2013 جىلعى 2 قازان استانا قالاسى
قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ «جەكە سوت ورىنداۋشىسىندا تاعىلىمدامادان ءوتۋ ەرەجەسىن بەكىتۋ تۋرالى» 2010 جىلعى 3 قاراشاداعى № 303 بۇيرىعىنا وزگەرىس ەنگىزۋ تۋرالى
2013 جىلعى 2 قازان استانا قالاسى
قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ «جەكە سوت ورىنداۋشىسىندا تاعىلىمدامادان ءوتۋ ەرەجەسىن بەكىتۋ تۋرالى» 2010 جىلعى 3 قاراشاداعى № 303 بۇيرىعىنا وزگەرىس ەنگىزۋ تۋرالى
«اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قازاقستان رەسپۋبليكاسىنىڭ 2010 جىلعى 2 ساۋىردەگى زاڭىنىڭ 156-بابى 4-تارماعىنا سايكەس, بۇيىرامىن:
1. قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ «جەكە سوت ورىنداۋشىسىندا تاعىلىمدامادان ءوتۋ ەرەجەسىن بەكىتۋ تۋرالى» 2010 جىلعى 3 قاراشاداعى № 303 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6625 تىركەلگەن, 2010 جىلعى 30 قاراشادا № 506-512 (26355) «ەگەمەن قازاقستان» گازەتىندە جاريالانعان) بۇيرىعىنا مىناداي وزگەرىس ەنگىزىلسىن:
جوعارىدا اتالعان بۇيرىقپەن بەكىتىلگەن جەكە سوت ورىنداۋشىسىندا تاعىلىمدامادان ءوتۋ ەرەجەسى وسى بۇيرىقتىڭ قوسىمشاسىنا سايكەس جاڭا رەداكتسيادا جازىلسىن.
2. وسى بۇيرىق العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب.يماشەۆ.
«كەلىسىلدى»
جەكە سوت ورىنداۋشىلارىنىڭ رەسپۋبليكالىق القاسىنىڭ
توراعاسى
___________گ. كيم
2013 جىلعى «_26__» _09___
قازاقستان رەسپۋبليكاسى ادىلەت ءمينيسترىنىڭ
2013 جىلعى 2 قازانداعى № 310 بۇيرىعىنا قوسىمشا
قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ
2010 جىلعى 3 قاراشاداعى № 303 بۇيرىعىمەن بەكىتىلگەن
جەكە سوت ورىنداۋشىسىندا تاعىلىمدامادان ءوتۋ ەرەجەسى
1. جەكە سوت ورىنداۋشىسىندا تاعىلىمدامادان ءوتۋ ەرەجەسى (بۇدان ءارى - ەرەجە) «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قازاقستان رەسپۋبليكاسىنىڭ 2010 جىلعى 2 ساۋىردەگى زاڭىنىڭ (بۇدان ءارى - زاڭ) 156-بابى 4-تارماعىنا سايكەس ازىرلەندى جانە جەكە سوت ورىنداۋشىلارى تاعىلىمدامادان وتۋشىلەرىنىڭ تاعىلىمدامادان ءوتۋ ءتارتىبىن, شارتتارى مەن مەرزىمىن انىقتايدى.
2. جەكە سوت ورىنداۋشىلارىنىڭ تاعىلىمدامادان وتۋشىلەرىنە مىناداي تالاپتار بەلگىلەنەدى:
قازاقستان رەسپۋبليكاسىنىڭ ازاماتتىعى;
جوعارى زاڭگەرلىك ءبىلىمىنىڭ بولۋى;
قازاقستان رەسپۋبليكاسىنىڭ زاڭىندا بەلگىلەنگەن تارتىپپەن ارەكەتكە قابىلەتسىز نەمەسە ارەكەت قابىلەتى شەكتەۋلى دەپ تانىلعانى تۋرالى مالىمەتتەردىڭ بولماۋى;
سىبايلاس جەمقورلىق قىلمىسىن جاساعانى تۋرالى مالىمەتتەردىڭ بولماۋى;
مەملەكەتتىك, اسكەري قىزمەتتەن, قۇقىق قورعاۋ ورگاندارىنان, سوتتاردان جانە ادىلەت ورگاندارىنان تەرىس سەبەپتەرمەن بوساتىلعانى تۋرالى مالىمەتتەردىڭ بولماۋى;
زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى تۋرالى مالىمەتتەردىڭ بولماۋى.
