حاميد كارزاي اۋەجايىنا يل-76 مد ءۇش اسكەري كولىك ۇشاعى مەن رەسەي اەروعارىشتىق كۇشتەرىنىڭ ءبىر جولاۋشىلار لاينەرى يل-62 قوندى.
رەسەيدىڭ بىرقاتار شەنەۋنىكتەرى دە ەۆاكۋاتسيالاۋ جۇمىستارىنا قاتىسۋ ءۇشىن كابۋلعا كەلدى.
اۋعانستاننان شەتەلدىك كۇشتەردى شىعارۋعا بەلگىلەنگەن مەرزىم اياقتالۋىنا وتە از ۋاقىت قالدى.
شەتەلدىكتەر مەن اۋعانستان ازاماتتارى پاسپورتتىق تەكسەرۋدەن وتكەننەن كەيىن ۇشاقتارمەن كابۋلدان ەۆاكۋاتسيالانادى.
رەسەي قورعانىس مينيسترلىگى بۇعان دەيىن ءپۋتيننىڭ تاپسىرماسى بويىنشا سارسەنبىدە اۋعانستاننان رەسەي, ۋكراينا, بەلارۋس, تاجىكستان, قىرعىزستان مەن وزبەكستاننىڭ 500 ازاماتى شىعارىلاتىنىن حابارلاعان.
