ ءوتتى «سوچي-2014» وليمپياداسىنىڭ ۇيىمداستىرۋشىلارى. بۇل جەردە كۇن سايىن جۋرناليستەرمەن 18-گە جۋىق كەزدەسۋ بولادى. ءباسپاسوز ءماسليحاتتارى ورىس, اعىلشىن, فرانتسۋز, نەمىس, يتاليان, قىتاي, كورەي جانە جاپون تىلدەرىنە اۋدارىلادى.
«باس مەديا ورتالىقتا بۇقارالىق اقپارات قۇرالدارىنىڭ وكىلدەرى مەن تەلەراديوحابار تاراتاتىن كومپانيالاردىڭ جۇمىس جاساۋىنا بارلىق قولايلى جاعدايلار جاسالعان. عيمارات وليمپيادا پاركىنىڭ سپورت نىساندارىنا جاقىن ورنالاسقان», – دەپ اتاپ ءوتتى «سوچي-2014» پرەزيدەنتى دميتري چەرنىشەنكو.
رۋسلان يگىلىك.