3. تاعىلىمدامادان وتۋشىلەر سوت ورىنداۋشىسى بولىپ كەمىندە ءۇش جىل, ونىڭ ىشىندە جەكە سوت ورىنداۋشىسى بولىپ كەمىندە ءبىر جىل جۇمىس ىستەگەن جەكە سوت ورىنداۋشىسىندا تاعىلىمدامادان وتەدى.
4. تاعىلىمدامانىڭ ۇزاقتىعى ءۇش ايدان ءبىر جىلعا دەيىن. تاعىلىمداما مەرزىمى وڭىرلىك القا باسقارماسىنىڭ وتىرىسىندا اتقارۋشىلىق ءىس جۇرگىزۋ سالاسىنداعى جۇمىس وتىلىنە بايلانىستى بەلگىلەنەدى. اتقارۋشىلىق ءىس جۇرگىزۋ سالاسىندا جۇمىس ءوتىلى بولماعان جاعدايدا تاعىلىمداما مەرزىمى ءبىر جىلدان كەم بەلگىلەنبەيدى.
5. وسى ەرەجەنىڭ 2-تارماعىنىڭ تالاپتارىنا جاۋاپ بەرەتىن جانە تاعىلىمدامادان وتۋگە نيەت بىلدىرگەن تۇلعا ەركىن نىساندا جازىلعان وتىنىشپەن جەكە سوت ورىنداۋشىلارىنىڭ ونىرلىك القاسىنىڭ توراعاسىنا جۇگىنەدى جانە ءوتىنىش بەرگەن كۇننەن باستاپ كۇنتىزبەلىك ون كۇننىڭ ىشىندە جەكە سوت ورىنداۋشىلارىنىڭ وڭىرلىك القاسىمەن تاعىلىمدامادان ءوتۋ تۋرالى شارت جاساسادى. وتىنىشكە تىركەلەدى:
1) جەكە كۋالىك قۇجاتىنىڭ كوشىرمەسى;
2) جوعارى زاڭگەرلىك ءبىلىم تۋرالى ديپلومنىڭ كوشىرمەسى (سالىستىرۋ ءۇشىن تۇپنۇسقاسى ۇسىنىلماعان جاعدايدا نوتاريالدى كۋالاندىرىلعان);
3) مالىمەتتىڭ بولماۋى تۋرالى قۇجات:
قازاقستان رەسپۋبليكاسىنىڭ زاڭىندا بەلگىلەنگەن تارتىپپەن ارەكەتكە قابىلەتسىز نەمەسە ارەكەت قابىلەتى شەكتەۋلى دەپ تانۋ;
سىبايلاس جەمقورلىق قىلمىس جاساعانى تۋرالى;
مەملەكەتتىك, اسكەري قىزمەتتەن, قۇقىق قورعاۋ ورگاندارىنان, سوتتاردان جانە ادىلەت ورگاندارىنان تەرىس سەبەپتەرمەن بوساتىلعانى تۋرالى;
زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى تۋرالى.
