پلاتفورمالىق ءتاسىل دەگەنىمىز – بىرىڭعاي ونلاين-رەسۋرستار, سۋپەرقولدانبالار, ماركەتپلەيستەر جانە ت.ب. ارقىلى جەتكىزۋشىلەردىڭ, تۇتىنۋشىلاردىڭ جانە وندىرۋشىلەردىڭ ءوزارا ارەكەتتەسۋ ءادىسى. تسيفرلى پلاتفورمالار ارقىلى قاتىسۋشىلار اراسىنداعى اقپارات جانە قۇندىلىق الماسۋ بىرنەشە ەسە جىلدامداي تۇسپەك.
ءبىر جاعىنان, پلاتفورمالىق شەشىمدەر پايدالانۋشىلارعا قولايلى جاعداي جاسايدى, شىعىنداردى وڭتايلاندىرادى, سەرۆيستەردى نارىققا شىعارۋ جىلدامدىعىن ارتتىرادى, ەكىنشى جاعىنان – ساپالى ينفراقۇرىلىمدى تالاپ ەتەدى ءارى ساپالى ساراپتاما مەن قولداۋدى قاجەتسىنەدى.
«كونسورتسيۋم قاتىسۋشىلارى رەتىندەگى ءبىزدىڭ ماقساتىمىز – پلاتفورمالىق ءتاسىل شەڭبەرىندە سەرۆيستەردى ىسكە اسىرۋ جانە بىرىكتىرۋ تاجىريبەسىن ەنگىزۋ, جاڭا پلاتفورمالىق شەشىمدەر قۇرۋ جانە قازاقستاندا سەرپىندى تسيفرلى ات-جوبالاردىڭ پايدا بولۋىنا جاعداي جاساۋ», دەيدى BTS Digital كومپانياسىنىڭ باس ديرەكتورى نۇرتاي ابىلعاليەۆ.
كونسورتسيۋم قۇرۋ پروتسەسى بىرنەشە كەزەڭمەن جۇرگىزىلەدى. قولدانىستاعى پلاتفورمالار مەن شەشىمدەرگە تالداۋ جاساۋدان, كوماندا قۇرىپ, دايىنداۋدان, سەرىكتەستەردى بەلگىلەۋدەن باستالادى دا, ودان ءارى جول كارتاسى ازىرلەنىپ, جاقىن اراداعى جوبالار ايقىندالادى.
«تسيفرلى پلاتفورمالاردى ەنگىزۋ يننوۆاتسيالىق ازىرلەمەلەردى تاراتۋدى, سايكەسىنشە, بيزنەستىڭ باسەكەگە قابىلەتتىلىگىن ارتتىرۋدى كوزدەيدى. بۇل باستاما قازاقستاندىق ستارتاپتارعا IT-ونىمدەردى پايدالانۋشىلاردىڭ قاجەتتىلىكتەرىنە تەزىرەك بەيىمدەپ, جاڭا نارىقتارعا شىعۋعا مۇمكىندىك بەرەدى», دەدى ءوز سوزىندە Astana Hub IT-ستارتاپتار حالىقارالىق تەحنوپاركىنىڭ باس ديرەكتورى ماعجان ماديەۆ.
«پلاتفورمالىق ءتاسىل تسيفرلى جوبالاردىڭ دامۋىن ايتارلىقتاي جىلدامداتادى ءارى جەڭىلدەتەدى. بۇل تۇرعىدان احقو Tech Hub-تىڭ تاجىريبەسى مەن مۇمكىندىكتەرى تەحنولوگيالىق كومپانيالارعا قولداۋ كورسەتۋ, يننوۆاتسيالىق ەكوجۇيەلەر مەن قارجىلىق تەحنولوگيالاردىڭ دامۋىنا تۇرتكى بولۋ, سونىمەن قاتار جاڭا ونىمدەر مەن سەرۆيستەردى حالىقارالىق نارىققا شىعارۋ ءۇشىن جەتكىلىكتى. نارىقتىڭ جەتەكشى قاتىسۋشىلارىمەن كۇش بىرىكتىرە وتىرىپ, ءبىز قازاقستاننىڭ تسيفرلى سالاسىنىڭ ساپالى دامۋىنا عانا ەمەس, ونىڭ ۇلتتىق ەكونوميكاعا ىقپالىنىڭ ارتۋىنا دا جاعداي جاسايمىز», دەدى Tech Hub باس ديرەكتورى پاۆەل كوكتىشەۆ.
