«بۇگىنگى تاڭدا ەكى قويمادا بىقسىپ جاتقان وشاقتار بار. وسى ماسەلە بويىنشا جينالىس وتكىزدىك. قورعانىس مينيسترلىگىنىڭ ساپەرلەرى مەن ءورت ءسوندىرۋ قىزمەتى اتالعان وشاقتاردا جۇمىس ىستەپ جاتىر. جارىلماي قالعان وق-دارىلەر بار. توتەنشە جاعدايلار مينيسترلىگىنىڭ بولىمشەلەرى بىقسىپ جاتقان وشاقتاردى ءوشىرۋ ءۇشىن سۋ تاسىپ, ەۆاكۋاتسيالانعان تۇرعىنداردى ۇيلەرىنە قايتارۋمەن اينالىسىپ ءجۇر. وقيعا ورنىندا م ۇلىككە كەلگەن زالادى باعالايتىن كوميسسيا جۇمىس ىستەپ جاتىر. مەنىڭ ويىمشا, جاقىن كۇندەرى ولار قيراعان م ۇلىكتى قالپىنا كەلتىرۋگە كىرىسەدى. قاۋىپ تولىق سەيىلمەگەنىن ەسكەرسەك, وقيعانىڭ ەپيتسەنترىندە قايتا جارىلىس بولۋى مۇمكىن. تەمىرجول بويىنشا جۇك تاسىمالى توقتاپ تۇر. ال جولاۋشىلار تاسىمالى بۇگىن شەشىلۋى كەرەك دەپ ويلايمىن», دەدى مينيستر.
«مۇنىڭ ءبارى جالپى احۋالعا بايلانىستى. ويتكەنى قيراندىلاردى ارشىپ, تازارتۋ ءۇشىن ءبىراز ۋاقىت كەرەك, كوپ شىعىن كەتەدى. وندا وق-دارىمەن جۇمىس ىستەپ جاتقان ساپەرلەردىڭ اماندىعى ماڭىزدى ەكەنىن تۇسىنەتىن شىعارسىزدار. بەتىن ءارى قىلسىن, اسىعىستىق جاساپ, ولاردى قاۋىپكە يتەرمەلەي المايمىز. جارىلىستىڭ سالدارىن تولىق جويۋ ءۇشىن ارنايى جۇمىس توبىمەن, اكىمدىكپەن, قورعانىس مينيسترلىگىمەن بىرلەسە وتىرىپ, تاعى ەكى-ءۇش كۇن جۇمىس ىستەۋ قاجەت بولادى دەپ ويلايمىن», دەدى يۋري يلين باق وكىلدەرىنە.