23 قاڭتار، 2014

قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №859

185 رەت كورسەتىلدى

2013 جىلعى 1 قاراشا استانا قالاسى

اۆتوموبيل كولiگiمەن مۇگەدەكتەردi تاسىمالداۋ جونiندە قىزمەتتەر كورسەتۋ قاعيدالارىن بەكىتۋ تۋرالى

2013 جىلعى 1 قاراشا استانا قالاسى

اۆتوموبيل كولiگiمەن مۇگەدەكتەردi تاسىمالداۋ جونiندە قىزمەتتەر كورسەتۋ قاعيدالارىن بەكىتۋ تۋرالى

«اۆتوموبيل كولىگى تۋرالى» 2003 جىلعى 4 شىلدەدەگى قازاقستان رەسپۋبليكاسى زاڭىنىڭ 13-بابىنىڭ 23) تارماقشاسىنا جانە «قازاقستان رەسپۋبليكاسىندا مۇگەدەكتەردى الەۋمەتتىك قورعاۋ تۋرالى» 2005 جىلعى 13 ساۋىردەگى قازاقستان رەسپۋبليكاسىنىڭ زاڭىنا سايكەس بۇيىرامىن:
1. قوسا بەرىلىپ وتىرعان اۆتوموبيل كولىگىمەن مۇگەدەكتەردى تاسىمالداۋ جونىندە قىزمەتتەر كورسەتۋ قاعيدالارى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اۆتوموبيل كولىگى دەپارتامەنتى (ە.ە. دجۇماشەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا رەسمي جاريالانۋىن، سونىڭ ىشىندە ونى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
3) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى «ادىلەت» رەسپۋبليكالىق مەملەكەتتىك كاسىپورنىنىڭ اقپاراتتىق-قۇقىقتىق جۇيەسىنە رەسمي جاريالاۋعا كوشىرمەلەرىن جىبەرۋدى;
4) وسى بۇيرىق قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلگەننەن كەيiن 5 جۇمىس كۇنi iشiندە مەملەكەتتiك تiركەۋ تۋرالى جانە بۇقارالىق اقپارات قۇرالدارىندا جاريالاۋعا جiبەرۋ تۋرالى مالiمەتتەردi قازاقستان رەسپۋبليكاسى كولiك جانە كوممۋنيكاتسيا مينيسترلiگiنiڭ زاڭ دەپارتامەنتiنە ۇسىنۋدى قامتاماسىز ەتسiن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى م.ق. پىشەمباەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ء مينيستردىڭ مىندەتىن اتقارۋشى        س.سارسەنوۆ.

 

«كەلىسىلدى»
قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى ت.دۇيسەنوۆا
2013 جىلعى 6 قاراشا
قازاقستان رەسپۋبليكاسى كولىك جانە كوممۋنيكاتسيا  ءمينيسترىنىڭ
2013 جىلعى 1 قاراشاداعى  №859 بۇيرىعىمەن بەكىتىلدى

اۆتوموبيل كولىگىمەن مۇگەدەكتەردى تاسىمالداۋ جونىندە قىزمەتتەر كورسەتۋ قاعيدالارى

1. جالپى ەرەجەلەر
1. وسى اۆتوموبيل كولىگىمەن مۇگەدەكتەردى تاسىمالداۋ جونىندە قىزمەتتەر كورسەتۋ قاعيدالارى (بۇدان ءارى – قاعيدالار) «اۆتوموبيل كولىگى تۋرالى» 2003 جىلعى 4 شىلدەدەگى قازاقستان رەسپۋبليكاسى زاڭىنىڭ 13-بابىنىڭ 23) تارماقشاسىنا، «قازاقستان رەسپۋبليكاسىندا مۇگەدەكتەردى الەۋمەتتىك قورعاۋ تۋرالى» 2005 جىلعى 13 ساۋىردەگى قازاقستان رەسپۋبليكاسىنىڭ زاڭىنا جانە «اۆتوموبيل كولىگىمەن جولاۋشىلار مەن باگاجدى تاسىمالداۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 2 شىلدەدەگى № 767 قاۋلىسىنا (بۇدان ءارى – تاسىمالداۋ قاعيدالارى) سايكەس ازىرلەندى.
2. قاعيدالار اۆتوموبيل كولىگىمەن تاسىمالداۋ بويىنشا قىزمەتتەر كورسەتۋ كەزىندە مۇگەدەكتەر ءۇشىن قولجەتىمدى كولىكتىك ورتانى قامتاماسىز ەتۋدىڭ جالپى ءتارتىبى مەن شارتتارىن انىقتايدى.
3. قاعيدالار قازاقستان رەسپۋبليكاسىنىڭ بۇكiل اۋماعىندا قولدانىلادى جانە بارلىق جەكە جانە زاڭدى تۇلعالار ءۇشiن مەنشiك نىساندارىنا قاراماستان مiندەتتi بولىپ تابىلادى.
4. وسى قاعيدالاردا پايدالانىلاتىن نەگiزگi ۇعىمدار:
تاكسيمەن تاسىمالداۋشى – جولاۋشىلار مەن باگاجدى تاكسيمەن تاسىمالداۋ بويىنشا قىزمەتتەر كورسەتەتىن جەكە كاسىپكەر نەمەسە زاڭدى تۇلعا;
شاعىن اۆتوبۋس – جاساۋشى زاۋىت كوزدەگەن جۇرگiزۋشiنiڭ ورنىن قوسپاعاندا، وتىراتىن ورنى ون التىدان اسپايتىن ەرەكشە شاعىن سىنىپتاعى اۆتوبۋس;
ينۆاتاكسي – مەملەكەتتىك الەۋمەتتىك تاپسىرىس شەڭبەرىندە مۇگەدەكتەردى تاسىمالداۋ بويىنشا الەۋمەتتىك قىزمەتتەردى كورسەتۋگە ارنالعان اۆتوموبيل;
تاكسي – تاسىمالداۋ قاعيدالارىنا سايكەس جابدىقتالعان، جولاۋشىلار مەن باگاجدى اۆتوموبيلمەن تاسىمالداۋعا ارنالعان جەڭiل اۆتوموبيل.

2. اۆتوكولىك قۇرالدارىمەن مۇگەدەكتەردى تاسىمالداۋ بويىنشا  قىزمەتتەر كورسەتۋ ءتارتىبى
5. مۇگەدەكتەردى تۇراقتى قالاارالىق وبلىسارالىق مارشرۋتتاردا تاسىمالداۋ كەزىندە جانە حالىقارالىق اۆتوموبيل تاسىمالدارىندا «جولاۋشىلار تاسىمالدارى بويىنشا اۆتوكولىك قىزمەتتەرى» 1040-2001 قازاقستان رەسپۋبليكاسى مەملەكەتتىك ستاندارتىنىڭ تالاپتارىنا سايكەس كەلەتىن جولاۋشىلار سالونىنداعى ءوتۋدىڭ ەنى 44 سانتيمەتردەن كەم ەمەس قالاارالىق اۆتوبۋستار (II كلاسس) نەمەسە الىسقا جۇرەتىن اۆتوبۋستار (III كلاسس) پايدالانىلادى.
6. اۆتوبۋستاردا مۇگەدەكتەرگە ارنالعان ورىندار جانە مۇگەدەكتەردىڭ قوزعالىسىنا ارنالعان كرەسلو-اربالار اۆتوبۋستىڭ جاناما قابىرعاسىنىڭ ەنى بويىندا ءبىر قاتاردا ورنالاستىرادى جانە ولار اۆتوبۋستىڭ ءجۇرىسى بويىنشا العا قارايدى.
7. كرەسلو-اربانى ورنالاسۋ ورىندارىنداعى جولاۋشىلار سالوندارىنىڭ ەدەنىندە جانە ولارعا قولجەتىمدىلىك ايماقتارىندا پاندۋستار جانە باسپالداقتار بولماۋى ءتيىس.
8. II جانە III كلاسس اۆتوبۋستار ورىندىقتارىنىڭ ارقاسى جاستىعىمەن بولادى.
بۇل رەتتە ورىندىقتاردىڭ ارقاسى ەڭكەيۋ بۇرىشى بويىنشا ورنالاسۋدى رەتتەۋى بولادى.
9. مۇگەدەكتەردى تىكەلەي كرەسلو-اربالاردا تاسىمالداعان جاعدايدا اۆتوبۋستا قوزعالىس كەزىندە كرەسلو-اربانى بەكىتەتىن جابدىقتار مەن قۇرالدار كوزدەلەدى.
10. جۇرگىزۋشىنىڭ جۇمىس ورنى مۇگەدەكتەردىڭ ورنالاسۋ ورىندارىنان بولسىن، كرەسلو-اربالاردى ورنالاستىرۋ ورنىنان بولسىن ىسكە قوسىلاتىن دىبىس جانە جارىق سيگنالدارىمەن جابدىقتالادى.
11. II جانە III كلاسس اۆتوبۋستارى جولاۋشىلار سالونىندا مۇگەدەكتىڭ قوزعالۋى ءۇشىن ارنالعان ارنايى كولىكتىك اربامەن جابدىقتالادى.
12. II جانە III كلاسس اۆتوبۋستارىندا كرەسلو-اربانى تاسىمالداۋ ءۇشىن پايدالانىلاتىن باگاج ءبولىمى كوزدەلەدى. بولىمدە جيناستىرعان كۇيدە كرەسلو-اربانى بەكىتۋ ءۇشىن قۇرالدار كوزدەلەدى.
13. كولىك قۇرالى ايالدامالار، كەلۋ جانە كەتۋ ۋاقىتتارى جونىندە حابارلايتىن دىبىس جانە كورەتىن اقپاراتتىق تابلومەن جابدىقتالادى.
14. قالالىق مارشرۋتتىق اۆتوبۋستاردىڭ جولاۋشىلار سالوندارىندا كرەسلو-ارباداعى مۇگەدەكتىڭ اۆتوبۋسقا كىرۋى ءۇشىن ارنالعان ەسىككە قاراما-قارسى بوس الاڭ (بۇرىلۋ شەڭبەرى) كوزدەلەدى.
15. كرەسلو-اربانى ورنالاستىرۋ ءۇشىن ارنالعان ەدەن ۋچاسكەسىندە ءبۇيىر قابىرعانىڭ ەنى بويىندا كولدەنەڭ تۇتقا ورناتىلادى.
16. اۆتوبۋستاردا كەمىندە 2 جولاۋشى ەسىگى كوزدەلەدى. ونىڭ بىرەۋى كرەسلو-ارباداعى مۇگەدەككە اۆتوبۋسقا كىرۋگە جانە شىعۋعا مۇمكىندىك بەرەتىن جابدىقپەن جابدىقتالادى.
شاعىن اۆتوبۋستا جابدىقپەن جابدىقتالعان جانە كرەسلو-ارباداعى مۇگەدەكتەردىڭ قولجەتىمدىلىگى ءۇشىن دە، مۇگەدەكتەرمەن بىرگە جۇرەتىن ادامدار ءۇشىن دە پايدالانىلاتىن ءبىر ەسىكتىڭ بولۋىنا جول بەرىلەدى.
17. كرەسلو-ارباداعى مۇگەدەكتەردىڭ اۆتوبۋسقا قولجەتىمدىلىگى ءۇشىن پايدالانىلاتىن ەسىكتىڭ ءتيىستى بەلگىلەرى (جازۋلار نەمەسە پيكتوگراممالار) بولادى.
18. اۆتوبۋستار مۇگەدەكتەرگە اۆتوبۋسقا كولجەتىمدىلىگىن قامتاماسىز ەتەتىن رامپالارمەن نەمەسە كرەسلو-ارباداعى مۇگەدەكتەردى اۆتوبۋسقا (اۆتوبۋستان) كوتەرۋگە (تۇسىرۋگە) ارنالعان جابدىقتارمەن جابدىقتالادى.