6. تاعىلىمداما اقىلى نەگىزدە جۇزەگە اسىرىلادى. جەكە سوت ورىنداۋشىسىندا تاعىلىمدامادان ءوتۋ ءۇشىن اقى مولشەرى تاعىلىمدامادان وتكەن ءاربىر اي ءۇشىن ەسەپ ايىرىسۋ جۇرگىزىلگەن كۇنى بەلگىلەنگەن ون ايلىق ەسەپتىك كورسەتكىش مولشەرىندە بولادى. تاعىلىمدامادان ءوتۋ ءۇشىن اقى تولەۋدى اي سايىن, اقى تولەنۋگە جاتاتىن تاعىلىمدامادان ءوتۋدىڭ الدىنداعى ايدىڭ ءبىرىنشى كۇنىنەن كەشىكتىرمەي تاعىلىمدامادان ءوتۋشى جۇرگىزەدى جانە تاعىلىمدامادان ءوتۋ تۋرالى شارت جاسالعاننان كەيىن تىكەلەي جۇزەگە اسىرادى. تاعىلىمدامادان ءوتۋشى تاعىلىمدامادان ءوتۋ ءۇشىن اقىنى ۋاقتىلى تولەمەگەن جاعدايدا, وڭىرلىك جەكە سوت ورىنداۋشىلارىنىڭ القاسى تاعىلىمدامادان ءوتۋ تۋرالى شارتتى بۇزادى.
7. تاعىلىمداما جەكە سوت ورىنداۋشىلارىنىڭ وڭىرلىك القا باسقارماسىنىڭ توراعاسىمەن تاعايىندالعان جەكە سوت ورىنداۋشىسىنىڭ باسشىلىعىمەن وتەدى. ءبىر جەكە سوت ورىنداۋشىسىندا ەكى تاعىلىمدامادان ءوتۋشى ءبىر ۋاقىتتا تاعىلىمدامادان وتە الادى.
8. تاعىلىمدامادان ءوتۋ جەكە سوت ورىنداۋشىلارىنىڭ وڭىرلىك القاسى بەكىتەتىن جانە بارلىق تاعىلىمداماشىلار ءۇشىن مىندەتتى بولىپ تابىلاتىن بىرىڭعاي باعدارلاما بويىنشا جۇزەگە اسىرىلادى.
باعدارلاما جەكە سوت ورىنداۋشىلارىنىڭ كاسىبي جانە ەتيكالىق مىنەز-ق ۇلىق نورمالارىن زەردەلەۋدى, جەكە سوت ورىنداۋشىلارى نەمەسە تاعىلىمدامادان وتۋشىلەر ءۇشىن ارنايى ۇيىمداستىرىلعان سەمينارلىق ساباقتارعا بارۋدى قوسا العاندا, اتقارۋشىلىق ءىس-ارەكەتتەر جاساۋ جانە جەكە سوت ورىنداۋشىلارىنىڭ جۇمىسىن ۇيىمداستىرۋ جونىندەگى تاجىريبەلىك داعدىلاردى تاعىلىمدامادان وتۋشىلەردىڭ مەڭگەرۋىنە باعىتتالعان ءىس-شارالار تىزبەسىن قامتۋى ءتيىس.
9. تاعىلىمداما جەتەكشىسى اتقارۋشىلىق ءىس-ارەكەتتەر جاساۋ جانە جەكە سوت ورىنداۋشىلارىنىڭ جۇمىسىن ۇيىمداستىرۋ بويىنشا تاعىلىمدامادان ءوتۋشىنىڭ كاسىبي دايىندىق دەڭگەيىن ەسكەرە وتىرىپ بەكىتىلگەن باعدارلاما نەگىزىندە جەكە تاعىلىمداما جوسپارىن ازىرلەيدى جانە جەكە سوت ورىنداۋشىلارىنىڭ وڭىرلىك القاسىنىڭ توراعاسىنا بەكىتۋ ءۇشىن ۇسىنادى.
10. تاعىلىمدامادان ءوتۋ كەزەڭىندە تاعىلىمدامادان ءوتۋشى تاعىلىمداما جەتەكشىسىنىڭ باسشىلىعىمەن:
ازاماتتاردى قابىلداۋدى ۇيىمداستىرۋدى;
تۇسەتىن حات-حاباردى قابىلداۋ, تىركەۋ جانە ەسەپكە الۋ ءتارتىبىن;
كىرىس جانە شىعىس حات-حابارلارىن تىركەۋدى;
ءىس نومەنكلاتۋراسىن جاساۋدى;
كىتاپتاردى, جۋرنالداردى جانە جاساقتاردى جۇرگىزۋ ءتارتىبىن;
ەسەپ جاساۋدى زەردەلەيدى.
