قالا اكىمى تاۋ ءتۋريزمىنىڭ قاۋىپسىزدىگى مەن جايلىلىعىن تەكسەرۋ بارىسىندا مودۋلدىك قۇرىلىم سياقتى ۇيشىكتەردىڭ قۇرىلىسىمەن تانىستى.
«قىزعىلت سارى ءتۇستى مودۋلدەردىڭ ءىشى جىلىتۋ پەشى, اپاتتىق جاعدايدا قاجەت جيناقپەن جابدىقتالعان. ىشىندە العاشقى كومەك كورسەتۋ جيناعى, مارشرۋت كارتاسى, ءموبيلدى قۇرىلعىنى قۋاتتاۋ ستانساسى, جىلى كورپە مەن ازىق-ت ۇلىك جيىنتىعى بار. شاتىردا SOS سپۋتنيكتىك سيگنالىن قۇتقارۋشىلار پۋلتىنە جىبەرەتىن دابىل تۇيمەلەرى بار راديورەلەلىك دىڭگەكتەر ورناتىلعان», دەپ جازدى اكىم.
قالا باسشىسىنىڭ مالىمەتىنە سۇيەنسەك, تاۋداعى قاۋىپسىزدىك شارالارى شەڭبەرىندە ۇلكەن الماتى مەن تۇيىقسۋ شاتقالدارىندا باقىلاۋ-قۇتقارۋ پۋنكتى اشىلادى. وندا تىكۇشاق الاڭىن اشۋ جوسپارلانعان.
شىمبۇلاقتا» قىسقى ماۋسىمعا دايىندىق ءجۇرىپ جاتىر. شاڭعى تراسسالارى مەن قوناق ءۇي جاڭارتىلادى. سونداي-اق ۆيزيت-ورتالىق اشىلادى.
«سونىمەن قاتار Medeu Park Hotel-ءدى قۇرۋ, جاڭارتىلعان Qazaq Auyl ەكوكەشەنى مەن الپينيستەردىڭ سۇيىكتى مەكەنى – تۇيىقسۋ شاتقالىنداعى گلەمپينگتى قۇرۋ جوبالارىمەن تانىستىم. «مەدەۋدىڭ» تومەنگى بولىگىندە ارقانى بار ساياباق پەن دەنساۋلىق جولى سالىنىپ جاتىر», دەدى ساعىنتاەۆ.
