سپورت • 02 قىركۇيەك، 2021

قازاقستان – ۋكراينا – 2:2

32 رەت كورسەتىلدى

فۋتبولدان قازاقستان ۇلتتىق قۇراماسى 2022 جىلى قاتار استاناسى – دوحادا وتەتىن الەم چەمپيوناتىنىڭ ىرىكتەۋ كەزەڭى اياسىنداعى 4-تۋر ويىنىن ەلورداداعى «استانا ارەنادا» وتكىزىپ، ۋكراينا قۇراماسىمەن تەڭ ءتۇستى.

وسىدان ءدال بەس اي بۇرىن كيەۆتە وتكەن ەكى قۇراما ارا­سىنداعى ءبىرىنشى ويىندا جەر­لەستەرىمىز العاشقى تايمدا ءوز قاقپاسىنا گول جىبەرىپ العا­نىمەن، ەكىنشى تايمنىڭ 60-مي­نۋتىندا سەرىكجان مۇجى­قوۆتىڭ سوققان گولىنىڭ ارقا­سىندا تارازى باسى تەڭەسىپ، قۇرامامىز العاش رەت الەك­ساندر زينچەنكو باستاعان جى­گىت­تەرمەن تەڭ ويناعان ەدى.

كۇنى كەشە ەلوردادا وتكەن ماتچ تا ءدال سونداي ستسەناري­مەن باستالدى. كەزدەسۋدىڭ نە­بارى ەكىنشى مينۋتىندا ۋك­راينا قۇراماسىنىڭ جانە پور­تۋگاليانىڭ «بەنفيكا» كلۋ­بىنىڭ شابۋىلشىسى رومان يارەمچۋك ستاس پوكاتيلوۆ قور­عاعان قاقپاعا تاماشا گول سالىپ، ويىننىڭ ەسەبىن اشتى. جەرلەستەرمىز جىلدام گول وتكىزىپ العان سوڭ ءبىراز ابدىراپ قالدى. ەسەسىنە قوناقتار قارقىنىن كۇشەيتىپ، ويىننىڭ 20-مينۋتىنا دەيىن ءبىزدىڭ فۋتبولشىلارعا دوپ بەرمەي، قاقپامىزدىڭ الدىندا بىرنەشە قاۋىپتى شابۋىل ۇيىم­داستىرۋمەن بولدى. بىراق قور­عاۋشىلارىمىز بەن ستاس پوكاتيلوۆ ۋكراينا شابۋىلشىلارىنا ەكىنشى گول سوعاتىن مۇمكىندىك بەرگەن جوق.

ءبىرىنشى تايمنىڭ ورتا تۇسى­نا كەلگەندە الاڭ يەلەرى قارسى شابۋىلعا يەك ارتىپ، اندرەي پياتوۆتى مازالاي باس­تادى. 23-مينۋتتا رۋس­لان ءۆاليۋلليننىڭ سول قاپتال­دان اسىرعان پاسىن كاپيتان ازات نۇرعاليەۆ ءتيىمدى پايدا­لانا المادى. كەيىننەن يسلام­بەك قۋات، ۆلاديسلاۆ ۆاسيلەۆ، مارات بىستروۆ الىس­تان سوق­قى جاساپ، گول سوعۋعا تىرىس­قانىمەن، دوپ قاقپادان قيىس كەتىپ جاتتى. ءسويتىپ ءبىرىنشى تايم ۋكراينانىڭ ءسال عانا باسىمدىعىمەن اياقتالدى.

ەكىنشى تايمدى تالعات بايسۋفينوۆ شاكىرتتەرى تاماشا باستادى. 60-مينۋتتا باس باپكەر ازات نۇرعاليەۆتىڭ ورنىنا باقتيەر زاينۋتدينوۆتى جانە ۇلتتىق قۇراما ساپىندا ءبىرىنشى ويىنىن وتكىزگەن شابۋىلشى ارتۋر شۋشەناچەۆتىڭ ورنىنا ابات ايىمبەتوۆتى شىعارعان سوڭ، قۇرامانىڭ ويى­نى ودان ءارى تۇرلەنىپ شىعا كەلدى. ارادا 8 مينۋت وتكەن سوڭ ابات ايىمبەتوۆ گول سوعىپ تارازى باسىن تەڭەستىرگەن ەدى. بىراق ليتۆالىق تورەشى گول ويىننان تىس جاعدايدا سوعىلعانىن كورسەتتى.

دەگەنمەن كەزدەسۋدىڭ 74-مي­نۋتىندا جەرلەستەرىمىز ءبارى­بىر ءوز دەگەندەرىنە جەتتى. اسحات تاعىبەرگەننەن پاس ال­عان رۋسلان ۆاليۋللين پيا­توۆتى قاپى قالدىرىپ، ەسەپ­تى تەڭەستىردى. تارازى باسى تەڭەس­كەن سوڭ قوناقتار العا قاراي ۇمتىلۋدىڭ ورنىنا قورعانىسقا كوبىرەك كوڭىل بولۋگە ءماجبۇر بولدى. ماتچ اياقتالار تۇستا ابات ايىمبەتوۆتىڭ گول سوعىپ، جەڭىستى ج ۇلىپ الاتىن زور مۇمكىندىگى بولىپ ەدى. الايدا اندرەي پياتوۆ دوپتى قايتارىپ ۇلگەردى. ءسويتىپ قوناقتار فۋتبولداعى «سەن سوقپاساڭ، ساعان سوعامىز» دەگەن قاعيدانى ۇستانىپ، تورەشى قوسقان قوسىمشا مينۋتتا گول سوعىپ، ەسەپتە العا شىعىپ الدى. گول اۆتورى – 20 جاستاعى دانيلا سيكان. گول وتكىزىپ العاننان كەيىن جەرلەستەرىمىز بوساڭسىماي، سوڭعى مينۋتقا دەيىن العا ۇمتىلىپ، قارسى­لاستارعا وڭايلىقپەن ءۇش ۇپايدى بەرىپ قويمايتىنىن اڭ­عارتتى. تورەشى قوسقان سوڭ­عى بەسىنشى مينۋتتا رۋسلان ۆا­ليۋللين ءدۋبلدىڭ اۆتورى اتانىپ، قازاقستان قۇراماسىنا ءبىر ۇپاي مەن تەڭ ويىن سىيلادى – 2:2.

ەندى جەرلەستەرىمىز كەلەسى كەزدەسۋلەرىن 4 قىركۇيەك كۇنى سىرت الاڭدا فينليانديا قۇرا­ماسىمەن، ال 7 قىركۇيەك كۇنى بوس­نيا جانە گەرتسەگوۆينا قۇ­را­ما­سىمەن وتكىزەدى.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار