23 قاڭتار، 2014

قازاقستان رەسپۋبليكاسى ادىلەت مينيسترلىگىنىڭ بۇيرىعى № 309

208 رەت كورسەتىلدى

2013 جىلعى 2 قازان استانا قالاسى

قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ «بىلىكتىلىك ەمتيحاندارى تۋرالى ەرەجەنى بەكىتۋ تۋرالى» 2010 جىلعى

 

2013 جىلعى 2 قازان استانا قالاسى

قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ «بىلىكتىلىك ەمتيحاندارى تۋرالى ەرەجەنى بەكىتۋ تۋرالى» 2010 جىلعى
3 قاراشاداعى № 302 بۇيرىعىنا وزگەرىس ەنگىزۋ تۋرالى

«اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قازاقستان رەسپۋبليكاسىنىڭ 2010 جىلعى 2 ساۋىردەگى زاڭىنىڭ 142-بابى 3-تارماعىنا سايكەس، بۇيىرامىن:
1. قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىنىڭ «بىلىكتىلىك ەمتيحاندارى تۋرالى ەرەجەنى بەكىتۋ تۋرالى» 2010 جىلعى 3 قاراشاداعى № 302 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6624 بولىپ تىركەلگەن، 2010 جىلعى 30 قاراشاداعى № 506-512 (26355) «ەگەمەن قازاقستان» گازەتىندە جاريالانعان) بۇيرىعىنا مىناداي وزگەرىس ەنگىزىلسىن:
جوعارىدا اتالعان بۇيرىقپەن بەكىتىلگەن بىلىكتىلىك ەمتيحاندارى تۋرالى ەرەجەسى وسى بۇيرىقتىڭ قوسىمشاسىنا سايكەس جاڭا رەداكتسيادا جازىلسىن.
2. وسى بۇيرىق العاش رەسمي جاريالانعان كۇننەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
مينيستر ب.يماشەۆ.

 

«كەلىسىلدى»
جەكە سوت ورىنداۋشىلارىنىڭ رەسپۋبليكالىق القاسىنىڭ توراعاسى
___________گ. كيم
2013 جىلعى «_26__» _09_______

قازاقستان رەسپۋبليكاسى ادىلەت ءمينيسترىنىڭ
2013 جىلعى 2 قازانداعى № 309 بۇيرىعىنا قوسىمشا

قازاقستان رەسپۋبليكاسى ادىلەت ءمينيسترىنىڭ
2013 جىلعى 3 قاراشاداعى № 302 بۇيرىعىمەن بەكىتىلگەن

بىلىكتىلىك ەمتيحاندارى تۋرالى ەرەجە

1. جالپى ەرەجەلەر
1. بىلىكتىلىك ەمتيحاندارى تۋرالى ەرەجە (بۇدان ءارى - ەرەجە) «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قازاقستان رەسپۋبليكاسىنىڭ 2010 جىلعى 2 ساۋىردەگى زاڭىنىڭ (بۇدان ءارى – زاڭ) 142-بابى 3-تارماعىنا سايكەس ازىرلەندى.
2. بىلىكتىلىك ەمتيحانىنان ءوتۋ جەكە سوت ورىنداۋشىسى قىزمەتىن جۇزەگە اسىرۋعا ليتسەنزيا بەرۋ ءۇشىن نەگىز بولىپ تابىلادى.
3. بىلىكتىلىك ەمتيحانىنا جىبەرۋ ءۇشىن ۇمىتكەرلەرگە مىناداي تالاپتار بەلگىلەنەدى:
قازاقستان رەسپۋبليكاسىنىڭ ازاماتتىعى;
جيىرما بەس جاسقا جەتۋى;
جوعارى زاڭگەرلىك ءبىلىمىنىڭ بولۋى;
قازاقستان رەسپۋبليكاسى ادىلەت ءمينيسترىنىڭ مىندەتىن اتقارۋشىسىنىڭ 2010 جىلعى 3 قاراشاداعى № 303 بۇيرىعىمەن بەكىتىلگەن جەكە سوت ورىنداۋشىسىندا تاعىلىمدامادان ءوتۋ ەرەجەسىنە سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6625 تىركەلگەن) جەكە سوت ورىنداۋشىسىندا ۇزدىكسىز تاعىلىمدامادان ءوتۋى.
 4. بىلىكتىلىك ەمتيحانىنان وتۋگە زاڭنىڭ 140-بابى 2-تارماعىمەن قاراستىرىلعان نەگىزدەر بويىنشا رۇقسات ەتىلمەيدى، ول جونىندە ۇمىتكەرگە قۇجاتتار كەلىپ تۇسكەن باستاپ ون بەس جۇمىس كۇنى ىشىندە دالەلدى حات جولدانادى.
5. بىلىكتىلىك ەمتيحانىنان ءوتۋ ءۇشىن ءاربىر ۇمىتكەردەن رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن جانە بىلىكتىلىك ەمتيحانىنان ءوتۋ كۇنى قولدانىستا بولعان ايلىق ەسەپتىك كورسەتكىشتىڭ جەتى ەسەلەنگەن مولشەرىنەن اقى الىنادى، ونى ۇمىتكەرلەر جەكە سوت ورىنداۋشىلارىنىڭ رەسپۋبليكالىق القاسىنىڭ شوتىنا اۋدارادى.
بىلىكتىلىك ەمتيحانىنىڭ قورىتىندىسى قاناعاتتانارلىقسىز بولعان جاعدايدا بىلىكتىلىك ەمتيحانى ءۇشىن ەنگىزىلگەن اقى قايتارىلمايدى.
6. ليتسەنزيا العان، بىراق سوت ورىنداۋشىسىنىڭ لاۋازىمىنداعى جۇمىسقا ءۇش جىل بويى كىرىسپەگەن ازامات بىلىكتىلىك ەمتيحانىن قايتادان تاپسىرعاننان كەيىن عانا سوت ورىنداۋشىسىنىڭ لاۋازىمىنا جىبەرىلەدى. بىلىكتىلىك ەمتيحانىن قايتا تاپسىرعانى ءۇشىن تولەم الىنبايدى.
 اتالعان مەرزىمدى ەسەپتەۋ ادامنىڭ جەكە سوت ورىنداۋشىسىنىڭ كومەكشىسى بولىپ ىستەگەن ۋاقىتىندا توقتاتىلا تۇرادى.

2. بىلىكتىلىك ەمتيحانىن وتكىزۋ
7. ۇمىتكەردىڭ بىلىكتىلىك ەمتيحانىن تاپسىرۋ ءۇشىن ۇسىناتىن قاجەتتى قۇجاتتار تىزبەسى:
1) ەركىن نىساندا جازىلعان ءوتىنىش;
2) جەكە كۋالىكتىڭ كوشىرمەسى;
3) بىلىكتىلىك ەمتيحانىن تاپسىرعانى ءۇشىن تولەگەنىن راستايتىن قۇجاتتىڭ كوشىرمەسى;
4) جوعارى زاڭگەرلىك ءبىلىم تۋرالى ديپلومنىڭ كوشىرمەسى قوسىمشاسىمەن بىرگە (سالىستىرۋ ءۇشىن تۇپنۇسقانى ۇسىنباعان جاعدايدا نوتاريالدى كۋالاندىرىلعان);
5) تاعىلىمدامادان ءوتۋدىڭ اياقتالۋى تۋرالى قورىتىندىنىڭ كوشىرمەسى.
8. بىلىكتىلىك ەمتيحانى ۇمىتكەردىڭ قۇجاتى تۇسكەن كۇنىنەن باستاپ كۇنتىزبەلىك وتىز كۇنى ىشىندە جۇرگىزىلەدى.
9. بىلىكتىلىك ەمتيحانىنا جىبەرىلگەن ۇمىتكەرلەرگە بىلىكتىلىك ەمتحانىنىڭ ءوتۋ ورنى، كۇنى، ۋاقىتى تۋرالى بىلىكتىلىك ەمتيحانىن وتكىزۋ كۇنىنەن ون كۇنتىزبەلىك كۇن بۇرىن ۋاكىلەتتى ورگان حابارلايدى.
10. وسى ەرەجەنىڭ 7-تارماعىندا كوزدەلگەن قۇجاتتار بەرىلمەگەن نە تيىسىنشە رەسىمدەلمەگەن جاعدايدا، قۇجاتتار كەلىپ تۇسكەن كۇننەن باستاپ ءۇش جۇمىس كۇنى ىشىندە ۇمىتكەرگە بىلىكتىلىك ەمتيحانىنا جىبەرۋدەن دالەلدى حاتپەن باس تارتادى.
11. بىلىكتىلىك ەمتيحانىنا دالەلدى سەبەپپەن كەلمەگەن كەزدە (دەنساۋلىعىنا، وتباسىلىق جانە قىزمەتتىك جاعدايلارىنا بايلانىستى) ۇمىتكەر بولماعان ەمتيحان كۇنىن جانە كەلمەۋ سەبەپتەرىن كورسەتۋمەن، ءوتىنىش نەگىزىندە قانداي دا ءبىر باسقا كۇنى وتكىزىلەتىن ەمتيحانعا جىبەرىلەدى. بۇل جاعدايدا، بىلىكتىلىك ەمتيحانىن وتكىزۋ ءۇشىن ۇمىتكەردەن قايتادان اقى الىنبايدى.
12. بىلىكتىلىك ەمتيحانى كومپيۋتەرلىك تەحنيكانى پايدالانۋمەن تەستىلەۋ تۇرىندە وتكىزىلەدى.
13. بىلىكتىلىك ەمتيحانىنا كەلگەن كەزدە ۇمىتكەر جەكە باسىن كۋالاندىراتىن قۇجاتتى ۇسىنادى.
14. ۇمىتكەر تەستىلەۋدەن ءوز قالاۋى بويىنشا مەملەكەتتىك نەمەسە ورىس تىلدەرىندە وتەدى.
15. ءاربىر ۇمىتكەردىڭ بىلىكتىلىك ەمتيحانىنا بەرىلگەن ۋاقىت سەكسەن مينۋتتان اسپايدى. تەست سۇراقتارىنىڭ سانى جەتپىستى قۇرايدى.
تەست سۇراقتارىنا جالپى قۇقىقتىق نورمالار، اتقارۋشىلىق ءىس جۇرگىزۋ تۋرالى زاڭناما، اتقارۋشىلىق ءىس جۇرگىزۋ ۇيىمدارىمەن بايلانىستى ماسەلەلەر مەن وزگە دە ساباقتاس قۇقىق سالالارىنىڭ نورمالارى كىرەدى.
16. تەستىلەۋدىڭ دۇرىس جاۋاپتارىن ەسەپتەۋ پايدالانىلاتىن كومپيۋتەرلىك باعدارلامانىڭ كومەگىمەن اۆتوماتتى تۇردە جۇرگىزىلەدى. تەستىلەۋ ناتيجەلەرى ەكى دانادا باسىلادى جانە تەستىلەۋ اياقتالعاننان كەيىن ۇمىتكەرگە جەكە قول قويۋ ارقىلى تانىسۋ ءۇشىن ۇسىنىلادى.
تەستىلەۋ ناتيجەلەرى بار پاراقتىڭ ءبىر داناسى ۇمىتكەرگە بەرىلەدى، ەكىنشىسى كوميسسياعا تاپسىرىلادى.
17. تەست سۇراقتارىنىڭ كەمىندە جەتپىس پايىزىنا دۇرىس جاۋاپ بەرگەن ۇمىتكەر بىلىكتىلىك ەمتيحانىنان ءوتتى دەپ ەسەپتەلەدى.
18. بىلىكتىلىك ەمتيحانى اياقتالعاننان كەيىن، تەستىلەۋ ناتيجەلەرى بويىنشا جاسالعان حاتتاماعا بىلىكتىلىك كوميسسياسىنىڭ مۇشەلەرى جانە حاتشى قول قويادى.
19. ۋاكىلەتتى ورگان بىلىكتىلىك كوميسسيا حاتتاماسىنىڭ نەگىزىندە وسى ەرەجەنىڭ قوسىمشاسىنا سايكەس بەلگىلەنگەن نىسانىسى بويىنشا ەمتيحان وتكىزىلگەن كۇننەن كەيىنگى كۇننەن كەشىكتىرمەي، بىلىكتىلىك ەمتيحانىنان وتكەنى تۋرالى شەشىم شىعارادى.
20. ەمتيحاننان وتكەن ۇمىتكەرلەر ونى تاپسىرعان كۇننەن باستاپ ءۇش جۇمىس كۇنى ىشىندە ۋاكىلەتتى ورگاننىڭ بىلىكتىلىك ەمتيحانىنان وتكەنى تۋرالى شەشىمىن الادى. ەمتيحاننان وتپەگەن ۇمىتكەرلەر بىلىكتىلىك كوميسسياسى حاتتاماسىنىڭ كوشىرمەسىن الادى.
 21. بىلىكتىلىك ەمتيحانىنىڭ ناتەجەسى بويىنشا وتپەگەن بولىپ تانىلعان ۇمىتكەر وسى بىلىكتىلىك ەمتيحانى وتكىزىلگەن كۇننەن باستاپ ءبىر جىلدان كەيىن بىلىكتىلىك ەميحانىن تاپسىرۋ اقىسىن تولەگەن جاعدايدا قايتادان وتە الادى.
22. ەگەر ۇمىتكەر قايتا وتكىزىلگەن ەمتيحان ناتيجەلەرى بويىنشا بىلىكتىلىك ەمتيحانىنان وتپەگەن بولىپ تانىلسا، كەيىننەن جەكە سوت ورىنداۋشىسىندا قايتا تاعىلىمدامادان وتكەننەن كەيىن عانا وعان بىلىكتىلىك ەمتيحانىنان وتۋگە جول بەرىلەدى.
23. بىلىكتىلىك ەمتيحانىن وتپەگەن ۇمىتكەر اپپەللياتسياعا بەرە الادى. نەگىزگى نارازىلىقتارىن نەگىزدەۋمەن بايانداي وتىرىپ، ۇمىتكەر اپپەلياتسيا تۋرالى جازباشا ءوتىنىشتى ۋاكىلەتتى ورگان باسشىسىنىڭ اتىنا بىلىكتىلىك ەمتيحانىنان وتپەگەن بولىپ تانىلعان كۇننەن باستاپ ءۇش جۇمىس كۇنى ىشىندە بەرەدى.
اپپەلياتسيانى قاراۋ ناتيجەسى حاتتامامەن راسىمدەلەدى جانە بىلىكتىلىك كوميسسياسىنا ورىنداۋ ءۇشىن تاپسىرىلادى. قايتادان اپپەلياتسياعا بەرۋگە جول بەرىلمەيدى.

بىلىكتىلىك ەمتيحاندارى تۋرالى ەرەجەگە قوسىمشا

نىسان

جەكە سوت ورىنداۋشىسى قىزمەتىمەن اينالىسۋ قۇقىعىنا
بىلىكتىلىك ەمتيحانىنان وتكەنى تۋرالى
شەشىم

________ قالاسى             20___جىلعى «__» ___________

______________
(ا.ءا.ت.) جەكە سوت ورىنداۋشىسى قىزمەتىمەن اينالىسۋ قۇقىعىنا بىلىكتىلىك ەمتيحانىنان ءوتتى دەپ تانىلسىن.

ۋاكىلەتتى ورگاننىڭ باسشىسى
(ا.ءا.ت.)

م.و.

بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 7 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8882 بولىپ ەنگىزىلدى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار