«ادام ولىمىنە اكەپ سوققان جارىلىس تۋرالى حاباردى زور كۇيزەلىسپەن قابىلدادىم. قىرعىز رەسپۋبليكاسى حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا كوڭىل ايتامىن.
قايعىلى وقيعالارعا بايلانىستى زارداپ شەككەندەر تەزىرەك ساۋىعىپ كەتۋىن تىلەيمىن. ءبىز ورنى تولماس قازانىڭ قايعىسىن بىرگە بولىسەمىز», دەلىنگەن قىرعىزستان پرەزيدەنتىنىڭ جەدەلحاتىندا.
ايتا كەتەيىك, جامبىل وبلىسىنداعى جارىلىستاردان قازا تاپقاندار سانى 5-كە جەتكەنى حابارلانعان بولاتىن. بۇعان دەيىن بايزاق اۋدانىندا ورنالاسقان اسكەري بولىمدەگى جارىلىستاردان قازا تاپقان ءتورت اسكەري قىزمەتكەر تۋرالى تولىق اقپارات جاريالانعان ەدى.
