«باستى ماقسات – 2025 جىلعا قاراي اكت ونىمدەرىنىڭ ەكسپورتىن 500 ملن اقش دوللارىنا جەتكىزۋ (قازىر 30 مىڭداي). ءبىزدىڭ سالا باسقالارعا قولداۋ كورسەتىپ قانا قويماي, ەكونوميكاعا تىكەلەي پايدا اكەلە الاتىنىن دالەلدەۋىمىز كەرەك. بۇل ءۇشىن ەڭ الدىمەن ءىت-مامانداردىڭ تاپشىلىعىنا قاتىستى ماسەلەنى شەشۋ قاجەت», دەدى ول.
ونىڭ سوزىنشە, تسيفرلاندىرۋ سالاسىندا جۇمىس ىستەيىن كىسىلەر ءىت-نارىقتا ماماندار جەتىسپەيتىنىن جاقسى بىلەدى. سوندىقتان 2025 جىلعا دەيىن 100 مىڭ ءىت-ماماندى دايىنداۋعا كۇش سالامىز. وسى ماقساتتا ماتەماتيكاعا قابىلەتتى قازاقستاندىقتارعا جەكە جانە مەملەكەتتىك ءىت-مەكتەپتەردە وقۋ ءۇشىن ءىت-ۆاۋچەرلەر بەرىلەدى. 2025 جىلعا دەيىن 20 مىڭ ۆاۋچەر بەرۋدى جوسپارلاپ وتىرمىز, دەيدى.
سونىمەن قاتار تۇلەكتەردىڭ ساپاسىن كوتەرۋ ءۇشىن ءبىلىم جانە عىلىم مينيسترلىگىمەن بىرگە جوو مەن كوللەدجدەردەگى وقۋ باعدارلاماسى قايتا قاراستىرىلادى. باعدارلامالاۋداعى كونە سوزدەر (pascal, basic) مەن ەسكى تەحنولوگيالار كەلمەسكە كەتەدى. ءىت بىلىكتىلىكتى راستايتىن تاۋەلسىز ورتالىقتار قۇرىلادى.
«سونداي-اق ءىت-نارىق پەن ۇلتتىق كومپانيالاردىڭ كوللابوراتسياسى تۋرالى ماسەلە كوتەرىلدى. ساتىپ الۋ ءۇردىسى كەزىندە ۇلتتىق كومپانيالاردىڭ نازارىن وتاندىق تىزىلىمگە اۋدارتۋ ءۇشىن وتاندىق باعدارلامالىق جاساقتاما رەەسترىن ودان ءارى ۇلعايتامىز. BI Group-تاعى تاجىريبەمە سۇيەنىپ ايتارىم, ءداستۇرلى سالالار ءىت-ماماندارمەن بىرىكسە, جاڭا ستارتاپتار جاساي الادى. قازاقستان باسقا ەلدەرمەن سالىستىرعاندا, قاي سالادا باسىم؟ مىنە, وسى سالالاردى جاسامپاز ءىت-كاسىپكەرلەرمەن بىرىكتىرسەك, ءبىراز ماسەلە شەشىلىپ, جاڭاشىلدىقتارعا جول اشىلار ەدى. بۇل ورايدا مۇناي-گاز, قۇرىلىس, تمك جانە ۋران ونەركاسىبىنە كۇش سالامىز», دەپ جازدى مۋسين.
جاس ءىت-ماماندارعا كومەكتەسۋ ءۇشىن مەملەكەتتىڭ جانە ۇلتتىق كومپانيالاردىڭ قولداۋىمەن ۆەنچۋرلىق قورلار قۇرىلادى.
«تسيفرلاندىرۋ ماسەلەسىنىڭ ەكىنشى بولىگىندە مەملەكەتتىك باسقارۋدى تسيفرلاندىرۋ جايى كوتەرىلدى. بۇل ورايدا پرەزيدەنتكە تستو باستاماسىن قولداعانى ءۇشىن العىس ايتامىن. ەسكى پروتسەستەردى اۆتوماتتاندىرۋعا توسقاۋىل قويامىز. First رەينجينيرينگ قاعيداسىنا كوشەمىز. ياعني تسيفرلاندىرۋدان بۇرىن, الدىمەن ۇدەرىستەردى جوندەپ, جەتىلدىرىپ, جاڭعىرتۋ كەرەك», دەپ ءتۇسىندىردى ول.
مينيستر پلاتفورما جايلى دا ءسوز قوزعادى.
«بۇل تاقىرىپقا كۇدىكپەن قارايتىندار كوپ, بىراق گۋگل, امازون, اليبابا, ياندەكس, كاسپي جانە باسقالارى نەگىزىندە تسيفرلاندىرۋدىڭ پلاتفورمالىق مودەلىن پايدالانادى. ال بىزدە شە؟ قازىر بىزدە ءتۇرلى تەحنولوگيالار مەن باعدارلامالاردىڭ كونە تىلدەرىنە نەگىزدەلگەن 400 اقپاراتتىق جۇيە مەن دەرەكتەر بازاسى بار. وسىنىڭ كەسىرىنەن كەيدە وپ-وڭاي سەرۆيستەردى ەنگىزۋدىڭ ءوزى ءبىر جىلعا جۋىق ۋاقىتتى الادى. سوندىقتان سەرىكتەستەرمەن بىرگە پلاتفورمالىق ۇلگىگە وتەمىز. ءسويتىپ ەسكى اقپاراتتىق جۇيەدەن جاڭا زاماناۋي قازاقستاندىق پلاتفورماعا كوشىرۋ تاپسىرىستارى وتاندىق ءىت-نارىقتىڭ ودان ءارى جاندانۋىنا جول اشادى», دەپ جازدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى.
ناتيجەسىندە ازاماتتار قىزمەتتەردىڭ 100 پايىزىن ءاپ-ساتتە سمارتفون ارقىلى الا الادى.
