تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىنەن كەلەس اۋداندىق پوليتسيا بولىمىنە جەرگىلىكتى تۇرعىنداردىڭ ءبىرى ەسىرتكى ساقتاپ جۇرگەنى جونىندە حابارلاما كەلىپ تۇسكەن.
وسى اقپارات بويىنشا تو پد ەققىقب مەن اۋداندىق پوليتسەيلەردىڭ جەدەل-ىزدەستىرۋ ءىس-شارالارىنىڭ ناتيجەسىندە, اسا ءىرى كولەمدە ەسىرتكى ساقتاعان كۇدىكتى ۇستالدى. جەدەل ۋاكىلدەر كەلەس اۋدانىنىڭ تۇرعىنىنىڭ ءۇيىن ءتىنتۋ كەزىندە ونىڭ مال قوراسىنان ەرەكشە حوش ءيىسى بار ەسىرتكىگە ۇقساس وسىمدىك زاتىن تاۋىپ, ساراپتاماعا جىبەردى. ساراپتاما قورىتىندىسىنا سايكەس, الىنعان ەسىرتكىنىڭ جالپى سالماعى 1,5 كەلىگە جۋىق “كەپتىرىلگەن ماريحۋانا” بولىپ شىقتى.
اتالعان جايتتى پوليتسەيلەر قر قك-ءنىڭ 296-بابى 4-بولىگى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سدتبت-عا تىركەدى. قازىرگى ۋاقىتتا ەسىرتكىنى زاڭسىز ساقتاۋ دەرەگى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى.
كەلەس اپب-ءنىڭ تەرگەۋشىلەرى وقيعانىڭ ءمان-جايىن جانە كۇدىكتىنىڭ وسىعان ۇقساس باسقا دا قىلمىستارعا قاتىسى بار-جوعىن انىقتايدى. ءوز كەزەگىندە تۇركىستان وبلىسىنىڭ پوليتسەيلەرى ەسىرتكىنى زاڭسىز ساقتاپ, تاراتقانى ءۇشىن قاتاڭ قىلمىستىق جاۋاپكەرشىلىك قاراستىرىلعانىن ەسكەرتەدى.
