ج.پراليەۆانىڭ سوزىنە سۇيەنسەك, دەمالىس كۇندەرى ويىن-ساۋىق ورتالىقتارى مەن ۇلكەن ساۋدا ۇيلەرىنە تەك «جاسىل» مارتەبەلى قىزمەتكەرلەر مەن ازاماتتار كىرە الادى.
«ۆاكتسينا العان, تەرىس ناتيجەلى پتر-تەستى بار, سونداي-اق تۇراقتى مەديتسينالىق قارسى كورسەتىلىمدەرى بار جانە سوڭعى 3 ايدا كوروناۆيرۋسپەن اۋىرعان ادامدار Ashyq جۇيەسىندە «جاسىل» مارتەبە العان. سەنبى, جەكسەنبى كۇندەرى جۇمىس ىستەيتىن نىساندارعا تەك وسى ساناتتاعى ازاماتتار كىرە الادى», دەدى ج. پراليەۆا.
ال «كوك» مىرتەبەسى بار ادامدار دەمالىس كۇندەرى وبلىسارالىق جانە وبلىسىشىلىك كولىك تاسىمالى, قوناق ءۇي, اۋەجاي, تەمىرجول ۆوكزالى, ءبىلىم بەرۋ وشاعى, جوعارى وقۋ ورنى مەن كوللەدج, ينتەرنات جانە ءبىلىم بەرۋ ۇيىمدارىنىڭ جاتاقحاناسىنا ەركىن كىرىپ-شىعا الادى.
«بۇل شارالار كوروناۆيرۋس ينفەكتسياسىنىڭ تارالۋ جانە جۇقتىرۋ قاۋپىن ازايتۋ جانە توقتاتۋ ءۇشىن قاجەت. حالىقتىڭ كوپ بولىگى ۆاكتسينا المايىنشا, پاندەميا اياقتالمايدى. وسىنى ءتۇسىنۋ كەرەك», دەدى ورىنباسار.
