ونىڭ سوزىنشە, وڭىردە 100 مىڭعا جۋىق بالا سپورتپەن اينالىسادى. 17 سپورت مەكتەبىندە 26 سپورت تۇرىنەن ۇيىرمەلەر جۇمىس ىستەۋدە. ونداعى قاتىسۋشىلار جالپى مەكتەپ جاسىنداعى بالالار سانىنىڭ 16,5 پايىزىن قۇرايدى.
ايماق بويىنشا قازىرگى كەزدە بالالار مەن جاسوسپىرىمدەرگە ارنالعان سپورتتىق سەكتسيالاردى مەملەكەتتىك قارجىلاندىرۋ جۇمىستارى جۇرگىزىلۋدە. بۇل جوبا اياسىندا ءجۇزۋ, دزيۋدو, بوكس, كوركەم گيمناستيكا, كاراتە, كۇرەس, شاحمات سەكىلدى سپورت تۇرلەرىنەن بالالاردى تەگىن سەكتسيالارعا قابىلداۋ باستالادى. بىراق ءتۇرلى سپورت تۇرلەرىنەن جاتتىقتىرۋشىلار جەتىسپەيدى.
– مامان تاپشى. ونى جويۋ ءۇشىن وبلىس اكىمى سوڭعى ءۇش جىلدان بەرى دەنە شىنىقتىرۋ جەنە سپورت ماماندىعى بويىنشا وقۋ گرانتتارىن ءبولىپ كەلەدى. العاشقى تۇلەكتەر الداعى جىلى سپورتتىق ۇيىمدارعا كەلىپ جۇمىسقا ورنالاسادى, – دەدى سپورت باسقارماسىنىڭ باس مامانى.