11. تاعىلىمدامادان ءوتۋشى اتقارۋشىلىق ءىس- ارەكەتتەر جاساۋعا قاتىسادى, تاعىلىمداما جەتەكشىسىنىڭ نۇسقاۋى بويىنشا جانە باقىلاۋىمەن ءىس جۇرگىزۋ مەن اتقارۋشىلىق ءىس جۇرگىزۋ جونىندەگى وزگە دە قۇجاتتاردىڭ جوبالارىن دايىندايدى.
12. تاعىلىمدامادان ءوتۋشى اتقارۋشىلىق قۇجاتتار قىزمەتىن رەتتەيتىن زاڭنامالىق جانە وزگەدە نورماتيۆتىك قۇقىقتىق اكتىلەردى دەربەس زەردەلەيدى.
13. تاعىلىمداما اياقتالعاننان كەيىن تاعىلىمدامادان ءوتۋشى جەكە سوت ورىنداۋشىلارىنىڭ وڭىرلىك القاسىنا ۇسىنىلاتىن قورىتىندى ەسەپتى دايىندايدى, ەسەپ مىنالاردى قامتۋى ءتيىس:
تاعىلىمدامادان ءوتۋ ورنى, مەرزىمى مەن ءتارتىبى تۋرالى جالپى مالىمەتتەر;
تاعىلىمداما جوسپارى بويىنشا ورىندالعان جۇمىستاردىڭ سيپاتى;
پراكتيكالىق جەكە جۇمىستان العان داعدىلارى.
ەسەپكە تاعىلىمدامادان ءوتۋشى تاعىلىمداما ۋاقىتىندا ءوزى جاساعان, تاعىلىمدامادان ءوتۋشى جانە تاعىلىمداما جەتەكشىسى قول قويعان ءىس جۇرگىزۋ جانە وزگە قۇجاتتاردىڭ ۇلگىلەرى, سونداي-اق تاعىلىمداما جەتەكشىسىنىڭ ۇسىنىسى بەرىلەدى, وندا تاعىلىمدامادان ءوتۋشىنىڭ جالپى دايىندىعىنىڭ دەڭگەيى جانە تاعىلىمدامادان ءوتۋ بارىسىندا العان كاسىبي ءبىلىمى مەن تاجىريبەلىك داعدىلارى كورسەتىلەدى
14. وسى ەرەجەنىڭ 13-تارماعىندا كورسەتىلگەن ماتەريالدار جەكە سوت ورىنداۋشىلارىنىڭ وڭىرلىك القا باسقارماسىنىڭ وتىرىسىندا ولاردى وڭىرلىك القاعا ۇسىنعان كۇنىنەن باستاپ كۇنتىزبەلىك ون كۇننەن كەشىكتىرىلمەي قارالادى.
اڭگىمەلەسۋ ارقىلى وتىرىس باسقارما مۇشەلەرى تاعىلىمدامادان ءوتۋشىنىڭ اتقارۋشىلىق قۇجاتتاردى ورىنداۋ بويىنشا قىزمەتتى جۇزەگە اسىرۋعا تەوريالىق جانە تاجىريبەلىك دايىندىق دەڭگەيىن انىقتايدى.
تاعىلىمدامانىڭ قورىتىندىسى تۋرالى شەشىم بارلىق باسقارما مۇشەلەرىنىڭ داۋىس بەرۋىمەن قابىلدانادى. شەشىمدەر قابىلداۋعا نەگىز بولاتىن كريتەريلەرى اتقارۋشىلىق قۇجاتتاردى ورىنداۋ بويىنشا دەربەس قىزمەت ءۇشىن قاجەتتى دايىندىق پەن داعدىلاردى يگەرۋ دارەجەسى بولىپ تابىلادى.
