Caldor Fire قازىردىڭ وزىندە 191,000 گەكتاردان استام جەردى ورتەدى, ال ءورتتىڭ تەك 16%-ى عانا باقىلاۋعا الىندى.
ەكى اپتادان استام ۋاقىت بۇرىن باستالعان ءورتتى سوندىرۋگە 3500-دەن استام ءورت ءسوندىرۋشى جۇمىلدىرىلدى.
ءبىر اۋرۋحانا ەۆاكۋاتسيالانۋعا ءماجبۇر بولدى جانە ناۋقاستار ايماقتىڭ باسقا مەكەمەلەرىنە اۋىستىرىلدى.
بيلىكتىڭ مالىمەتىنشە, بەس ادام جارالانىپ, 700-دەن استام م ۇلىك قيراعان.
دۇيسەنبى كۇنى تاڭەرتەڭ تانىمال دەمالىس ورنى South Lake Tahoe مەن ونىڭ اينالاسىنداعى 22000 تۇرعىندى ەۆاكۋاتسيالاۋعا بۇيرىق بەرىلدى.
اقش-تىڭ ورمان قىزمەتى ورتكە بايلانىستى 31 تامىز بەن 17 قىركۇيەك ارالىعىندا كاليفورنيانىڭ بارلىق ۇلتتىق ورمانى جابىلاتىنىن جاريالادى.
«Caldor Fire - قازىرگى ۋاقىتتا كاليفورنيادا بەلسەندى جەتى ءورتتىڭ ءبىرى. ولاردىڭ ىشىندەگى ەڭ ۇلكەنى Dixie Fire شىلدە ايىنىڭ ورتاسىندا شىقتى. سودان بەرى 800 000 گەكتاردان استام جەردى ورتەپ جىبەردى. بۇل كاليفورنيا تاريحىنداعى ەكىنشى ۇلكەن ءورت», دەپ جازادى ۆۆس.
