كەزدەسۋگە قاتىسقان بالالار جەڭىسكە جەتۋ جولىنداعى قىزىقتى وقيعالارىمەن ءبولىسىپ, ۇسىنىسىن ايتتى, سونىمەن قاتار سۇراقتارىنا جاۋاپ الدى.
«وقۋشىلارمەن جانە جاتتىقتىرۋشىلارمەن وليمپيادالىق قوزعالىستى الداعى ۋاقىتتا ودان ءارى دامىتۋ باعىتتارىن تالقىلادىق», دەپ جازدى مينيستر ءوزىنىڭ Facebook پاراقشاسىندا.
بيىل وليمپيادانىڭ رەسپۋبليكالىق كەزەڭى جاڭا ەلەكتروندىق فورماتتا ءوتتى.
ءمينيستردىڭ جازۋىنشا, قازىرگى تاڭدا ەل پرەزيدەنتى قاسىم-جومارت كەمەل ۇلى توقاەۆتىڭ تاپسىرماسىنا ساي مينيسترلىك دارىندى بالالاردى قولداۋ باعىتىندا جۇيەلى جانە كەشەندى شەشىمدەر ازىرلەپ جاتىر.
كەزدەسۋ سوڭىندا وليمپيادا جۇلدەگەرلەرىنە مەملەكەت باسشىسىنىڭ اتىنان العىس حاتتار تابىس ەتىلدى.
«سونىمەن بىرگە ءبىز جاتتىقتىرۋشىلاردىڭ ەڭبەگىن دە اتاپ وتتىك. بۇعان دەيىن مەنىڭ اتىمنان 3 مىڭ دارىندى بالانىڭ اتا-انالارىنا العىس حات جىبەرىلگەن بولاتىن. مەن وليمپيادا قاتىسۋشىلارىنىڭ مۇعالىمدەرىنە, اتا-انالارى مەن جاتتىقتىرۋشىلارىنا تاعى دا العىس ايتقىم كەلەدى. سىزدەردىڭ مۇنداي ناتيجەلەرگە قول جەتكىزۋدە ەڭبەكتەرىڭىز وراسان زور. ءوز كەزەگىندە ءبىلىم جانە عىلىم مينيسترلىگى وقۋشىلارىمىزدىڭ بيىك بەلەستەردى ودان ءارى باعىندىرىپ, قازاقستاندى الەمدىك ارەنادا لايىقتى دەڭگەيدە تانىتۋلارىنا جاعداي جاساۋدى جالعاستىراتىنىن اتاپ وتكىم كەلەدى», دەپ جازادى مينيستر.