15. وسى ەرەجەنىڭ 14-تارماعىمەن بەلگىلەنگەن مەرزىمدە اڭگىمەلەسۋ جانە تاعىلىمدامادان ءوتۋ تۋرالى ماتەريالداردى قاراۋ قورىتىندىسى بويىنشا جەكە سوت ورىنداۋشىلارىنىڭ وڭىرلىك باسقارما القاسىنىڭ وتىرىسىندا وسى ەرەجەنىڭ قوسىمشاسىنا سايكەس نىسان بويىنشا تاعىلىمدامانىڭ وتكەندىگى تۋرالى قورىتىندى بەكىتۋ جونىندە شەشىم شىعارىلادى نەمەسە تاعىلىمدامانىڭ وتكەندىگى تۋرالى قورىتىندىنى بەكىتۋدەن دالەلدى باس تارتادى.
16.تاعىلىمدامانىڭ ناتيجەلەرى تۋرالى قورىتىندى نەمەسە تاعىلىمدامادان وتكەندىگى تۋرالى قورىتىندىنى بەكىتۋدەن دالەلدى باس تارتىلعاندىعى جونىندە اقپارات ءۇش جۇمىس كۇنى ىشىندە تاعىلىمدامادان وتكەن تۇلعاعا جىبەرىلەدى.
تاعىلىمدامادان ءوتۋ تۋرالى قورىتىندىنى بەكىتۋدەن باس تارتقان جاعدايدا تاعلىمدامادان ءوتۋشى جالپى نەگىزدە تاعىلىمداماعا قايتا جىبەرىلەدى.
تاعىلىمدامانىڭ وتكەندىگى تۋرالى قورىتىندى بەكىتۋدەن باس تارتۋ جونىندەگى وڭىرلىك القانىڭ شەشىمىمەن كەلىسپەگەن جاعدايدا سوت تارتىبىمەن شاعىمدانۋعا بولادى.
جەكە سوت ورىنداۋشىسىندا تاعىلىمدامادان ءوتۋ ەرەجەسىنە قوسىمشا
نىسان
____________________________
(القانىڭ اتاۋى)
جەكە سوت ورىنداۋشىلارىنىڭ
وڭىرلىك القا باسقارماسىنىڭ
وتىرىسىندا بەكىتىلدى
____ جىلعى ________«___» № ___ حاتتاما
وڭىرلىك القانىڭ توراعاسى
_________________________
قولى ا.ءا.ت.
تاعىلىمدامادان وتكەنى تۋرالى قورىتىندى
تاعىلىمدامادان ءوتۋشi __________________________________________
(تولىق ا.ءا.ت.)
20____جىلعى ________«___» №______ تاعىلىمدامادان ءوتۋ تۋرالى شارتتىڭ نەگىزىندە تاعىلىمدامادان ءوتتى.
جەكە سوت ورىنداۋشى ___________________________________________ (تولىق ت.ا.ءا., 20___جىلعى _______«___» №____ ليتسەنزيا)
تاعىلىمداما جەتەكشىسى بولىپ تاعايىندالعان.
تاعىلىمدامادان ءوتۋ مەرزىمى 20__ جىلعى _______«___» باستاپ 20 ___ جىلعى _______«___» دەيىن بەلگىلەنگەن.
تاعىلىمدامادان ءوتۋ ۋاقىتىندا تاعىلىمدامادان ءوتۋشi_______________
(تولىق ت.ا.ءا.)
تاعىلىمدامادان ءوتۋدىڭ باعدارلاماسى جانە جەكە تاعىلىمداما جوسپارىن تولىق ورىندادى.
تاعىلىمداما جەتەكشىسى _________________________________________
(قولى, اتى-ءجونى,تەگى)
م.و.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 7 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8888 بولىپ ەنگىزىلدى.
