«مەملەكەت باسشىسىنىڭ بيىلعى 1 قىركۇيەكتە ايتىلعان قازاقستان حالقىنا جولداۋىن ىسكە اسىرۋ ماقساتىندا ۇلتتىق بانك ۇكىمەتپەن بىرلەسىپ 2022 جىلى ينفلياتسيانى 4-6% نىسانالى دالىزگە قايتارۋعا ايرىقشا كوڭىل بولەتىن بولادى. مەملەكەت باسشىسى جولداۋدا مونەتارلىق ەمەس فاكتورلار اسەرىنىڭ ۇلعايۋىن, اسىرەسە ازىق-ت ۇلىك باعاسىنىڭ وسكەنىن اتاپ ءوتتى. بيىلعى 8 ايدىڭ قورىتىندىسى بويىنشا, ىشكى ءوندىرىس قاجەتتىلىگىنىڭ رەسمي قامتىلۋىنا قاراماستان, جەكەلەگەن نارىقتارداعى تۇراقتى تەڭگەرىمسىزدىك ناتيجەسىندە ازىق-ت ۇلىك ينفلياتسياسىنىڭ ءوسۋى 11,4 پايىزدى قۇرادى. ماۋسىمارالىق كەزەڭدە كارتوپ پەن ءسابىزدىڭ باقىلاۋسىز ەكسپورتىنا بايلانىستى ولاردىڭ جازعى ايلارعا ءتان باعاعا قاراعاندا, باعالارىنىڭ كۇرت ءوسۋى جانە سونىڭ سالدارىنان ىشكى نارىقتا دەفيتسيتتىڭ پايدا بولۋى وسى جىلدىڭ ايقىن كورىنىسى بولىپ وتىر», دەدى ە. دوساەۆ.
ونىڭ ايتۋىنشا, جوعارىدا كورسەتىلگەن فاكتورلاردىڭ نەگىزىندە مەملەكەت باسشىسىنىڭ تاپسىرماسىن ىسكە اسىرۋ ءۇشىن ازىق-ت ۇلىك باعاسىنىڭ وسۋىنە قارسى كۇرەستە ۇكىمەت پەن اكىمدەردىڭ نەگىزگى كۇش-جىگەرىن تاۋار ءوندىرىسىنىڭ, ەكسپورت پەن يمپورت بالانسىن ەسكەرە وتىرىپ, ىشكى نارىقتى جان-جاقتى تولىقتىرۋعا جۇمساۋ كەرەك.
«ينفلياتسيانى 2022 جىلى نىسانالى دالىزگە قايتارۋ بويىنشا جولداۋدا قويىلعان مىندەتتەردى ءتيىمدى تۇردە شەشۋ ءۇشىن 2021-2023 جىلدارعا ارنالعان ينفلياتسياعا قارسى ارەكەت ەتۋ شارالارىنىڭ كەشەنى ازىرلەنىپ, كەلىسۋدىڭ سوڭعى ساتىسىندا تۇر. ماكروەكونوميكالىق ساياساتتى ۇيلەستىرۋ جونىندەگى 2021-2023 جىلدارعا ارنالعان كەلىسىممەن بىرگە بۇل شارالار ينفلياتسيانىڭ ازىق-ت ۇلىككە جاتاتىن جانە ازىق-ت ۇلىككە جاتپايتىن بولىكتەرىنىڭ مونەتارلىق ەمەس فاكتورلارىن ايتارلىقتاي تومەندەتۋدى قامتاماسىز ەتۋگە, ورتا مەرزىمدى نەگىزدە بولجامدى جانە تەڭگەرىمدى تاريفتىك ساياساتتى قامتاماسىز ەتۋگە ءتيىس», دەدى ۇب باسشىسى.
