كينو • 03 قىركۇيەك، 2021

دوستوەۆسكي تۋرالى فيلمگە ءتۇستى

50 رەت كورسەتىلدى

رەسەيدە «ۆاش ۆەس فيودور دوستوەۆسكي» اتتى كينوتۋىندى تۇسىرىلە باستادى. قازاقتىڭ اعار­تۋشى عالىمى شوقان ءۋاليحانوۆتىڭ جازۋشى دوسى تۋرالى بۇل فيلمدە قاراعاندىدا­عى ك.ستانيسلاۆسكي اتىنداعى ورىس دراما تەات­رى­نىڭ جەتەكشىسى دۋناي ەسپاەۆ پەن اكتري­سا گالينا تۋرچينا وينادى.

فەدور دوستوەۆسكيدىڭ 200 جىلدىعىنا ارنالعان بۇل تۋىندىدا دۋناي ەسپاەۆ شوقان ءۋاليحانوۆتىڭ ءرولىن سومدادى.

– مەنىڭ ءتۇرىم شوقان ۋاليحانوۆقا ۇقسامايدى. ءرولدى گريمسىز جانە وفيتسەر كيىمىنسىز وينادىم. رەجيسسەردىڭ شەشىمى وسىنداي بولدى. ەڭ باس­تى ماقسات – كەيىپكەرىمنىڭ جارقىن بولاشاققا ۇمتى­لىسىن، ونىڭ ءپاتريوتيزمىن، ءوز يدەيالارىن قالاي قورعاي العانىن كورسەتە ءبىلۋ كەرەك بولدى، – دەيدى دۋناي ەسپاەۆ.

ال گالينا تۋرچينا بولسا، ايگىلى جازۋشىنىڭ ايەلى ماريا يساەۆانىڭ ءرولىن وينادى.

– دوستوەۆسكيدىڭ ءبىرىنشى ايەلىن ويناۋ مەن ءۇشىن ۇلكەن مارتەبە بولدى. فيلمدە مەنىڭ كەيىپكەرىم سويلەمەيدى، سول سەبەپتى ونىڭ وبرازىن شىعارۋ وتە قيىن بولدى. فيودور ميحايلوۆيچ – مەنىڭ سۇيىكتى جازۋشىم. ونىڭ ەڭبەكتەرى مەن ءومىربايانىن جاقسى بىلەمىن. كەيدە ۋاقىت ماشيناسىنا وتىرىپ، وتكەنگە ورالعان سياقتى كۇي كەشتىم. وتە قىزىقتى تاجىريبە بولدى، – دەپ اعىنان جارىلدى اكتريسا.

ەسكە سالار بولساق، جازۋشى بولاشاق جارى ماريا يساەۆامەن سەمەيدە كەزدەسكەن بولاتىن. سونداي-اق ول بۇل قالادا شوقان ءۋاليحانوۆ، پەتر سەمەنوۆ-تيان-شانسكي جانە الەكساندر ۆرانگەل سىندى ءوز زامانىنىڭ بەلگىلى ادامدارىمەن تانىسىپ، ارالاسقان.

سەمەيدە تۇرعان كەزىندە فەدور دوستوەۆسكي «ديا­ديۋشكين سون» جانە «سەلو ستەپانچيكوۆو ي ەگو وبيتا­تەلي» حيكايالارىن جازدى، «زاپيسكي يز ميورتۆوگو دوما» تۋىندىسىن باستاعان.

اتالعان فيلم رەسەيدىڭ بىرنەشە قالاسىن­دا تۇسىرىلگەن. قازاقستاندا ءتۇسىرۋ الاڭى رەتىندە ايگىلى جازۋشىنىڭ سەمەيدەگى ادەبي-مەموريالدىق مۇرا­جايى تاڭدالدى.

 

قاراعاندى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار