«250 تۇرعىنى بار قاينار اۋىلى 1 شاقىرىمعا جەتپەيتىن قاشىقتىقتا ورنالاسقان. حالىقتى ەۆاكۋاتسيالاۋ باستالدى. ەكى ۇلكەن جارىلىس پەن وبلىستىق توتەنشە جاعدايلار دەپارتامەنتىنىڭ جارالانعان ءبىر قىزمەتكەرى تۋرالى اقپارات بار. قىزمەتكەردىڭ دەرەكتەرى ناقتىلانىپ جاتىر. دابىل بەلگىسى بويىنشا وبلىستىڭ پوليتسيا دەپارتامەنتىنىڭ جەكە قۇرامى(300 ادام) جانە 5513 اسكەري ءبولىمىنىڭ جەكە قۇرامى (520 ادام) قىزمەتكە كىرىستى», دەپ جازادى وبلىس اكىمدىگى.
وقيعا ورنىنا 30 ەسەپتەۋدەن تۇراتىن جەدەل جاردەم بريگاداسىنىڭ جانە وبلىستىق توتەنشە جاعدايلار دەپارتامەنتىنىڭ قىزمەتكەرلەرى جىبەرىلدى.
اپات بولعان جەرگە باراتىن بارلىق جول, سونىڭ ىشىندە تەمىرجول ۋاقىتشا جابىلدى.
جاقىن ماڭداعى بازارباي, ءۇش-بۇلاق, جاڭاتۇرمىس اۋىلدارىنىڭ تۇرعىندارى ەۆاكۋاتسيالانىپ جاتىر.
قوعامدىق ءتارتىپتى قورعاۋ جانە توناۋدىڭ الدىن الۋ ماقساتىندا ەۆاكۋاتسيالانعان ەلدى مەكەندەردى پاترۋلدەۋ ۇيىمداستىرىلدى.
بايزاق اۋدانىندا جەدەل شتاب قۇرىلدى, ونى وبلىس اكىمى ب.ساپارباەۆ باسقارادى.
«الماتى-تاراز» جولدارىن وبلىستىڭ جول پوليتسياسىنىڭ 3 ەكيپاجى, «تاراز-الماتى» 5 ەكيپاجى ۋاقىتشا جاۋىپ تاستادى.
تاراز قالاسىنىڭ №1 قالالىق اۋرۋحاناسىنا ءتۇرلى جاراقاتپەن 32 ادام ءتۇستى. ونىڭ ىشىندە 10-ى اسكەري قىزمەتشى.
قورعانىس مينيسترلىگىنىڭ جازۋىنشا, قويمادا كوبىنەسە ۇزاق قاشىقتىققا قابىلەتتى ەمەس ينجەنەرلىك وق-دارىلەر ساقتالادى. بارلىعى 6 جارىلىس بولعان.
