امەريكا قۇراما شتاتتارىندا COVID-19 ينفەكتسياسىنا شالدىققاندار جانە جاعدايى اۋىر ناۋقاستار سانىنىڭ كۇرت ءوسۋى بايقالدى. تامىز ايىندا اۋرۋحاناعا جاتقىزۋ سانى ەكى ەسە ءوستى. پاتسيەنتتەر سانى 100 517-گە جەتتى, 1 تامىزدا بۇل كورسەتكىش 53 529 شاماسىندا ەدى. ەلدەگى ەڭ جوعارى ۆيرۋس جۇقتىرۋ كورسەتكىشى 14 قاڭتاردا - 142 229 ادام تىركەلدى. اقش-تىڭ كەيبىر شتاتتارىنداعى اۋرۋحانالاردىڭ جۇكتەمەسى تولىق. دجوردجيا, كەنتۋككي, تەننەسسي جانە ايداحو قوسىمشا قىزمەتكەرلەر مەن رەسۋرستار سۇراتىپ وتىر. ۆيرۋس جۇقتىرعانداردىڭ اراسىندا ۆاكتسيناتسيالانباعان ازاماتتاردىڭ سانى كوپ, سونداي-اق بالالار دا بار
لاتۆيا بيلىگى كوروناۆيرۋس ينفەكتسياسىنىڭ كوبەيۋى تۋرالى حابارلادى. COVID-19 اۋرۋىنىڭ ورتاشا ەكى اپتالىق كورسەتكىشى 100 000 تۇرعىنعا شاققاندا 100 شەكتى كورسەتكىشكە جاقىندادى. سوڭعى كۇندەرى جاعدايلاردىڭ كۇرت ناشارلاعانى بايقالادى. 24 تامىزدا 12 453 سىناقتىڭ 249-ى وڭ ناتيجە كورسەتتى. اۋرۋحاناعا جاتقىزۋ, تيىسىنشە ءولىم-ءجىتىم سانى ارتتى. SARS-CoV-2 ۆيرۋسىنىڭ قۇرباندارىنىڭ جالپى سانى 2 570 ادامدى قۇرايدى.
اۆستراليادا وتكەن تاۋلىكتە پاندەميا باستالعاننان بەرى العاش رەت مىڭنان استام جاڭا تيپتەگى كوروناۆيرۋس جۇقتىرعاندار انىقتالدى, دەپ حابارلايدى دەنساۋلىق ساقتاۋ مينيسترلىگى. اۆستراليا اۋماعىندا 25 تامىزدا SARS-CoV-2 جۇقتىرۋدىڭ 1123 جاعدايى راستالدى. ونىڭ 1029-ى جاڭا وڭتۇستىك ۋەلس شتاتىنا تيەسىلى. تاعى 80 جاعداي ۆيكتوريا شتاتىندا, قالعان 14-ءى اۆستراليانىڭ استانالىق ايماعىندا تىركەلدى.
برازيليادا كوروناۆيرۋستىق ينفەكتسياعا قارسى ۆاكتسينانىڭ ءۇشىنشى ينەكتسياسى قىركۇيەكتىڭ ەكىنشى جارتىسىندا باستالادى, دەپ حابارلادى برازيليا دەنساۋلىق ساقتاۋ مينيسترلىگى. ۆەدومستۆو مالىمدەمەسىندە بۋستەرلىك دوزالاردى بولۋدەگى باسىمدىق يممۋنيتەتى السىرەگەن ادامدارعا بەرىلەتىنى حابارلاندى. ءۇشىنشى COVID-19 ۆاكتسيناتسياسىن ولار ەكىنشى ينەكتسيادان 28 كۇن وتكەن سوڭ جاساي الادى.
بۇل تۋرالى COVID-19 تارالۋىنا جول بەرمەۋ جونىندەگى ۆاك حابارلادى.
