تەحنولوگيا • 03 قىركۇيەك، 2021

شەتەل كومپانيالارى شوعىرلانعان

41 رەت كورسەتىلدى

جىل باسىنان بەرى شەتەلدىك 25 ءىت-كومپانيا Astana Hub-تىڭ قاتىسۋشىسى اتاندى. تەحنوپارككە بۇعان دەيىن مۇنشاما كوپ كومپانيا تىركەلگەن ەمەس.

Astana Hub 2019 جىلدان بەرى شەتەلدىك ءىت-كومپانيالارمەن ارىپ­تەستىك بايلانىس ورناتىپ كەلەدى. سونداي-اق ولاردى تەح-­
ن­و­پاركتىڭ قاتىسۋشىسى، ياعني ­رە­زيدەنتى اتانۋعا شاقىرۋدا. ­بۇل رەتتە ولارعا ءتۇرلى جەڭىلدىك­تەر قاراستىرىلعان. اتاپ ايت­قان­دا، شەتەلدىك ستارتاپتار Astana Hub ارقىلى سالىقتىق جەڭىل­دىك­كە يە. ۆيزالىق رەجىم دە جە­ڭىلدەتىلگەن. بۇدان بولەك، ولارعا PR، ءىت-قوعامداستىق­پەن جانە حالىقارالىق ينۆەستورلارمەن ىقپالداسۋ تۇرعىسىنان كومەك كورسەتىلەدى. تيىسىنشە، شە­تەلدىك كومپانيالاردىڭ جەر­گىلىكتى نا­رىققا بەيىمدەلۋى جىلدام ءارى جەڭىل وتەدى.

Astana Hub ۇسىنعان جە­ڭىل­­دىكتەردىڭ ناتيجەسى بولار، جىل باسىنان بەرى تەح­نو­پارك­كە شەتەلدىك 25 ءىت-كوم­پانيا تىركەلگەن. جوعا­رى­دا ايت­قا­نى­مىزداي، بۇل – رەكور­دتىق كور­سەتكىش. وسىلايشا، 25 كومپانيا تەحنوپارك ەكو­جۇيەسىنىڭ مۇشەسى اتانىپ، قا­زاق­ستاندا ءوز جوبالارىن جۇزەگە اسىرۋعا مۇمكىندىك الدى. بۇگىندە اتالعان كومپانيالاردا 130-دان استام ادام جۇمىس ىستەيدى. جاقىن ۋاقىتتا ولار تاعى دا 306 ادامدى جۇمىسقا قابىلداماق.

تارقاتا ايتار بولساق، ءبىز­دىڭ تەحنوپاركتەن ورىن ال­عان كومپانيالار نەگىزىنەن قىر­عىزستان، رەسەي، ۋكراينا، بە­لارۋس، يزرايل، بىرىككەن اراب امىرلىكتەرى، وڭتۇستىك كورەيا، قىتاي، جاپونيا، سين­گاپۋر، ۇلىبريتانيا، اقش سە­كىلدى مەملەكەتتەردەن كەلگەن. سولاردىڭ ءبىرى – Ozim Scooters. قىرعىزستاندىق كوم­پا­نيا ورتالىق ازيا بويىنشا ەلەكترلى ساموكاتتاردى جال­عا بەرۋدىڭ العاشقى جەلىسىن قا­لىپتاستىرعان. بۇگىندە بۇل كوم­پانيانىڭ ساموكاتتا­رىن نۇر-سۇلتان، الماتى جانە شىم­كەنت قالالارىنان كەزدەستىرۋگە بولادى.

كومپانيا COVID-19 پاندەمياسى ءورشىپ تۇرعان 2020 جىلدىڭ شىلدەسىندە ەلەكترلى ساموكاتتاردى جالعا بەرۋدىڭ جاڭا سەرۆيسىن ىسكە قوستى. اري­نە، كارانتيندىك شەكتەۋلەر كەزىندە مۇنداي جوبانى جۇزەگە اسىرۋدىڭ ءوزى ۇلكەن نا­تيجە. بۇل جەردە كوماندا جۇ­مىسىنىڭ تيىمدىلىگى مەن بيز­نەس-مودەلدىڭ ومىرشەڭدىگى دە ءوز جەمىسىن بەرگەنى انىق. اتاپ وتەرلىگى، كومپانيا جوبانى ىسكە قوسقاننان كەيىن ءبىر ايدان سوڭ ءوز-ءوزىن تولىق اقتاعان. وسىلايشا، Ozim Scooters 2021 جىلدىڭ ناۋرىزىندا شىمكەنتتە، ال ءساۋىر ايىندا ەلوردادا ءوز قىزمەتىن ىسكە قوستى. كومپانيانىڭ جەكە ءىت-پلاتفورماسى مەن ءموبيلدى قوسىمشاسى بار ەكەنىن ەسكە سالا كەتكەن ءجون. ونىڭ ءبارى ۋاقتىلى جەتىلدىرىلىپ، جا­ڭار­تىلىپ تۇرادى.

ۇلىبريتانيالىق ستارتاپ قازاقستان مەن ورتالىق ازيا­نىڭ بەينەكونتەنتىنە ارنالعان جاڭا بۋىندى Salemix پلاتفورماسىن ۇسىنىپ وتىر. Salemix تۇپنۇسقا كونتەنتكە باسىم­دىق بەرەدى ءارى ونىڭ كوپتىلدى كىتاپحاناسى بار. Salemix كوم­پانياسىنىڭ تەحنولوگيالىق سە­رىكتەسى – Ericsson. كومپانيا الەمنىڭ 9 مەملەكەتىندە جۇ­مىس ىستەيدى. سونىمەن قاتار الەم­نىڭ 140-تان استام ەلىندە Ericsson-نىڭ تەحنيكالىق جانە وپەراتسيالىق مۇمكىندىكتەرىن پايدالانادى.

– شەتەلدىك ءىت-كومپا­نيا­لاردىڭ قازاقستانعا دەگەن قى­زىعۋشىلىعى ارتىپ كەلەدى. جىل سوڭىنا دەيىن Astana Hub-تىڭ قاتارىنا تاعى دا شەتەلدىك كومپانيالار قوسىلادى دەگەن سەنىمدەمىز. ءبىز ولارعا تۇتاس باعدارلامالار قاتارىن ۇسىنىپ وتىرمىز. بۇل شەتەلدىك ستارتاپتاردى قىزىقتىرارى انىق. ونىڭ ۇستىنە ءبىز Astana Hub-تىڭ جۇمىسىن ءاردايىم جەتىلدى­رىپ وتىرامىز، – دەيدى Astana Hub-تىڭ باس ديرەكتورى ماعجان ماديەۆ.

 

سوڭعى جاڭالىقتار

ۇقساس جاڭالىقتار