بەرلين پوليتسياسى كوۆيد-ديسسيدەنتتەر ۇيىمداستىرعان اكتسيادا 80-گە جۋىق ادامدى ۇستادى. ميتينگىگە قاتىسۋشىلار بۇقارالىق جانە كوروناۆيرۋسقا قارسى شارالار تۋرالى زاڭداردى بۇزۋعا شاقىردى. بۇعان دەيىن بەرلين بيلىگى كوۆيد-ديسسيدەنتتەردىڭ مۇنداي اكتسيالارىنا رەسمي تۇردە تىيىم سالعان بولاتىن.
ءازىربايجاندا بۇعان دەيىن ەنگىزىلگەن ايرىقشا كارانتين رەجيمى 1 قاراشاعا دەيىن ۇزارتىلدى. سونىمەن قاتار ۇيلەنۋ راسىمدەرىنە قويىلاتىن تالاپتار كۇشەيتىلدى. ەندى وسى سيپاتتاعى ءىس-شارالارعا قاتىسۋشىلار مەن قوناقتار تەك ۆاكتسينا پاسپورتى نەمەسە اعزادا ۆيرۋستىڭ انىقتالماعاندىعى تۋرالى سەرتيفيكاتى بار بولعان جاعدايدا عانا جىبەرىلەدى.
تايلاندتا COVID-19 ۆيرۋسىن جۇقتىرعان پاتسيەنتتەر دالالىق اۋرۋحانادا «ساۋىق كەشىن» ۇيىمداستىردى. سامۋت پراكان پروۆينتسياسىنداعى اۋرۋحانا قىزمەتكەرلەرى پاتسيەنتتەر اراسىنداعى قاقتىعىسقس نارازىلىق ءبىلدىرىپ, پوليتسيا كومەگىنە جۇگىندى. ال قاۋىپسىزدىك قىزمەتكەرلەرى باقىلاۋ كامەرالارى ارقىلى پاتسيەنتتەردىڭ ءبىر بولىگى ەسىرتكى قابىلدايتىنىن انىقتادى.
بۇل تۋرالى COVID-19 تارالۋىنا جول بەرمەۋ جونىندەگى ۆاك مالىمدەدى.