3. مۇگەدەكتەرگە تاكسي قىزمەتتەرىن  ۇيىمداستىرۋ جانە كورسەتۋ
19. «اۆتوموبيل كولىگى تۋرالى» 2003 جىلعى 4 شىلدەدەگى قازاقستان رەسپۋبليكاسى زاڭىنىڭ 26-بابىنا سايكەس جولاۋشىلار مەن باگاجدى تاكسيمەن تاسىمالداۋدى ۇيىمداستىرۋ كەزىندە جەكە كاسىپكەر نەمەسە زاڭدى تۇلعانىڭ وتىز جانە ودان دا كوپ تاكسيى بولعان كەزدە ءار وتىز تاكسيگە ارنايى قوزعالىس قۇرالدارىن پايدالاناتىن مۇگەدەكتەردى تاسىمالداۋ ءۇشىن بەيىمدەلگەن كەمىندە ءبىر تاكسيى بولادى.
20. مۇگەدەكتەردى تاسىمالداۋ ءۇشىن، سونىڭ ىشىندە كرەسلو-اربادا وتىراتىن مۇگەدەكتەردى تاسىمالداۋعا ارنايى قايتا جابدىقتالعان «تاكسي تاسىمالدارى بويىنشا اۆتوكولىك قىزمەتتەرى» 2272-2012 قازاقستان رەسپۋبليكاسى مەملەكەتتىك ستاندارتىنىڭ تالاپتارىنا سايكەس كەلەتىن جەڭىل اۆتوكولىك قۇرالدارى پايدالانىلادى.
21. تاكسيدىڭ الدىڭعى جانە ارتقى جاقتارىندا ءتورتبۇرىش تۇرىندە «مۇگەدەك» ايرىقشا بەلگىلەر جانە «قازاقستان رەسپۋبليكاسى جول قوزعالىسىنىڭ ەرەجەلەرىن، كولىك قۇرالدارىن پايدالانۋعا جىبەرۋ جونىندەگى نەگىزگى ەرەجەلەر مەن جول قوزعالىسىنىڭ قاۋىپسىزدىگىن قامتاماسىز ەتۋ بويىنشا لاۋازىمدى ادامدار مەن جول قوزعالىسىنا قاتىسۋشىلاردىڭ مىندەتتەرىن جانە ارنايى تۇستىك-گرافيكالىق سحەمالار بويىنشا ارنايى تۇستىك جانە دىبىستىق بەلگىلەرمەن جابدىقتالۋعا جانە بويالۋعا جاتاتىن جەدەل جانە ارنايى قىزمەتتەردىڭ، كولىكتىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 25 قاراشاداعى № 1650 قاۋلىسىمەن بەكىتىلگەن قازاقستان رەسپۋبليكاسى جول قوزعالىسى ەرەجەلەرىنىڭ 7.17-جول بەلگىسى نىشانىنىڭ بەينەسى بەلگىلەنەدى.

4. ينۆاتاكسي قىزمەتتەرىن كورسەتۋ ءتارتىبى
22. ينۆاتاكسي قىزمەتتەرىن كورسەتۋدى جەرگىلىكتى اتقارۋشى ورگاندار مەملەكەتتىك ساتىپ الۋلار تۋرالى زاڭناماعا سايكەس مەملەكەتتىك الەۋمەتتىك تاپسىرىس ارقىلى جۇزەگە اسىرادى.
23. مەملەكەتتىك الەۋمەتتىك تاپسىرىس ينۆاتاكسيى بار، قىزمەتتەردى كورسەتۋگە قاجەتتى پەرسونالدىڭ جۇمىسىنا ارنالعان جاعدايلار، سونىڭ ىشىندە مۇگەدەكتەردەن تاپسىرىس قابىلداۋعا ارنالعان، وتىنىمدەردى قابىلداۋ ءۇشىن كەمىندە ەكى تەلەفون نومىرىمەن جاراقتاندىرىلعان، وتىنىمدەردى قابىلداۋ ءۇشىن ۇيالى بايلانىستى قوسا العاندا، كورسەتىلەتىن قىزمەتتەردىڭ ساپاسى مەن سانىن باقىلاۋ ءۇشىن تەلەفون كەلىسسوزدەرىن جازۋ مۇمكىندىگىن قامتاماسىز ەتەتىن قۇرىلعىمەن جابدىقتالعان ديسپەتچەرلىك قىزمەتى بار ۇيىمدا ورنالاستىرىلادى.
24. ينۆاتاكسي قىزمەتتەرىن كورسەتۋگە قويىلاتىن تالاپتار مەملەكەتتىك الەۋمەتتىك تاپسىرىستى ورىنداۋ تۋرالى شارتتا ايتىلادى.
25. ينۆاتاكسي قىزمەتتەرىن كورسەتۋ ءۇشىن وتىرعىزۋعا جانە تۇسىرۋگە ارنالعان ارنايى گيدراۆليكالىق نەمەسە جىلجىمالى (اشىلاتىن) قۇرىلعىمەن جانە كرەسلو-اربالاردى بەكىتۋگە ارنالعان قۇرالدارمەن جاراقتاندىرىلعان اۆتوكولىك پايدالانىلادى.
26. ينۆاتاكسي قىزمەتتەرىن كورسەتۋ ءۇشىن جەڭىل اۆتوموبيل كولىگىن پايدالانۋعا جول بەرىلەدى.
27. جەرگىلىكتى اتقارۋشى ورگاندار ينۆاتاكسي قىزمەتتەرىن اۆتوموبيل كولىگىنىڭ ساعاتپەن ولشەنگەن (ماشينا-ساعات)، بىراق ءبىر اۆتوكولىك قۇرالىنا تاۋلىگىنە 10 ماشينا-ساعاتتان كەم ەمەس ناقتى جۇمىس ۋاقىتىنا بايلانىستى تولەيدى.
28. ينۆاتاكسي قىزمەتتەرىن كورسەتۋگە ايعاقتامالار:
1) «مۇگەدەكتەردى وڭالتۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2005 جىلعى 20 شىلدەدەگى № 754 قاۋلىسىمەن بەكىتىلگەن جەكە كومەكشىنىڭ الەۋمەتتىك قىزمەتتەردى كورسەتۋگە مەديتسينالىق ايعاقتامالارى;
2) «مەديتسينالىق-الەۋمەتتىك ساراپتاما جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 20 شىلدەدەگى №750 قاۋلىسىمەن بەكىتىلگەن بولمەدە ءجۇرىپ-تۇرۋعا جانە سەرۋەندەۋگە ارنالعان كرەسلو-اربامەن قامتاماسىز ەتەتىن مەديتسينالىق ايعاقتار بولىپ تابىلادى.
29. مۇگەدەكتىك بەلگىلەنگەن مەرزىمگە بەرىلگەن مەديتسينالىق ۇيىمنىڭ قورىتىندىسى مۇگەدەكتەرگە ينۆاتاكسي قىزمەتتەرىن كورسەتۋگە نەگىز بولىپ تابىلادى.
قىزمەتتەردى الۋ ءۇشىن مۇگەدەك ينۆاتاكسي قىزمەتىن كورسەتەتىن ۇيىمعا مىناداي قۇجاتتاردى ۇسىنۋى قاجەت:
1) ءوتىنىش (ەركىن نىساندا);
2) جەكە باسىن كۋالاندىراتىن قۇجاتتىڭ كوشىرمەسى;
3) قازاقستان رەسپۋبليكاسى دەنساۋلىق ساقتاۋ ءمينيسترى مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن 035-1/ۋ نىسان بويىنشا مەديتسينالىق ۇيىمنىڭ قورىتىندىسى;
4) قازاقستان رەسپۋبليكاسى ۇكىمەتىنىڭ 2005 جىلعى 20 شىلدەدەگى №750 قاۋلىسىمەن بەكىتىلگەن مەديتسينالىق-الەۋمەتتىك ساراپتاما جۇرگiزۋ ەرەجەسiنە سايكەس مۇگەدەكتىكتىگى تۋرالى انىقتامانىڭ كوشىرمەسى.
2)، 4) تارماقشالارىندا كورسەتىلگەن قۇجاتتار سالىستىرىپ تەكسەرۋ ءۇشىن، تۇپنۇسقادا جانە كوشىرمە تۇرىندە ۇسىنىلادى، سودان كەيىن قۇجاتتاردىڭ تۇپنۇسقاسى مۇگەدەككە قايتارىلادى.
30. ينۆاتاكسي قىزمەتتەرى وسى قاعيدالاردىڭ قوسىمشاسىنا سايكەس ينۆاتاكسي قىزمەتتەرىن كورسەتۋگە ارنالعان وبەكتىلەردىڭ جانە بەلگىلەنگەن پۋنكتتەردىڭ تىزبەسىنە سايكەس كورسەتىلەدى.
31. وبەكتىلەر مەن بەلگىلەنگەن پۋنكتتەردىڭ تىزبەسى جەرگىلىكتى بيۋدجەتتىڭ مۇمكىندىگى ەسكەرىلە وتىرىپ، جەرگىلىكتى اتقارۋشى ورگانداردىڭ شەشىمى بويىنشا كەڭەيتۋگە بولادى.
32. ينۆاتاكسي قىزمەتتەرى ءبىرىنشى كەزەكتە جۇمىس ىستەيتىن جانە وقيتىن مۇگەدەكتەرگە جۇمىس نەمەسە وقۋ كەستەسىنە سايكەس كورسەتىلەدى. باسقا مۇگەدەكتەرگە ينۆاتاكسي قىزمەتتەرى ولاردىڭ ءوتىنىش ءبىلدىرۋ تارتىبىندە كورسەتىلەدى.
33. ينۆاتاكسي قىزمەتتەرىن الۋ ءۇشىن ءوتىنىم جوسپارلانعان ساپار كۇنىنە دەيىن ءبىر كۇن بۇرىن ينۆاتاكسي قىزمەتىن كورسەتەتىن ۇيىمعا تەلەفون ارقىلى بەرىلەدى.
34. ينۆاتاكسي قىزمەتتەرىن كورسەتۋ تاپسىرىس قابىلداۋ، مۇگەدەكتى قارسى الۋ، وترىعىزۋعا/تۇسىرۋگە (قاجەت بولعان جاعدايدا) جاردەمدەسۋ، مۇگەدەكتى جانە ەرتىپ جۇرەتىن ادامدى (بولعان كەزدە) وتىنىمدە كورسەتىلگەن بەلگىلەنگەن پۋنكتكە دەيىن جەتكىزۋ كىرەدى.
35. تاپسىرىس بەرۋ كەزىندە مۇگەدەك مىناداي دەرەكتەردى: تەگىن، اتىن، اكەسىنىڭ اتىن (ول بولعان جاعدايدا)، ساپار كۇنىن جانە ۋاقىتىن، بەلگىلەنگەن پۋنكتتىڭ ناقتى مەكەنجايىن، تاپسىرىس بەرۋشىمەن بايلانىسۋ ءۇشىن تەلەفونىن، وزگە دە قوسىمشا اقپاراتتى (جولاۋشىلاردىڭ سانىن، جۇك كولەمىن جانە جاي-كۇيىن، پوەزدىڭ، اۆتوبۋستىڭ، ۇشاقتىڭ كەلۋ/كەتۋ ۋاقىتىن جانە سول سياقتى) اتايدى.
36. ديسپەتچەر ينۆاتاكسي مارشرۋتىن جاساۋ كەزىندە ءوتىنىم ۋاقىتىن تۇزەتەدى جانە ونى مۇگەدەكپەن كەلىسەدى.
37. قىزمەتتەردى كورسەتۋ كەزىندە ينۆاتاكسيدىڭ ءجۇرۋ باعىتى بويىنشا ءبىر مەزگىلدە بىرنەشە مۇگەدەكتەردىڭ ءوتىنىمىن ورىنداۋعا جول بەرىلەدى.
38. ءوتىنىمدى الىپ تاستاعان جاعدايدا مۇگەدەك بۇل تۋرالى تاپسىرىستىڭ بەلگىلەنگەن ۋاقىتىنا دەيىن ءبىر ساعاتتان كەشىكتىرمەي ديسپەتچەرلىك قىزمەتكە حابارلايدى.
39. ينۆاتاكسي تاپسىرىس ورنىنا كەلگەنى تۋرالى حابارلانعاننان كەيىن ينۆاتاكسي مۇگەدەكتى 20 مينۋت كۇتەدى. ودان كەيىن تاپسىرىس الىنادى، ينۆاتاكسي كەلەسى تاپسىرىسقا كەتەدى، ءوتىنىم ورىندالدى دەپ ەسەپتەلەدى.
40. مارشرۋت باعىتىن وزگەرتۋ قاجەت بولعان جاعدايدا مۇگەدەك بۇل تۋرالى ديسپەتچەرگە الدىن الا تەلەفون ارقىلى حابارلايدى. ەگەر ساپار مەكەنجايىنىڭ وزگەرۋى ينۆاتاكسي مارشرۋتىمەن سايكەس كەلمەسە، ديسپەتچەر مۇگەدەككە تاپسىرىس بەرۋ مەكەنجايىن وزگەرتۋدەن باس تارتادى.
41. ەگەر مۇگەدەك بەلگىلەنگەن ۋاقىتتان كەشىگەتىن بولسا، ول بۇل تۋرالى ديسپەتچەرگە تەلەفون ارقىلى حابارلايدى. ديسپەتچەر تاپسىرىس ۋاقىتىن اۋىستىرادى نەمەسە مۇگەدەكتىڭ كەشىگۋى ينۆاتاكسي قىزمەتتەرىن كورسەتۋ كەستەسىنە كەدەرگى كەلتىرسە، تاپسىرىستى الىپ تاستايدى.
42. ينۆاتاكسي سالونىندا مۇگەدەككە ارنالعان ءبىر ورىنعا 20 كيلوگرامم سالماقتان اسپايتىن باگاجدى تاسىمالداۋعا رۇقسات بەرىلەدى.
43. قاجەت بولعان كەزدە مۇگەدەكپەن ءبىر ادام ەرىپ جۇرە الادى. ەرىپ جۇرەتىن ادامدار ساپارى تەگىن بولىپ تابىلادى.
44. مۇگەدەكتىڭ عيمارات ىشىندە قوزعالۋىنا، ورىن اۋىستىرۋىنا، مۇگەدەكتىڭ جۇگىن/زاتتارىن/ سومكەلەرىن تاسۋعا كومەك كورسەتۋ، سونداي-اق قانداي دا ءبىر نارسەنى ساتىپ الۋلاردى جۇزەگە اسىرۋ جۇرگىزۋشىنىڭ مىندەتىنە كىرمەيدى.
45. بەلگىلەنگەن پۋنكتكە كەلگەننەن كەيىن مۇگەدەك ينۆاتاكسي جۇرگىزۋشىنىڭ وتىنىمىنە قول قويادى، ورگانيزم قىزمەتتەرىنىڭ بۇزىلۋى سالدارىنان مۇمكىندىگى بولماعان جاعدايدا، ەرىپ جۇرەتىن ادام قولىن قويادى.
46. ادامنىڭ ءوتىنىشى بويىنشا بورديۋر، ساتى، باسپالداق جانە باسقا دا توسقاۋىلداردان وتۋگە كومەك كورسەتۋ تۇرىندەگى كەدەرگىلەردەن جۇرگىزۋشىنىڭ كەلىسىمىمەن عانا ورىندالادى.
47. جۇرگىزۋشى سالوندا قالىپ قويعان، ۇمىتىلعان مۇگەدەكتىڭ زاتتارىنىڭ ساقتالۋىنا جاۋاپ بەرمەيدى.
اۆتوموبيل كولىگىمەن مۇگەدەكتەردى تاسىمالداۋ جونىندە قىزمەتتەر  كورسەتۋ قاعيدالارىنا  قوسىمشا
ينۆاتاكسي قىزمەتتەرىن كورسەتۋگە ارنالعان وبەكتىلەردىڭ جانە بەلگىلەنگەن
پۋنكتتەردىڭ تىزبەسى
1) مۇگەدەكتىڭ جۇمىس ورنى;
2) مۇگەدەكتىڭ وقۋ ورنى;
3) جەرگىلىكتى وكىلدى جانە اتقارۋشى ورگاندار;
4) سوت، پروكۋراتۋرا;
5) الەۋمەتتىك سالا وبەكتىلەرى;
6) زاڭ كونسۋلتاتسيالارى;
7) نوتاريۋس;
8) مەديتسينالىق مەكەمەلەر (جەدەل (شۇعىل) مەديتسينالىق كومەكتى كورسەتۋ جاعدايلاردى قوسپاعاندا);
9) اۋەجايلار، تەمىر جول ۆوكزالدارى، اۆتوۆوكزالدار، تەڭىز جانە وزەن  پورتتارى;
10) ارنايى الەۋمەتتىك قىزمەتتەردى كورسەتەتىن ۇيىمدار.

بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 11 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8950 بولىپ ەنگىزىلدى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار