قازاقتىڭ قايتا تۇلەۋىنىڭ ءبىر كورىنىسى وسى قۇسبەگىلىك ونەردى جاڭعىرتۋى ەدى. كەيىنگى جىلدارى مەملەكەت تاراپىنان بۇعان كوپ قولداۋ كورسەتىلۋدە. ءتىپتى, ۇلتتىق ونەرىمىز حالىقارالىق دارەجەدە دە سان مارتە ۇلىقتالدى.
قازاقتىڭ قايتا تۇلەۋىنىڭ ءبىر كورىنىسى وسى قۇسبەگىلىك ونەردى جاڭعىرتۋى ەدى. كەيىنگى جىلدارى مەملەكەت تاراپىنان بۇعان كوپ قولداۋ كورسەتىلۋدە. ءتىپتى, ۇلتتىق ونەرىمىز حالىقارالىق دارەجەدە دە سان مارتە ۇلىقتالدى.
مىنە, وسى يگى باستامانىڭ جالعاسى رەتىندە, وتكەن اپتادا رەسپۋبليكالىق جاس قۇسبەگىلەر جارىسى جامبىل وبلىسى, جامبىل اۋدانى, ايشا ءبيبى ەلدى مەكەنىندە ءوتتى. جارىسقا جەتى وبلىستان ون التى بۇركىتشى قاتىسىپ, باقتارىن سىنادى.
بۇركىتشىلەر ءۇش كەزەڭ بويىنشا جارىستى. ءبىرىنشى – قۇسىن قولعا شاقىرۋ ۇدەرىسىن كورسەتسە, ەكىنشى – قىرانداردى قويانعا سالۋ جارىسى ورىستەدى. ءۇشىنشى سىناقتا جارىسقا قۇس اكەلگەندەر قاسقىر اۋلاۋ ۇستىندە شەبەرلىكتەرىن بايقاتتى. ءسويتىپ, جالپى ەسەپتە ەشكىمگە دەس بەرمەگەن الماتى وبلىسىنان كەلگەن قۇسبەگى الماس سەيىتجان ءوزىنىڭ «اقبالاق» اتتى بۇركىتىمەن ءبىرىنشى ورىندى جەڭىپ الدى. ەكىنشى ورىن اقمولا وبلىسىنىڭ باپكەرى شىڭعىس ۋاليحانوۆقا بۇيىردى. ءۇشىنشى ورىن استانا قالاسىنان بارعان نۇرلان بايانبەكتىڭ «تۇيعىنىنىڭ» ەنشىسىنە ءتيدى. تورتتىكتى جامبىل ءوڭىرىنىڭ نامىسىن قورعاعان باعداۋلەت باباجان مەن استانالىق ەركەبۇلان باياسحان قورىتىندىلادى. ءيا, قيقۋلاعان قۇسبەگى مەن قالىقتاعان قىران جارىسى وسىلايشا مارەگە جەتتى.
«ەگەمەن-اقپارات».
سۋرەتتەردى
تۇسىرگەن
التىنبەك
قارتاباي.
