2021 جىلعى 26 تامىزدا «قۇقىقتىق ءتارتىپ جەدەل-الدىن الۋ» ءىس-شاراسى بارىسىندا ماڭعىستاۋ وبلىسى پوليتسيا دەپارتامەنتىنىڭ قىزمەتكەرلەرى تۇرعىلىقتى جەرى بويىنشا قۇرامىندا ەسىرتكى زاتتارى بار تىيىم سالىنعان وسىمدىكتەردى وسىرۋمەن اينالىساتىن اقتاۋ قالاسىنىڭ 53 جاستاعى تۇرعىنىن انىقتادى.
كۇدىكتىنىڭ “ماريحۋانا” ەسىرتكى زاتىن وسىرگەنى انىقتالدى. پوليتسيا ەسىرتكى زاتىنىڭ 92 بۇتاسىن تاركىلەدى. ۇستالعان ازاماتقا قاتىستى قر قك 300-بابىنىڭ 1-بولىگى (قۇرامىندا ەسىرتكى بار وسىمدىكتەردى زاڭسىز ءوسىرۋ) بويىنشا سوتقا دەيىنگى تەرگەۋ باستالدى. قاجەتتى تەرگەۋ ارەكەتتەرى جۇرگىزىلۋدە.
«ەسىرتكى قىلمىسىنا قارسى ءىس-قيمىل بولىنىستەرىنىڭ قىزمەتكەرلەرى ەسىرتكى ساتۋشىلاردى اشكەرەلەۋ, ەسىرتكى قۇرالدارىنىڭ ءىرى پارتيالارىن اينالىمنان الىپ تاستاۋ بويىنشا ۇنەمى جۇمىستار جۇرگىزەتىندىگىن اتاپ وتكەن ءجون. ەستەرىڭىزگە سالا كەتەيىك, ەسىرتكىنى زاڭسىز ءوسىرۋ دەرەگى بويىنشا قىلمىستىق جاۋاپكەرشىلىك قاراستىرىلعان», دەپ اتاپ ءوتتى ءوڭىردىڭ پوليتسيا باسشىسى.
