ەلوردا • 25 تامىز، 2021

قارۋسىزدانۋ – قوعام ءۇشىن ماڭىزدى

107 رەت كورسەتىلدى

نۇر-سۇلتان قالاسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مەن سەمەي قالاسى اكىمدىگى­نىڭ بىرلەسىپ ۇيىمداستىرۋىمەن ەلىمىزدىڭ تاۋەلسىزدىگى مەن سەمەي يادرولىق پوليگونى جابىلۋىنىڭ 30 جىلدىعىنا ارنالعان  «نەگىزگى شەشىمدەر ۋاقىتى» اتتى كورمە ءوتتى.

شارانىڭ تۇساۋكەسەر ءراسىمىن اشىپ ءسوز سويلەگەن شىعىس قا­زاق­ستان وبلىسى اكىمىنىڭ ورىن­با­سارى ازامات مۋحامەدچينوۆ: «ادام­­­زاتتى يادرولىق قارۋدان ازات ەتۋگە جانە جاپپاي قىرىپ-جو­يا­­­تىن قارۋدى تاراتپاۋعا با­عىت­­­تالعان ەلىمىزدىڭ ساياساتىن حا­لىق­­­ارالىق قوعامداستىق مويىندادى. ناتيجەسىندە، بۇل سالادا ەلى­مىز جاھاندىق كوشباسشىلىق قابىلەتكە يە بولدى. بۇۇ مىن­بە­رى­نەن، حالىقارالىق فورۋمدار­دان، سونداي-اق يادرولىق دەرجاۆالار باسشىلارىمەن جەكە كەزدەسۋلەر كەزىندە جوعارىداعى ۇستا­نىم­دار­دى تۇبەگەيلى جانە دايەكتى تۇر­دە قورعاعان ەلىمىزدىڭ تۇڭعىش پرە­زيدەنتى – ەلباسى نۇرسۇلتان نازارباەۆتىڭ ءرولى ەرەكشە» دەدى.

«سەمەي قاسىرەتى»، «ەلباسىنىڭ يادرولىق قارۋسىز الەم جولىندا­عى باستامالارى» جانە «بەيبىت اتومعا قۇقىق» اتتى ءۇش بولىمنەن تۇراتىن ەكسپوزيتسيالىق زالدا قازاقستاننىڭ تاۋەلسىزدىك تاري­حىنان سىر شەرتەتىن ەلباسى كى­تاپحا­نا­سى قورىنداعى ارحيۆتىك ما­تە­ريال­دار، جادىگەرلەر جانە تا­ريحي كىتاپتار كەشەنى كوپشىلىك نازارىنا ۇسىنىلدى. سونىمەن قا­تار قازاقستان رەسپۋبليكاسى­نىڭ تۇڭعىش پرەزيدەنتى – ەلباسى ن.نا­زارباەۆتىڭ يادرولىق قارۋ­سىز­دانۋ جانە يادرولىق قارۋدى تا­راتپاۋ ىسىنە قوسقان ۇلەسى ءۇشىن بە­رىل­گەن حالىقارالىق ماراپاتتار دا كورمە تورىنەن ورىن الدى.

ەلباسىنىڭ يادرولىق قارۋسىز­دانۋ باستاماسىنان كەيىن نەۆادا، نوۆايا زەمليا، لوبنور، مۋرۋروا پوليگوندارى جابىلىپ، ناتيجەسىندە، بۇۇ باس اسسامبلەياسى 29 تامىزدى «يادرولىق سىناقتارعا قارسى حالىقارالىق كۇرەس كۇنى» دەپ جا­ريالادى. وسىلايشا، ەلباسى باس­­تاماسى جەر بەتىندە يادرولىق قارۋ­سىز الەمدى قۇرۋ مەن نىعاي­تۋدىڭ وزەگىنە اينالدى.

قازىرگىدەي دۇنيە ءجۇزىن گەو­سايا­سي تۇراقسىزدىق جايلاعان تۇس­تا، ەلباسىنىڭ يادرولىق قارۋ­دان باس تارتۋ يدەياسى جاھاندىق بىتىمگەر رەتىندە ەرەكشە ماڭىزعا يە بولعانى شىندىق. وسى ورايدا كورمە تورىنەن تۇڭعىش پرەزيدەنت ن.نازارباەۆ 2016 جىلعى 31 ناۋ­رىزدا ۆاشينگتوندا ۇسىنعان «مانيفەست. الەم. XXI عاسىر» اتتى ۇسىنىسى ۋاقىت وتە كەلە، باس اسسامبلەيا مەن بۇۇ قاۋىپسىزدىك كەڭەسىنىڭ رەسمي مارتەبەسىنە يە بولعانى جايلى قۇجات تا كورمە سورەسىنەن ورىن الدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار