مەملەكەت باسشىسى قاسىم-جومارت توقاەۆ: «قازاق ءتىلىن دامىتۋ مەملەكەتتىك ساياساتتىڭ باسىم باعىتىنىڭ ءبىرى بولىپ قالا بەرەدى. بۇل سالادا ايتارلىقتاي ناتيجە بار. قازاق ءتىلى, شىن مانىندە, ءبىلىم مەن عىلىمنىڭ, مادەنيەت پەن ءىس جۇرگىزۋدىڭ تىلىنە اينالۋدا. جالپى, مەملەكەتتىك ءتىلدى قولدانۋ اياسى كەڭەيىپ كەلەدى. بۇل – زاڭدى قۇبىلىس, ءومىردىڭ باستى ءۇردىسى», دەپ, مەملەكەتتىك ءتىلدىڭ جىل سايىن كەڭىنەن قولدانىلىپ كەلە جاتقانىن اتاپ ءوتتى. وسى تۇرعىدا, قازاق ۇلتتىق ونەر ۋنيۆەرسيتەتى شىعارماشىلىق مامانداردى دايارلاۋمەن قاتار, بىلىمگەرلەردىڭ مەملەكەتتىك ءتىلدى مەڭگەرۋىنە دە اسا زور كوڭىل بولەدى. مىسالى, «مەن قازاقشا سويلەيمىن» اتتى رەسپۋبليكالىق جوباسىندا «دراما
تەاتر رەجيسسەرى» ماماندىعىنىڭ 3-كۋرس ستۋدەنتى سۆەتلانا تاراسوۆا جەڭىمپاز اتاندى. جوبانىڭ ۇيىمداستىرۋشىلارى سۆەتلانا تۋرالى بەينە-رەپورتاج ءتۇسىرىپ, عالامتورعا شىعاردى. بۇل مەملەكەتتىك تىلگە دەگەن قۇرمەت جəنە وزگە جاستار ءۇشىن ۇلگى.
Əلەۋمەتتىك-ەكونوميكالىق جəنە ساياسي مəسەلەلەرگە باسىمدىق بەرىلگەن بيىلعى جولداۋدا دەنساۋلىق ساقتاۋ جۇيەسىنىڭ تيىمدىلىگىن ارتتىرۋ, قولجەتىمدى ءəرى ساپالى ءبىلىم قالىپتاستىرۋ, عىلىمدى دامىتۋ سياقتى باعىتتارمەن قاتار, مəدەنيەت جəنە ونەر سالاسىنا قاتىستى ماڭىزدى مəسەلەلەر دە ءسوز بولدى. مəسەلەن, جولداۋدا پرەزيدەنت كرەاتيۆتى يندۋستريا سالاسىنا ەرەكشە نازار اۋدارا وتىرىپ, قازاقستاننىڭ مəدەنيەتىن تانىستىرۋعا زور ۇلەس قوسىپ جاتقان كرەاتيۆتى جاستاردى قولداۋ جايلى ايتىپ ءوتتى. جىلدىڭ اياعىنا دەيىن وسىعان بايلانىستى ۇسىنىستار جاساۋدى تاپسىردى.
قاسىم-جومارت توقاەۆ ۇكىمەتكە جəنە ساراپشىلار قاۋىمداستىعىنا ۇدايى ىزدەنىستە جۇرەتىن, جاڭا جانر تۇرلەرىن يگەرۋگە باسىمدىق بەرگەن مۇسىنشىلەر, سۋرەتشىلەر, تەاتر قىزمەتكەرلەرى, مۋزىكانتتار, قالامگەرلەر سياقتى مəدەنيەت جəنە ونەر سالاسىندا جۇرگەن جاس ءəرى دارىندى ازاماتتارعا مەملەكەت تاراپىنان قولداۋ كورسەتۋ تەتىكتەرىن قالىپتاستىرۋعا قاتىستى ناقتى تاپسىرمالار بەردى.
وسى رەتتە, ۋنيۆەرسيتەتىمىز جاڭا مəدەنيەتتى جəنە ونىڭ دارىندى وكىلدەرىن دəرىپتەۋگە باعىتتالعان ناقتى شارالار جوسپارىن قۇراستىرۋ جۇمىسىنا الداعى ۋاقىتتا ءوز ۇلەسىن قوسادى دەگەن سەنىمدەمىن. ءسوزسىز, بۇگىن قازاق ۇلتتىق ونەر ۋنيۆەرسيتەتى – مəدەنيەت جəنە ونەر سالاسىنىڭ الما-ماتەرى, كرەاتيۆتى يندۋستريانىڭ لوكوموتيۆى ەكەندىگىن ءوز جەتىستىكتەرىمەن دəلەلدەپ وتىر. ۋنيۆەرسيتەتىمىزدىڭ ونەرلى جاستارى مəدەنيەتتىڭ əر سالاسى بويىنشا قازاقستاندىق ونەر مەن مəدەنيەتتى دəرىپتەي وتىرا, قازاقستاندىق برەندكە اينالدى دەسەك, ارتىق بولماس. وسىنىڭ دəلەلى رەتىندە, ۋنيۆەرسيتەتىمىزدىڭ تۇلەگى ديماش قۇدايبەرگەن قازاق ونەرىن əلەم ساحنالارىنان كورسەتىپ جۇرسە, بيىل باعى جانعان جارىق جۇلدىزىمىز رۋحيا بايدۇكەنوۆا «سلاۆيان بازارى-2021» بايقاۋىنىڭ گران-پري يەگەرى اتاندى. سونىمەن قاتار «كينو ونەرى جəنە تەلەۆيدەنيە» فاكۋلتەتىنىڭ ستۋدەنت جاستارى مەن وقىتۋشىلارى قانىش سəتباەۆ تۋرالى كينوتۋىندى-
نىڭ جۇمىسىنا بەلسەنە قاتىسۋدا.
ء«بىزدىڭ ءبىلىم بەرۋ جۇيەمىز قولجەتىمدى ءəرى ينكليۋزيۆتى بولۋعا ءتيىس. سونىمەن بىرگە, جاعىمدى جاڭالىعىمىز دا بار. بيىل بىرنەشە وقۋشى حالىقارالىق پəن وليمپيادالارىنىڭ جەڭىمپازدارى مەن جۇلدەگەرلەرى اتاندى. ونداي دارىندى بالالارعا جان-جاقتى قولداۋ كورسەتۋ قاجەت. ءبىز ولارعا جوعارى وقۋ ورنىنا ءتۇسۋ ءۇشىن كونكۋرستان تىس گرانتتار بەرەمىز. ءبىر رەتتىك اقشالاي سىياقى دا تولەيمىز. بالالاردىڭ ۇستازدارىن دا مورالدىق جəنە ماتەريالدىق تۇرعىدان ىنتالاندىرعان ءجون. تۇرمىسى تومەن وتباسىندا ءوسىپ جاتقان بالالارعا ورتا ءبىلىم بەرۋدىڭ جالپىعا مىندەتتى ستاندارتى اياسىندا قولداۋ كورسەتۋ ايرىقشا ماڭىزدى», دەدى پرەزيدەنت. وسى ورايدا ءوز ويىمدى بىلدىرگىم كەلەدى. جاس تالانتتاردى ىزدەستىرۋ جəنە تəربيەلەۋ بارىسىندا مۋزىكالىق جəنە ونەر مەكتەپتەرىنىڭ ءورىسىن كەڭەيتىپ, جۇمىستارىن جانداندىرۋ قاجەت. Əسىرەسە, بۇل مəسەلەگە ايماقتاردا كوڭىل ءبولۋ كەرەك, ويتكەنى تالانتتاردى تəربيەلەۋ ۇزدىكسىز ەڭبەكتى قاجەت ەتەدى. مىسالى, ءبىزدىڭ ۋنيۆەرسيتەت 5 ساتىلى ۇزدىكسىز ءبىلىم بەرەدى: مەكتەپ-كوللەدج-ۋنيۆەرسيتەت-ماگيستراتۋرا-دوكتورانتۋرا.
سونداي-اق پرەزيدەنتىمىز بيىلعى جولداۋدا ازاماتتىق قىزمەتكەرلەر ساناتىنا جاتاتىن مəدەنيەت سالاسىنىڭ قىزمەتكەرلەرىنىڭ جالاقىسىن 2022 جىلدان باستاپ 2025 جىلعا دەيىن جىل سايىن ورتا ەسەپپەن 20%-عا ارتتىرۋدى تاپسىردى. جولداۋدا كوتەرىلگەن بۇل مəسەلە مəدەنيەت جəنە ونەر سالاسىنىڭ سەرپىندى قادامى ءۇشىن ماڭىزى زور. بۇل ءوز كەزەگىندە قوعامدى توپتاستىرۋدا جəنە ۇلتتىق بىرەگەيلىكتى نىعايتۋدا مəدەنيەت جəنە ونەر سالاسىنىڭ ءرولى مەن ماڭىزدىلىعىن ودان ءəرى ارتتىراتىنى ءسوزسىز. قورىتا ايتقاندا, پرەزيدەنت جولداۋىندا ناقتى مىندەتتەر قويىلىپ, ولاردى شەشۋدىڭ وزەكتى جولدارى ۇسىنىلدى. بۇل ءوز كەزەگىندە قازاقستان حالقىنىڭ ۇلتتىق مۇددەسى مەن پرەزيدەنتىمىزدىڭ ستراتەگيالىق جوسپارلارى ءبىر نۇكتەدە ءتۇيىسىپ, ۇشتاسىپ جاتقاندىعىن, سونداي-اق ءبəرىمىز ءبىر ماقساتقا قاراي ىلگەرىلەپ كەلە جاتقانىمىزدى كورسەتەدى. وسى تۇستا, مەن, زيالى قاۋىم وكىلى رەتىندە, جولداۋدا قويىلعان مىندەتتەر مەن ستراتەگيالىق جوسپارلاردىڭ ورىندالۋى ءۇشىن قولىمىزدان كەلگەننىڭ ءبəرىن جاساۋعا تىرىساتىنىمىزدى ايتقىم كەلەدى. پرەزيدەنتىمىز ايتقانداي, «ادامدى جəنە قوعامدى ۋاقىت تالابىنا ساي جەتىلدىرۋ قاجەتتىگىن ءومىردىڭ ءوزى كورسەتىپ وتىر. جاڭارعان ۇلت قانا جاڭعىرعان ەلدىڭ جەتىستىگىن جاھان جۇرتىنا تانىتا الادى». جيىرما ءبىرىنشى عاسىردىڭ ۇرپاعى رەتىندە ءبىزدىڭ مىندەتىمىز تەرەڭ ءبىلىمدى بولۋ, ەرىنبەي ەڭبەك ەتىپ, جوعارى كəسىبي دەڭگەيدەگى ۇرپاقتى دايارلاپ, ادالدىق, ۇقىپتىلىق, تياناقتىلىققا تəربيەلەۋ. پرەزيدەنتىمىزدىڭ جولداۋى بۇگىنگى كۇننىڭ سىن-قاتەرلەرىنە بەرىلگەن لايىقتى جاۋاپ بولاتىنىنا سەنىمدىمىن.
ايمان مۇساقوجاەۆا,
قازاقستان رەسپۋبليكاسىنىڭ
ەڭبەك ەرى, قازاق ۇلتتىق ونەر ۋنيۆەرسيتەتىنىڭ رەكتورى, پروفەسسور
